Ƴɛ̀r-dɩrbɛ 6:26 - A SƐB-SÕW

²⁶ Al pùorí, fʋ na mɛ n bàwr-maal-kuur, mɛ̃ a lɛ a na sɛw a, a Sore fʋ Naaŋmɩn ƴãw a tãw nyʋɔrɩ́, ɛ́ de a nadɛr maal'ɩ nyɩw-a-za-bàwr. A dà-bara fʋ na cɛ̀ ŋmãa a, ʋlɛ n'ʋ na ɩ a dàa a vũu ƴãw.»

Ƴɛ̀r-dɩrbɛ 6:26 ပူးပေါင်းရင်းမြစ်များ

2 Samɩɛl 24:18

A ʋlɩ bibir nɛ tɔr za a, a Gadɩ tɩ cen na tɩ páw a Daviir yel ʋ à ŋá: «Do a Zebi tẽw dɔɔ Arona ble vab gbãgbalá tɩ mɛ bàwr-maal-kuur a Sore ƴãw.»

2 Samɩɛl 24:22

A Arona tɩ sɔw nɩ a Daviir à ŋá: «A nãà ɩ̃ sore, ʋ de bom za ʋ na bɔbr a, maal'ɩ a nyɩw-a-za-bàwr. A ɩ̃ nĩi n'ɩ á ŋá a nyɩw-a-za-bàwr maalʋ ƴãw, a torko nɩ a nĩi nyuru dàar na gbɔw nɩ a vũu.»

Eziptɩ tẽw yib 34:13

Nyɩ na nɩ̃ɛ na mɩ́ ŋmɛr a bɛ bàwr-maal-kube bɛr, ŋmɛ a bɛ kʋsɛ-teli kar, ɛ́ cɛ̀ a bɛ dà-barɩ ŋma.

1 Korɛ̃tɩ 14:33

Bʋ̃ʋ n'ʋ vɛ̃, Naaŋmɩn bɛ ɩ bʋnɛ-ɩrɛ Naaŋmɩn ɛ, ʋ ɩ n ƴã-ɓaarʋ Naaŋmɩn. Mɛ̃ a lɛ a na ɩrɛ a kɩrɩta-nɩbɛ Lãw-yie za pʋɔ a,

1 Korɛ̃tɩ 14:40

ɛcɛ a za a, a mɩ́ ɩrɛ mɛ̃ a lɛ a na sɛw a, ɛ́ ta bʋ̀nɛ ɩrɛ ɩ.

Ƴɛ̀r-dɩrbɛ 6:25

A ʋlɩ tɩ̃ɩsɔw nɛ, a Sore tɩ yel'ɩ a Zedeɔ̃: «Nyɔw a fʋ sãà nadɛr, a ayi sob ʋl na tɛr a yome ayopõi a. Al pùorí, ŋmɛ a Báàl a fʋ sãà na puore a bàwr-maal-kuur ŋmɛr, ɛ́ cɛ̀ a dà-barɩ na àr kɔw ʋ a ŋma.

Ƴɛ̀r-dɩrbɛ 6:27

A Zedeɔ̃ tɩ kaa na ír dɛbr pie a ʋ tõ-tõ-biir pʋɔ, ɩ n a lɛ a Sore na tɩ yel kʋ̀ ʋ a. Ɛcɛ tɩ̃ɩsɔw n'a ʋ tɩ ɩ a lɛ, ʋ na tɩ zɔrɛ a ʋ sãà yir dem, nɩ a tẽw dem a ƴãw.

1 Samɩɛl 6:14

A torko na tɩ ta a Bɛtɩ-Semɛsɩ tẽw Zozue pu-pʋɔ a, ʋ tɛw na àr a be. Kʋsɛ-kpɛ̃ɛ kãw tɩ gã nɩ a be. Bɛ tɩ ɓar'ɩ a torko dàar, ɛ́ nyɔw a na-nyamɛ kʋ maal'ɩ nyɩw-a-za-bàwr kʋ̀ a Sore.