Ƴɛ̀r-dɩrbɛ 6:34 - A SƐB-SÕW

³⁴ A Sore Vʋʋrʋ tɩ paal'ɩ a Zedeɔ̃, ʋ pɛblɩ a wɩ́ɛ bʋɔl'ɩ a Aviezɛɛr dɔwlʋ nɩbɛ bɛ tu ʋ.

Ƴɛ̀r-dɩrbɛ 6:34 ပူးပေါင်းရင်းမြစ်များ

1 Bibie za yel-manɩ 12:18

A Daviir tɩ yi na tuori bɛ ɛ́ yel à ŋá: «Alɛ wa ɩ ƴã-ɓaarʋ tɩɛrʋ n'a nyɩ waar'ɩ a ɩ̃ zie nɩ kɛ́ nyɩ wa sõw mɛ̃ a, nyɩɩm wa, ɩ̃ dier nyɩ na nɩ ɩ̃ pʋɔ za. Ɛcɛ nyɩmɛ wa waar kɛ́ nyɩ wa mɩl mɛ̃ nyɔw kʋ̀ a ɩ̃ dɔ̃ dem, ɩ̃ na saa bɛ sãw bom a, a tɩ sãàkʋm-kore Naaŋmɩn, ʋ nyɛ̃ ɛ́ bãw a yel ŋa.»

1 Bibie za yel-manɩ 12:19

Lɛ n'a a Naaŋmɩn Vʋʋrʋ tɩ siw a soja-zi-gùrbɛ nɩ-kpɛ̃ɛ Amasaɩ, ʋ ŋmɛ cɛl yel: «Fʋ̃ʋ so tɩ, fʋ̃ʋ n'ʋ tɩ tuur Zese bidɛb Daviir i! Ƴã-ɓaarʋ, fʋ̃ʋ so ƴã-ɓaarʋ, fʋ̃ʋ nɩ a bɛlɩ dem na sõwne fʋ a, bʋ̃ʋ n'ʋ vɛ̃, a fʋ Naaŋmɩn sõw fʋ na.» A Daviir tɩ de bɛ na, ɛ́ kʋ̀ bɛ nɩ-bɛrɛ tõ-nɛ́ɛ a ʋ sojarɩ pʋɔ.

2 Bibie za yel-manɩ 24:20

Lɛ n'a a Naaŋmɩn Vʋʋrʋ tɩ siw a Yehoyada bidɛb, Zekarɩa, na tɩ ɩ bàwr-maalɛ a zu. A Zekarɩa tɩ ìr'a àr a nɩbɛ niŋé, ɛ́ yel bɛ à ŋá: «Nyɩ bɛrɛ wone lɛ a Naaŋmɩn na yere a: “Bʋ̃ʋ n'ʋ so nyɩ zawrɛ a ɩ̃ nɛ-ƴãwnɩ? Nyɩmɛ nɛbɛ lore! Nyɩ na faa zawrɩ mɛ̃ bɛr a, ɩ̃ mɩ̀ na zawrɩ nyɩ na bɛr!”»

Sɛb-sõw yielu 51:11

Lɩɛbɩ zikur cɔw a ɩ̃ yel-bebe, de a ɩ̃ sãwna za bɛr a baarɩ.

Sɔr-nɛ́ɛ 10:3

Bɛlɛ wa lãw pɛblɩ a wɩɩr a za ayi a, a lãw nɩbɛ za na mɩ́ ɓã n ta jil koli fʋ a tuor-taa pɛn-sɛw dɩ̃dɔr nʋɔr.

Ʋrɔm 13:14

Nyɩ su a Sore Yeezu Kɩrɩta, ɛ́ ta sàw a ƴã-gan nʋ̃ɔ̀-faar vʋla a so nyɩ ɛ.

Galasi 3:27

Nyɩ za na sɩrɩ lãw nɩ a Kɩrɩta a suob deb pʋɔ a, nyɩ su n a Kɩrɩta.

Zozue 17:2

Bɛ tɩ kʋ̀ n ziir a Manase dɔwlʋ ŋmãa al na cɛ a. A dɔwlʋ al tɩ n'ɩ a Aviezɛɛr, a Helɛkɩ, a Asiriyɛl, a Sekɛm, a Hefɛɛr nɩ Semida dɔwlʋ. Bɛ za tɩ ɩ n a Zuzɛb bidɛb Manase bʋʋrɛ.

Ƴɛ̀r-dɩrbɛ 13:25

A Dan laɩ na be a Sorea nɩ a Ɛsɩtaɔl cara pʋɔ a n'a a Sore Vʋʋrʋ tɩ tĩ damnɛ a Samsɔ̃.

