Ƴɛ̀r-dɩrbɛ 6:31 - A SƐB-SÕW

³¹ A Yowasɩ tɩ sɔw nɩ a bɛlɩ dem za na tɩ àr kɔw ʋ a: «Nyɩmɛ nɛbɛ na ƴɛ̀r faa a Báàl bɩɩ? Nyɩmɛ nɛbɛ na faa ʋ bɩɩ? Sob nɛ za nãà wa ƴɛ̀rɛ faarɛ a Báàl a, a fɛr'a k'ʋʋ kpi ɛ́ a zie bãw vɩɛ. A Báàl wa ɩ ŋmɩn a, ʋ̃ʋ ƴɛ̀r faa ʋ tʋɔra ʋ mɩŋa, a Zedeɔ̃ na ŋmɛ a ʋ bàwr-maal-kuur ŋmɛr a ƴãw!»

Ƴɛ̀r-dɩrbɛ 6:31 ပူးပေါင်းရင်းမြစ်များ

1 Na-mɩnɛ 18:27

A na wa manɛ a mʋ̃tɔ̃-tuo a, a Eli tɩ ɩrɛ bɛ na laar, ɛ́ yere: «Nyɩ lɛb bãw cɩɩrɛ kpɛ̃w za! Naaŋmɩn na n'ʋ a, ʋ bɛ tɛr pɛ-zɩna ɩ, bɩɩ ʋ tɛr'ɩ yel-fɛra kãw na páwr a, bɩɩ ʋ yɔ na. Kapaw ʋ gùre na, ɛ́ a fɛr kɛ́ bɛ sɩ̃w ʋ.»

1 Na-mɩnɛ 18:29

A mʋ̃tɔ̃w na wa gɔ̃w a, bɛ lɛb'a bãw bʋɔlɛ a Báàl ɩrɛ nɩ mɛ̃ kɔ̃tɔ̃-ìrbɛ a, tɩ ta n a zaanʋɔra bàwr tɛm. Ɛcɛ bɛ bɛ tɩ wõ sɔwfʋ kãw za ɩ: bɛ bɛ wõ ƴɛ̀r-bir, bɛ nyɛ̃ bãwfʋ ɛ.

1 Na-mɩnɛ 18:40

A Eli tɩ yel bɛ na: «Nyɩ nyɔw a Báàl ƴɛ̀r-manbɛ! Nyɩ ta sàw a bɛ been kãw za wa cɩ̃ɛ ɩ!» A nɩbɛ tɩ nyɔw nɩ bɛ za. A Eli tɩ ƴãw na bɛ tɛr bɛ siw nɩ a Kison bà-fʋɔla nʋɔr, ʋ tɩ ƴãw bɛ ŋmaarɩ bɛ kɔkɛɛ bɛ za.

Eziptɩ tẽw yib 23:2

Nyɩ ta mɩ́ tu a lɛ a nɩ-yaga na yel a, maalɩ a yel-faa ɩ. A ƴɛ̀rʋ zie mɩ̀ a, nyɩ taa dɩrɛ a dãsɩɛ tuur'ɩ a lɛ a nɩ-yaga na tɩ́ɛrɛ a ɩ, bɛlɛ wa tuur sɔ́r na bɛ tori a.

Ɩzayi 41:23

Ãà, nyɩ yel a ʋlɩ bom nɛ na na ɩ a kʋ̀ tɩ. Lɛ n'a tɩ na bãw kɛ́ nyɩ ɩ n ŋmɩmɛ. Nyɩ nɩ̃ɛ maalɩ a vla bɩɩ a faa, ʋʋ ɩ pʋrɩ, kɛ̀ tɩ tʋ̃ɔ́ yuo a mimie, ɛ́ tɩ za lãw nyɛ̃ ʋ.

Ɩzayi 46:1

A ŋmɩn Bɛl gũu na, a ŋmɩn Nebo lo na. Bɛ de nɩ a dasuli tuo dʋn. A bome bɛ na mɩ́ tɩ tuo cɔrɩ cere nɩ a, alɛ n'ɩ a ŋan lɩɛbɩ tuor, to-tɩbrʋ dʋn na bàl a ƴãw.

