Ƴɛ̀r-dɩrbɛ 7:20 - A SƐB-SÕW

²⁰ Lɛ n'a a kɔbr kɔbr ziir ayi nɩbɛ na tɩ cɛ a mɩ̀ pɛblɩ a wɩ́ɛ, ɛ́ lɔb a duwli ŋmɛr. Bɛ tɩ tɛr'ɩ a mɔ̃-'lena vũu nɩ gʋba, ɛ́ tɛr a wɩɩr nɩ dʋrʋ, pɛblɛ ɛ́ cɩɩrɛ yere: «Tɩ zɛb a Sore ƴãw nɩ a Zedeɔ̃ ƴãw!»

Ƴɛ̀r-dɩrbɛ 7:20 ပူးပေါင်းရင်းမြစ်များ

Ɩzayi 27:13

A ʋlɩ bibir nɛ a, a ɩɩl-kpɛ̃ɛ na pɛbl'a. Lɛ n'a a bɛlɩ dem na tɩ bɔr be a Asiiri tẽw a, nɩ a bɛl bɛ na tɩ diw cen nɩ a Eziptɩ tẽw a, na lɛb wa. Bɛ na wa gbĩ n dume gũu tɩ tɔ tẽw a Sore niŋé, a tãw-sõw zu, a Zerizalɛm.

Zeremi 47:6

Nyɩ yere na: “'Woi, Sore zɛbr-sɔ-kpɛ̃ɛ ɛ, Fʋ bɛ tɛr na pɩ̃ɛnɩ ɛ? Lɛb kpɛ a fʋ kpar pʋɔ! Gã zoom, ta lɛb dam ɛ.”

1 Korɛ̃tɩ 15:52

daƴen daadaa, tɩ na lɩɛb'ɩ fɔ̃wlɛ a wɩ-pɛ-baara wa pɛblɩ a. Bʋ̃ʋ n'ʋ vɛ̃, a wɩ́ɛ wa pɛblɩ a, a kũuni na lɛb'a yi kʋ̃ lɛb kpi towtow ɛ, ɛ́ a tɩɩm ƴã-gamɛ na lɩɛb'a.

2 Korɛ̃tɩ 4:7

Ɛcɛ tɩ tɛr'ɩ a na-bʋ̃-sɩza ŋa mɛ̃ yawra duwli pʋɔ n'a tɩ ƴãw a, k'aa kpɛnʋ ŋa na bɛ tɛr tɔ a, ta yi tɩɩm zie ɩ, ʋ yi Naaŋmɩn zie.

1 Tesalonikɩ 4:16

Bʋ̃ʋ n'ʋ vɛ̃, a cɛl wa ŋmɛ a, a malkɩ-kpɛ̃ɛ kɔkɔr wa yi a, a Naaŋmɩn wɩ́ɛ wa pɛblɩ a, a Sore mɩŋa na yi n a salom zu siw. Lɛ n'a a kũuni bɛl na lãw nɩ a Kɩrɩta a na de niwn lɛb yi a kũu pʋɔ.

Ebre 11:4

A sàw-deb zũú n'a Abɛl tɩ maalɩ bàwr na vɩɛl zuo Kayɛ̃ dem a kʋ̀ a Naaŋmɩn. A sàw-deb ƴãw n'a a Naaŋmɩn tɩ yel k'ʋʋ ɩ n nɩ-mɩŋa, a Naaŋmɩn mɩŋa na tɩ sàw de a bome a Abɛl na kʋ̀ ʋ a ƴãw. A ʋ sàw-deb zũú, a Abɛl na saa kpi a cãà na ƴɛ̀rɛ.

Zozue 6:16

A gb'a ayopõi sob a, a bàwr-maalbɛ tɩ pɛblɩ a ɩ́lɛ́ ɛ́ a Zozue yel a nɩbɛ: «Nyɩ lɔb a zɛbr cɛl! Bʋ̃ʋ n'ʋ vɛ̃, a Sore kʋ̀ nyɩ nɩ a tẽw.

Zozue 6:20

Bɛ tɩ pɛbl'ɩ a ɩ́lɛ́. A Ɩsɩrayɛl nɩbɛ na wa wõ a ɩ́lɛ́ pɛblʋ a, bɛ lɔb'ɩ a zɛbr cɛl lawlawlaw, ɛ́ a dacĩ-kpɛ̃ɛ na piw a tẽw a, lo a pɛr nɛ pʋɔ. Daadaalɛ a Ɩsɩrayɛl nɩbɛ tɩ kpɛ n a tẽw pʋɔ a zɛbr ƴãw, ŋa za tori a ʋ nidaa ɛ́ cere, bɛ tɩ zɛb'a de a tẽw.

Zozue 6:4

Bàwr-maalbɛ ayopõi na de nɩ a wõ-taa daga niwn, ɛ́ ŋa za mɩ́ tɛr ɩɩl. A bibie ayopõi sob a, nyɩ na cen na viiri koli a tẽw gb'a ayopõi, ɛ́ a bàwr-maalbɛ pɛblɩ a ɩ́lɛ́.

2 Pɩɛr 1:15

Ɛcɛ ɩ̃ na ƴãw nɩ fãw kɛ̀ mãa bɛ wa ka be a, nyɩɩm tʋ̃ɔ́ tɛr a ɩ̃ wulu á ŋá kʋralɛ nɩ ziir za, taa wa yiire a bɛrɛ ɩ.

Ƴɛ̀r-dɩrbɛ 7:19

A zie tɩ cɛ nɩ blã na bɩ põ-zɛ̃-taa, ɛ́ a Zedeɔ̃ nɩ a ʋ nɩbɛ kɔbr ata (300) pɩɛlɩ a laɩ. Bɛ tɩ lɩɛrɛ nɩ a laɩ-gùrbɛ wa báarɛ, ɛ́ bɛ ta. Bɛ tɩ pɛbl'ɩ a wɩ́ɛ, ɛ́ lɔb a duwli bɛ na ƴãw a nurú a ŋmɛr.

Ƴɛ̀r-dɩrbɛ 7:21

Bɛ tɩ ŋmãa na viiri koli a laɩ, ɛ́ ŋa za àr a ʋ àrʋ zie. Ɛcɛ a laɩ pʋɔ a, a tɩ ɩ n dãw-taa, bɛ ŋmɩɛr cɛlsɩ zɔrɛ nɩ.

1 Samɩɛl 11:11

Lɛ n'a a bio daarɩ́ a Sawul tɩ nyɔw a nɩbɛ bʋ́r ziir ata. Bɛ tɩ kpɛ n a Amɔ̃ tẽw dem laɩ pʋɔ zi-lige, zɛb tʋ̃ɔ́ bɛ tɩ ta n a mʋ̃tɔ̃-tuo. A bɛl na tɩ cɛ a tɩ zɔ na yaarɩ, ɛ̀ nɩbɛ ayi bɛ mɩ́ tɩ cãà lãw be zi-been ɛ.