Ƴɛ̀r-dɩrbɛ 7:2 - A SƐB-SÕW

² A Sore tɩ yel'ɩ a Zedeɔ̃: «A fʋ sojarɩ yãwmɛ na zuo, nɩ ɩ̃ na na ɩ bɛ zɛb tʋ̃ɔ́ a Madian tẽw dem a. A Ɩsɩrayɛl nɩbɛ nãà pɔrɛ na, k'aa bɛl mɩŋa fãw n'a bɛ zɛb tʋ̃ɔ́ nɩ, ɛ́ de yúor na ɩ a mãa dem a.

Ƴɛ̀r-dɩrbɛ 7:2 ပူးပေါင်းရင်းမြစ်များ

Yele-za-pɛr-tib 46:2

A ʋlɩ tɩ̃ɩsɔw nɛ a, ʋ tɩ nyɛ̃ nɩ a Naaŋmɩn ʋ ƴɛ̀r a ʋ zie. A Naaŋmɩn tɩ bʋɔl'ʋ na: «Zakɔb i! Zakɔb i!» A Zakɔb sɔw: «Mãa n'ɩ ŋan.»

2 Bibie za yel-manɩ 14:11

A Sore tɩ pɔb'ɩ a Etiopi nɩbɛ a Asa nɩ a Zuda niŋé, a Etiopi nɩbɛ lɩɛbɩ zɔ.

Ɩzayi 10:13

Bʋ̃ʋ n'ʋ vɛ̃, ʋ yel a: «A alɩ bome nɛ za ɩ̃ na ɩ a, a ɩ̃ fãw nɩ a ɩ̃ yã-bãwfʋ zũú n'a, bʋ̃ʋ n'ʋ vɛ̃, ɩ̃ tɛr'ɩ yã. Ɩ̃ ír'ɩ a nɩ-bʋʋrɛ tʋr-bɔwrɩ bɛr, fa a bɛ na-bome, ɛ́ siwri a na-mɩnɛ a bɛ dà-kɔwr zuru.

Ɩzayi 2:11

A nɩsaal na mɩ́ jɩ́r a pɔ̀l-jɩ́rʋ a, a na fɛr'a ʋ mɩ́ jɩ́r pile, ɛ́ a fɛr a pɔ̀lʋ sob ʋ gũu zu. A ʋlɩ bibir nɛ a, a Sore yõ n'ʋ na ɩ kpɛ̃ɛ.

Ɩzayi 2:17

A na fɛr'a pɔ̀lʋ sob za gũu zu, ɛ́ a bɛlɩ dem na ɩrɛ nyɔka-ɩb a siwri bɛ tʋɔra. A ʋlɩ bibir nɛ a, a Sore yõ n'ʋ na ɩ kpɛ̃ɛ.

Zeremi 9:23

Nɩr wa bɔbr k'ʋʋ pɔrɛ a, ʋ pɔrɛ ʋ na tɛr yã a sɛw ʋ na tʋ̃ɔ́ bãw mɛ̃ a. Bʋ̃ʋ n'ʋ vɛ̃, a mãa, a Sore a, ɩ̃ tone na k'ɩ̃ɩ ƴãw a nɔ̃wfʋ, a lɛ-na-tu-sɔr-a nɩ a mɩnʋ a tẽw zu. Sɩza, à á ŋá n'a mɩ́ pɛlɩ a ɩ̃ pʋɔ.» A Sore n'ʋ yel.

Ezekɩɛl 28:17

A fʋ socir ɩ n pɔ̀lʋ̀ tɛwr a fʋ vɩɛlʋ zũú. A fʋ na ɩ nɩr, a sãá daadaa a, a ɩ na fʋ jɩɩrɩ zu. Alɛ n'a so ɩ̃ lɔbr fʋ bɛrɛ tẽsɔw, ɛ́ wule a fʋ ŋmɛ̃a a na-mɩnɛ bɛl na cɛ a.

Ezekɩɛl 28:2

«A fʋ̃ʋ nɩsaal bie, yel a ƴɛ̀rʋ ŋa a mãa Sore Naaŋmɩn na yere kʋ̀rɛ a Tɩ́ɩ̀r tẽw nãà a kʋ̀ ʋ: A fʋ socir tɩ ɩ n pɔ̀lʋ̀ tɛwr fʋ yel: “Ɩ̃ ɩ n naaŋmɩn. Ɩ̃ tɛr'ɩ zie na sɛw taa nɩ ŋmɩmɛ tɛrʋ a, a kʋ̃ɔ-bɛrɛ sɔgɔ.” Fʋ tɩɛrɛ kɛ́ fʋ zɛ̃ n naaŋmɩn, ɛcɛ nɩsaal tɛwr nɛ b, fʋ bɛ ɩ naaŋmɩn ɛ!

