Ƴɛ̀r-dɩrbɛ 6:24 - A SƐB-SÕW

²⁴ A Zedeɔ̃ tɩ mɛ n bàwr-maal-kuur a be, por a yúor kɛ́: “Sore n'ɩ a ƴã-ɓaarʋ.” Nɩ dɩ̃a, a bàwr-maal-kuur ŋa cãà nɩ be a Ofɩra, a Aviezɛɛr dɔwlʋ pʋɔ.

Ƴɛ̀r-dɩrbɛ 6:24 ပူးပေါင်းရင်းမြစ်များ

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Yele-za-pɛr-tib 12:8

Ʋ tɩ yi n a be, ɛ́ kpɛ a tan vuo pʋɔ, a Betɛl saa-pɛrɩ́. Ʋ tɩ maal'ɩ a ʋ pɛn-sɛw a Betɛl nɩ a Aɩ cara pʋɔ, a Betɛl be a mʋ̃tɔ̃w-kpɛb-lowr, ɛ́ a Aɩ be a saa-pɛrɩ́. Ʋ tɩ mɛ n bàwr-maal-kuur ƴen sob a be, ɛ́ puori a Naaŋmɩn bʋɔl'ʋ kɛ́ “Sore”.

Yele-za-pɛr-tib 22:14

A Abraham tɩ por'ɩ a zie nɛ yúor kɛ́: “A Sore na bãw na.” Alɛ so bɛ cãà mɩ́ yel a dɩ̃a: «A tãw zu a, a Sore na bãw na.»

Yele-za-pɛr-tib 33:20

Ʋ tɩ maal'ɩ bàwr-maal-kuur a be por kɛ́ “Ɛl, a Ɩsɩrayɛl Naaŋmɩn.”

2 Samɩɛl 24:25

A be n'a a Daviir tɩ mɛ a bàwr-maal-kuur a Sore ƴãw, maalɩ nyɩw-a-za-bagɛ nɩ ƴã-ɓaarʋ bagɛ kʋ̀ a Sore. A Sore tɩ wul'ɩ a ʋ nɔ̃wfʋ, ɛ́ a bʋ̃-faa na tɩ lo a Ɩsɩrayɛl zu a baarɩ.

1 Na-mɩnɛ 18:32

A Eli tɩ lɛb'a mɛ a bàwr-maal-kuur a Sore ƴãw nɩ a kʋsɛbɛ á ŋá. Ʋ tɩ wɛ̀r'ɩ bɔw na na tʋ̃ɔ́ de ta litɩr lɩzɛr'ɩ pie kʋ̃ɔ a, viiri koli a bàwr-maal-kuur.

Ɛsɩdɩrasɩ 3:2

A bàwr-maalɛ Zozue na ɩ Yosadakɩ bidɛb a, nɩ a ʋ yɛbr bàwr-maalbɛ, de nɩ Saltɩɛl bidɛb Zorobabɛl nɩ a ʋ yir dem, tɩ ír'a nyɔw a Ɩsɩrayɛl Naaŋmɩn bàwr-maal-kuur lɛb-mɛb, kɛ́ bɛ tʋ̃ɔ́ mɩ́ maalɩ nyɩw-a-za-bagɛ, mɛ̃ a lɛ bɛ na sɛb a Naaŋmɩn nɩr Moyiir wulu pʋɔ a.

Eziptɩ tẽw yib 17:15

A Moyiir tɩ mɛ n bàwr-maal-kuur por a yúor kɛ́ «A Sore n'ɩ a ɩ̃ dɩrapo.»

Zeremi 23:6

A ʋ daar a, a Zuda na nyɛ̃ nɩ a faafʋ, a Ɩsɩrayɛl na vʋʋrɛ nɩ zoom bɛ bãw damnʋ ɛ. Nyɛ̃ a yúor bɛ na na bʋɔlɛ ʋ a: “A Sore n'ɩ a tɩ mɩnʋ.”

Zeremi 33:16

A lɛn daar a, a Zuda naalʋ-tẽw na nyɛ̃ nɩ faafʋ, ɛ́ a nɩbɛ na kpɩɛr a Zerizalɛm tẽw pʋɔ a, na vʋʋrɛ na ɛ́ bom bɛ damnɛ bɛ ɩ. Nyɛ̃ a lɛ bɛ na na bʋɔlɛ ʋ a: “A Sore n'ɩ a tɩ mɩnʋ.”»

Ezekɩɛl 48:35

A dacine na na viiri koli a tẽ-kpɛ̃ɛ a wowr za na ɩ n mɛtɩr tùr-piwaɩ (9 000). A na dɛ tĩ a ʋlɩ bibir nɛ a, bɛ na bʋɔlɛ nɩ a tẽ-kpɛ̃ɛ kɛ́: “A-Sore-be-n-ka.”»

Sɔr-nɛ́ɛ 26:30

A Galaadɩ bʋʋrɛ yir tɩ wob'ɩ nɩbɛ bɛ ŋa ɓã taa: a Yezɛɛr'ʋ tɩ ɩ a Yezɛɛr bʋʋrɛ be, Helɛkɩ ɩ a Helɛkɩ bʋʋrɛ be,

Zozue 22:10

Bɛ na tɩ ta a Zurdɛ̃ nʋɔr ɛ́ cãà be a Kanãa tẽw a, bɛ tɩ mɛ n bàwr-maal-kuur na ɩ kpɛ̃ɛ sãá a, pɩɛlɩ a man.

Ƴɛ̀r-dɩrbɛ 21:4

A bio daarɩ́ biɓaar-pipi a, a Naaŋmɩn nɩ-bʋʋrɛ tɩ mɛ n bàwr-maal-kuur a be, maalɩ nyɩw-a-za-bagɛ nɩ ƴã-ɓaarʋ bagɛ.

Ƴɛ̀r-dɩrbɛ 6:23

Ɛcɛ a Sore tɩ yel ʋ na: «A ƴã-ɓaarʋ, ʋ be a fʋ zie, ta zɔrɛ dɛ̃bɩ̃ɛ ɩ, fʋ bɛ kpiir ɛ.»

Ƴɛ̀r-dɩrbɛ 8:27

A Zedeɔ̃ tɩ de nɩ a salm-zɩɛ al maal'ɩ ŋmɩn kãw dasule, bin a ʋ tẽw Ofɩra. A Ɩsɩrayɛl nɩbɛ za tɩ tĩ na puore a dasule ŋa. À ŋá n'a ʋ tɩ lɩɛbɩ bɛra a Zedeɔ̃ nɩ a ʋ yir dem ƴãw.

Ƴɛ̀r-dɩrbɛ 8:32

A Yowasɩ bidɛb Zedeɔ̃ tɩ wõ n nʋ̃ɔ̀ a ʋ koru pʋɔ ɛ́ bãw kpi, bɛ ũù ʋ a ʋ sãà Yowasɩ yaa pʋɔ, a Aviezɛɛr tẽw Ofɩra.

1 Samɩɛl 14:35

À ŋá n'a a Sawul tɩ mɛ bàwr-maal-kuur a Sore ƴãw: a bàwr-maal-kuur dãw-niwn-sob tɩ n'ɩ a ʋl ʋ na mɛ kʋ̀ a Sore a.

1 Samɩɛl 7:17

Al pùorí, ʋ mɩ́ tɩ lɛb'a wa a Arama, be na n'a a ʋ yir tɩ be a ƴãw. Be n'a ʋ tɩ dɩrɛ a ƴɛ̀rʋ kʋ̀rɛ a Ɩsɩrayɛl nɩbɛ, ɛ́ be n'a ʋ tɩ mɛ bàwr-maal-kuur a Sore ƴãw.