Ƴɛ̀r-dɩrbɛ 14:19

Lɛ n'a a Sore Vʋʋrʋ tɩ siw a Samsɔ̃, ʋ cen Asɩkalon, tɩ kʋ a tẽw nɛ nɩbɛ lɩzɛr'ɩ pie, de a bɛ bʋ̃-suuri cen nɩ tɩ kʋ̀ a bɛlɩ dem na tɩ ír a zʋkpa-bir a, a ɩ a bɛ cuw kparɩ. Al pùorí, ʋ tɩ nyɛ̃ nɩ suur pi kɔkɛɛ lɛb kul'ɩ a ʋ sãà yir.

Ƴɛ̀r-dɩrbɛ 15:14

Ʋ na tɩ ta a Lehi a, a Filisɩtɛ̃ mɩnɛ tɩ ŋmɩɛr'ɩ zɛb-tʋ̃ɔ́fʋ cɛlsɩ tuore nɩ ʋ. Lɛ n'a a Sore Vʋʋrʋ tɩ siw a Samsɔ̃: a mie na tɩ 'lẽ a ʋ kpãkpamɛ nɩ a ʋ nuru a, tɩ yɔl'ɩ mɔlɛ mɔlɛ lɛ, mɛ̃ lɛ̃ fomiwr vũu na dɩ a.

Ƴɛ̀r-dɩrbɛ 3:10

A Sore Vʋʋrʋ tɩ siw nɩ a ʋ zu, ʋ ɩ a Ɩsɩrayɛl nɩbɛ ƴɛ̀r-dɩrɛ. Ʋ tɩ yi n a zɛbr, a Sore ɩ ʋ zɛb tʋ̃ɔ́ a Mezopotami nãà Kusan-Iriseatayim.

Ƴɛ̀r-dɩrbɛ 3:27

Ʋ na tɩ tarɛ wa báarɛ a, ʋ pɛbl'ɩ wɩ̀ɛ a Efarayim tan vuo pʋɔ, bʋɔlɩ a Ɩsɩrayɛl nɩbɛ ɓã taa, ɛ́ de bɛ niwn bɛ yi a tãw zu siwr.

Ƴɛ̀r-dɩrbɛ 6:11

A Sore malkɩ tɩ wa na wa zɩ̃ a Yowasɩ terebɛ̃tɩ tɩɛ pile, a Ofɩra tẽw. A Yowasɩ tɩ ɩ n Aviezɛɛr dɔwlʋ nɩr. A ʋ bidɛb Zedeɔ̃ tɩ vàrɛ nɩ a ble a tɩ-wɔmɛ nɛbrʋ zie, k'aa Madian tẽw dem ta nyɛ̃ ʋ ɛ.

Ƴɛ̀r-dɩrbɛ 8:2

Ɛcɛ a Zedeɔ̃ tɩ sɔw bɛ na: «Bʋ̃ʋ gãda-tome n'a ɩ̃ tõ man a nyɩ dem? Efarayim nɩbɛ ɛ, a blã al nyɩ na tʋ̃ɔ́ ɩ a, a bɛ zuo a mãa mɩŋa dɔwlʋ, a Aviezɛɛr dɔwlʋ gãda-tome za ɩ?

1 Samɩɛl 10:6

Lɛ n'a a Sore Vʋʋrʋ na siw a fʋ zu, a naaŋmɩn-ƴɛ̀r-manɛ ƴã-cɩrʋ been nɛ mɩ̀ na tɛr fʋ na, ɛ́ fʋ na lɩɛb'ɩ nɩ-yũo.

1 Samɩɛl 11:6

A Sawul na wa wõ a ƴɛ̀r-bie á ŋá a, a Naaŋmɩn Vʋʋrʋ tɩ siw nɩ a ʋ zu daadaalɛ, ɛ́ suur ír ʋ bɛ dɩ vuo ɩ.

1 Samɩɛl 13:3

Bibir kãw, a Zonatã tɩ kʋ n a Filisɩtɛ̃ mɩnɛ nãà-lɩɛrɛ na tɩ be a Geva a. A Filisɩtɛ̃ mɩnɛ tɩ wõ a na. Lɛ n'a a Sawul tɩ ƴãw bɛ pɛblɩ wɩ́ɛ a tẽw za pʋɔ yel à ŋá: «A Ebre mɩnɛ, bɛ wõ a yel ŋa.»

1 Samɩɛl 16:14

A Sore vʋʋrʋ tɩ yi na ɛ́ bɛr a Sawul, ɛ́ vʋʋr-faa kãw yi a Sore zie wa damnɛ ʋ.