Habakukɩ 1:16

Bɛ mɩ́ maal'ɩ bàwr kʋ̀ a bɛ mɩ̃ɛnɩ, ɛ́ nyɩw tɩ-suur-zɔ̃-na-nyùur-vla-vla-a kʋ̀ a, alɛ na n'a mɩ́ so bɛ páw bʋ̃-dɩrɩ a, bʋ̃-dɩ-yaga, bʋ̃-dɩ-nʋʋr a.

Zakari 12:7

A Sore na de nɩ niwn faa a Zuda yie nɩbɛ, k'aa Daviir bʋʋrɛ nɩ a Zerizalɛm tẽw dem taa tɩ́ɛrɛ kɛ́ bɛ gãw nɩ a Zuda nɩbɛ ŋmaarɛ ɩ.

Sɔr-nɛ́ɛ 31:4

Nyɩ kaa ír nɩbɛ túr (1 000) dɔwlʋ za pʋɔ, a al ƴãw.»

Ʋrɔm 11:18

ta zɛwr fʋ tʋɔra mɛ̃ fʋ zuo nɩ a wuli bɛ na cɛ bɛr a ɩ. Fʋ̃ʋ wa zɛwr fʋ tʋɔra mɛ̃ fʋ zuo a na a, fʋ̃ʋ bãwnɩ a fʋ̃ʋ na bɛ n'ʋ so a tɩ-nyɩgɛ be a, a tɩ-nyɩgɛ n'a so fʋ be.

Ʋrɔm 3:27

Nyɩn lowr'a tɩ na lɛb cãà ɩrɛ pɔ̀lʋ? A yi na zaa! Bʋnʋ zũú? A Wulu ɩ-ɩrɩ zũú bɩɩ? Towtow! Ɛcɛ a Kɩrɩta sàw-deb zũú n'a.

2 Korɛ̃tɩ 4:7

Ɛcɛ tɩ tɛr'ɩ a na-bʋ̃-sɩza ŋa mɛ̃ yawra duwli pʋɔ n'a tɩ ƴãw a, k'aa kpɛnʋ ŋa na bɛ tɛr tɔ a, ta yi tɩɩm zie ɩ, ʋ yi Naaŋmɩn zie.

Efɛɛzɩ 2:9

Ʋ bɛ yi a nyɩ ɩ-ɩrɩ zie ɩ, kɛ́ nɩr za taa wa dier ʋ pɔrɛ nɩ ɛ.

Wulu-ayi-sob 32:27

Ɛcɛ ɩ̃ zɔ n dɛ̃bɩ̃ɛ, a bɛ dɔ̃ dem nãà wa ɩrɛ mɛ̃ laar a, bɛ nãà wa tuli yere: “A Sore bɛ n'ʋ kʋ bɛ pàw pɛr ɛ, tɩmɛ nɛbɛ ɩ à á ŋá za!”

Wulu-ayi-sob 8:17

Nyɩ taa wa nanɩ tɩɛrɛ nyɩ pʋɔ yere nɩ: «Tɩmɛ nɛbɛ bãw a lɛ tɩ na ɩ tɛr a a, a tɩ fãw yõ zũú n'a.»

Wulu-ayi-sob 8:18

Nyɩ cãà bãwnɩ a Sore nyɩ Naaŋmɩn na n'ʋ kʋ̀rɛ nyɩ a fãw nyɩ tʋ̃ɔ́ mɩ́ tɛr a a. À ŋá n'a ʋ mɩ́ cãà ɩ tɛr a wõ-taa ʋ na maal'ɩ a nyɩ sãàkʋm-kore, mɛ̃ à ŋá ʋ na ɩrɛ a dɩ̃a a.

Zakɩ 4:6

Ɛcɛ a maalʋ a Naaŋmɩn na kʋ̀ tɩ a ɩ n kpɛ̃ɛ zuo lɛ. Bʋ̃ʋ n'ʋ vɛ̃, bɛ mɩ̀ cãà na lɛb yel: «A Naaŋmɩn mɩ́ ba n gbɛ́r a pɔ̀lʋ dem niŋé, ɛ́ maalɩ a su-siwri dem.»

1 Samɩɛl 14:6

A Zonatã tɩ yel'ɩ a ʋ zɛbr bʋ̃-tɛrɛ: «Wa, tɩ cen tɩ ta a yɔ-ɓile dem bɛ ŋa zie. A mɩnɛ kãw, a Sore na sõw tɩ na. Yel-mɩŋa n'a, tɩ yãwmɛ na bɩɩ tɩ ɩ n pʋrɩlɛ a, a Sore na tʋ̃ɔ́ na ɩ tɩ zɛb tʋ̃ɔ́.»