Ƴɛ̀r-dɩrbɛ 6:5 - A SƐB-SÕW

⁵ Bʋ̃ʋ n'ʋ vɛ̃, bɛ mɩ́ tɩ tɛr'ɩ a bɛ dʋn nɩ a bɛ pɛnɛ-sɛwr cɔlɛ nɩ, mɩ́ tɩ ta yãwmɛ mɛ̃ sãsoge a. Bɛlɛ nɩ a bɛ nyɔ̃wmɩ tɩ yãwmɛ na, nɩr kʋ̃ tʋ̃ɔ́ sɔ́r bãw a nʋɔr ɛ. Bɛ mɩ́ tɩ kpɛ na so a tẽw za, sãwnɛ ʋ bɛrɛ.

Ƴɛ̀r-dɩrbɛ 6:5 ပူးပေါင်းရင်းမြစ်များ

A Yielu za pʋɔ yiel-vla vla 1:5

Zerizalɛm pɔwsɩrali i, sɔbʋ n'a ɩ̃ sɔb, ɛcɛ ɩ̃ pɔ̀l'a mɛ̃ a wɛja-kpalɛ pʋɔ nɩ-yʋɔrɩ pɛnɛ-sɛwr a, mɛ̃ a pɛn-yawlɩ vɩɛlɩ vɩɛlɩ a. Zerizalɛm pɔwsɩrali i,

Ɩzayi 13:20

Nɩr kʋ̃ lɛb kpɛ ʋ towtow ɛ, ʋ na gã nɩ zawla a yome yome za. A wɛja-kpalɛ nɩ-yʋɔrɩ tɛɛ za kʋ̃ lɛb maalɩ a bɛ pɛnɛ-sɛwr a be ɩ, dʋ̃-cɩɩnbɛ kʋ̃ lɛb tɛw àr a be ɩ.

Ɩzayi 60:6

Nyɔ̃wmɩ na yɛ̀r'a pàw a fʋ tẽw, Madian nɩ Eifa ten nyɔ̃wmɩ-pɔlɛ. A Saba tẽw dem za na wa na. Bɛ na wa n nɩ salm-zɩɛ nɩ tɩ-suur-zɔ̃-na-nyùur-vla-vla-a, yiele danɛ nɩ a Sore.

Zeremi 46:23

A Sore yere na: Bɛ sáwr'ɩ a ʋ tuw, a ʋ tuw-zũgulu na bɛ tɛr kpɛb a. Bʋ̃ʋ n'ʋ vɛ̃, bɛ yãwmɛ na zuo sãsoge, nɩr kʋ̃ tʋ̃ɔ́ bɛ sɔr ɛ.

Zeremi 49:29

Bɛ de a bɛ pɛnɛ-sɛwr nɩ a bɛ dʋn, a bɛ pɛn-yawlɩ nɩ a bɛ bome za! Bɛ diw a bɛ nyɔ̃wmɩ cen nɩ, ɛ́ lɔb cɛlsɩ a bɛ ƴãw à ŋá: “Pʋl-vʋ̃ɔ n'a a ziir za!”»

Zeremi 49:32

A dɔ̃ sob na zu n a bɛ nyɔ̃wmɩ, ɛ́ de a bɛ dʋ̃-yaga yaga a ɩ zɛb-tʋ̃ɔ́fʋ bome. A Sore yere na: Ɩ̃ na diw nɩ a nɩbɛ bɛ ŋa na mɩ́ põ a bɛ tacɩlɛ kɔblʋ a, yaarɩ. Ɩ̃ na ɩ na a kpɩɛrʋ yi a ziir za páw bɛ.

Zeremi 51:14

A Sore, a kpɛnʋ-za-sob, pɔ n nɩ a ʋl mɩŋa à ŋá: «Sɩza, ɩ̃ na paalɩ fʋ na nɩ nɩbɛ mɛ̃ sãsoge a, ɛ́ bɛ na ŋmɛ n a zɛb-tʋ̃ɔ́fʋ cɛlsɩ a fʋ ƴãw.»

Wulu-ayi-sob 28:33

Nɩ-bʋʋrɛ nyɩ na bɛ bãw a nɛbɛ na dɩrɛ a nyɩ bʋ̃-kʋ́ɔrɩ nɩ a nyɩ nuru tome bome za. Bɛ na nɛbr nyɩ na ɛ́ dɔwrɛ nyɩ kʋralɛ.

Ƴɛ̀r-dɩrbɛ 7:12

A Madian tẽw dem, a Amalesitɩ mɩnɛ nɩ a Saa-pɛrɩ́ nɩ-yʋɔrɩ tɩ yɛ́r'a pàw a tɩ̃tal, yãwmɛ mɛ̃ sãsowe a. A bɛ nyɔ̃wmɩ tɩ yãwmɛ na mɛ̃ kʋ̃ɔ-kpɛ̃ɛ nʋɔr biire a, bɛ tɛr sɔ́rʋ ɛ.

Ƴɛ̀r-dɩrbɛ 8:10

A Zeva nɩ a Salimuna tɩ be n Karkɔɔr nɩ a bɛ sojarɩ na tɩ cɛ nɩbɛ tùr-pie nɩ anũu (15 000) tɛwr a. A Saa-pɛrɩ́ nɩ-yʋɔrɩ zɛbr-nɩbɛ na tɩ cɛ a n'ɩ a lɛ, bʋ̃ʋ n'ʋ vɛ̃, sojarɩ tùr-lɩz'a ayʋɔb (120 000) tɩ kpi n a zɛbr zie.

Ƴɛ̀r-dɩrbɛ 8:21

Lɛ n'a a Zeva nɩ a Salimuna tɩ yel a Zedeɔ̃: «Ìr kʋ tɩ fʋ mɩŋa, dɛb'ʋ na tʋ̃ɔ́ tõ à à ŋá!» Lɛ n'a a Zedeɔ̃ tɩ ìr kʋ a Zeva nɩ a Salimuna, ɛ́ de a pɩ̃ɛmɛ na tɩ ƴãw a bɛ nyɔ̃wmɩ nyurú a.

1 Samɩɛl 30:17

A Daviir tɩ zɛb'a tʋ̃ɔ́ bɛ, a biɓaara tɩ ta n a bio daarɩ́ zaanʋɔra. Nɩr za bɛ tɩ cɩ̃ɛ ɩ, a bɛ ɩ pɔ́lɛ́ kɔbr anaar (400) kãw na tɩ ƴaw zɔm nyɔ̃wmɩ zɔ cɩ̃ɛ a ɩ.