Ɩzayi 46:7

Bɛlɛ nɛbɛ mɩ́ tuo ʋ a bɛ bawŋman zu ɛ́ nyɔw tɛr cen nɩ, tɩ ƴãw ʋ a ʋ beba zie. A ŋmɩn na àr'ɩ a be, ʋ be cere zie ɩ. Nɩr wa kõ bʋɔl'ʋ a, ʋ bɛ sɔwr ɛ. Ʋ bɛ faarɛ nɩr za a ʋ kpɩɛrʋ pʋɔ ɛ.

Zeremi 10:11

Nyɩ nyɛ̃ a lɛ nyɩ na na yel kʋ̀ bɛ a: A ŋmɩmɛ na bɛ ír a salom nɩ a tẽw a, a fɛr'a k'aa bɔr a tẽw zu, a bɔr a salom pile.

Zeremi 10:5

A tɩbɛ à ŋá ŋmɛ̃ na mɛ̃ ŋmaar bɛra na be kɔ̃kɔ̃bʋr púo pʋɔ a. A bɛ ƴɛ̀rɛ ɩ. A mɩ́ fɛr'a kɛ́ bɛ tuo a, a na kʋ̃ tʋ̃ɔ́ cen a ƴãw. Nyɩ ta zɔrɛ a ɩ: a kʋ̃ tʋ̃ɔ́ mal nɩr ɛ, ɛ́ mɩ̀ kʋ̃ tʋ̃ɔ́ maalɩ nɩr vla ɩ.»

Sɔr-nɛ́ɛ 14:6

A Nun bidɛb, Zozue, nɩ a Yefune bidɛb, Kalɛb, na tɩ pʋɔ cen tɩ cɔlɩ jɩ́r a tẽw kaa a, bɛl tɩ taw nɩ bɛ kparɩ cɩɛrɩ, pʋ-sãwna yaga na tɩ tɛr bɛ a zũú.

1 Korɛ̃tɩ 8:4

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a 'wɔbrʋ ƴãw a, tɩ bãwnɩ a na kɛ́ tɩɩb kãw za bɛ ɩ bʋ̃-sɩza ɩ, ɛ́ ŋmɩn kãw za bɛ be a tẽ-daa zu a bɛ ɩ a Naaŋmɩn-been yõ ɩ.

Efɛɛzɩ 5:11

Nyɩ taa pʋɔrɛ a lige tõ-toni pʋɔ towtow ɛ, a bɛ tɛr tɔnɛ kãw za ɩ, nyɩ nɩ̃ɛ vɛ̃ kɛ́ wore a.

Ƴɛ̀r-dɩrbɛ 6:30

Lɛ n'a a tẽw nɩbɛ tɩ yel a Yowasɩ: «Tɛr a fʋ bidɛb yi wa n tɩ wa kʋ, bʋ̃ʋ n'ʋ vɛ̃, ʋ ŋmɛ n a Báàl bàwr-maal-kuur ŋmɛr, ɛ́ cɛ̀ a dà-bara na àr kɔw ʋ a ŋmãa.»

Ƴɛ̀r-dɩrbɛ 6:32

A ʋlɩ bibir'a bɛ bʋɔlɩ a Zedeɔ̃ kɛ́ Yerubaal, a pɛr lɛ kɛ́: “A Báàl, ʋ ƴɛ̀r faa ʋ mɩŋa”, a ʋ bàwr-maal-kuur na n'ʋ bɛ ŋmɛ ŋmɛr a.

1 Samɩɛl 12:11

Lɛ n'a a Sore tɩ tõ Zedeɔ̃ nɩ Bedan nɩ Zɛfɩte nɩ a mãa Samɩɛl, kɛ́ tɩ wa faa nyɩ a nyɩ dɔ̃ dem na jil koli nyɩ a nuru pʋɔ. À ŋá n'a nyɩ tʋ̃ɔ́ kpɛ a tẽw zoom.