Ƴɛ̀r-dɩrbɛ 6:12 - A SƐB-SÕW

¹² A Sore malkɩ tɩ ɩ na ʋ nyɛ̃ ʋ, ʋʋ yel ʋ: «Soja-gãdaa a, a Sore be n a fʋ zie!»

Ƴɛ̀r-dɩrbɛ 6:12 ပူးပေါင်းရင်းမြစ်များ

Eziptɩ tẽw yib 3:12

A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Luka 1:11

Lɛ n'a a Zakari tɩ nyɛ̃ Sore malkɩ, ʋ àr a tɩ-suur-zɔ̃-na-nyùur-vla-vla-a nyɩwfʋ bàwr-maal-kuur dʋrʋ lowr.

Luka 1:28

A malkɩ tɩ kpɛ n a ʋ zie yel ʋ: «Cɩlɛ, fʋ̃ʋ Naaŋmɩn na maalɩ yaga za a, a Sore be n fʋ zie.»

Wulu-ayi-sob 20:1

Nyɩmɛ wa cere kɛ́ nyɩ tɩ zɛb'ɩ a nyɩ dɔ̃ dem a, nyɩmɛ wa nyɛ̃ wie bɩɩ zɛbr-torkori, nɩ zɛbr-nɩbɛ na yãwmɛ zuo nyɩ a, nyɩɩm taa zɔrɛ dