Ƴɛ̀r-dɩrbɛ 6:21 - A SƐB-SÕW

²¹ A Sore malkɩ tɩ tur'ɩ a dabɔl ʋ na tɩ ƴãw a nũú a, tɔ n a nɛn nɩ a dipɛ̃ na bɛ ƴãw dãbɩl a. Vũu tɩ ƴaw na yi a pìir pʋɔ dɩ a nɛn nɩ a dipɛ̃. Al pùorí, a malkɩ bɔr.

Ƴɛ̀r-dɩrbɛ 6:21 ပူးပေါင်းရင်းမြစ်များ

1 Na-mɩnɛ 18:38

Lɛ n'a a Sore tɩ ɩ vũu siw dɩ a bàwr nɛn, a dàar, a kʋsɛbɛ nɩ a tanɛ, ɛ́ ɩ a bɔw kʋ̃ɔ a sɩr.

1 Bibie za yel-manɩ 21:26

A be n'a a Daviir tɩ mɛ a bàwr-maal-kuur a Sore ƴãw, maalɩ nyɩw-a-za-bagɛ nɩ ƴã-ɓaarʋ bagɛ kʋ̀ a Sore. Al pùorí, ʋ tɩ puor'ɩ a Sore, ʋ sɔw ʋ, bɛr a vũu a yi a salom zu siw a nyɩw-a-za-bagɛ bàwr-maal-kuur zu.

2 Bibie za yel-manɩ 7:1

A Salomɔ̃ na tɩ puori baar'a, vũu tɩ yi n a salom zu siw dɩ a nyɩw-a-za-bagɛ nɩ a lãw-taa bagɛ, ɛ́ a Sore yúor-vɩɛlʋ-danʋ tɩ paalɩ a Ŋmɩn-yir-kpɛ̃ɛ.

Ɩzayi 38:7

A Ɩzayi yel ʋ: «A Sore na kʋ̀ b'ɩ bãwfʋ, k'ʋʋ ɩ fʋ bãwnɩ a k'ʋʋ na ɩ n a lɛ ʋ na yel a, ʋlɛ n'ɩ ŋa:

Levitɩ mɩnɛ 9:24

Vũu-zɛl tɩ yi n a Sore niŋé dɩ a nyɩw-a-za-bagɛ nɩ a bàwr-yoru nɛn-kãánɩ a bàwr-maal-kuur zu. A nɩbɛ za tɩ nyɛ̃ a na. Bɛ tɩ lɔb'ɩ nʋ̃ɔ̀ cɛlsɩ, ɛ́ lo vɔblɩ muru.

Ƴɛ̀r-dɩrbɛ 13:19

A Manoa tɩ de nɩ bʋle nɩ a de-kʋ̀b bome, dɔwlɩ a pìir zu, k'ʋʋ de a kʋ̀ a Sore, a ʋl a ɩb na bɛ tɛr bãwfʋ a. A Manoa nɩ a ʋ pɔw na tɩ jɩ́rɛ

Ƴɛ̀r-dɩrbɛ 13:20

a bàwr vũu-zɛlɛ na tɩ yi a bàwr-maal-kuur zu dúor a salom zu a, bɛ tɩ nyɛ̃ nɩ a Sore malkɩ ʋ be a vũu-zɛlɛ pʋɔ dúor. Lɛ n'a bɛ tɩ lo vɔblɩ muru.

Ƴɛ̀r-dɩrbɛ 6:20

A malkɩ tɩ yel ʋ na: «Cen nɩ a nɛn nɩ a dipɛ̃ tɩ dɔwlɩ pìir ŋa zu, ɛ́ cir a bɩ̃ɩ ƴãw.» A Zedeɔ̃ tɩ ɩ a lɛ.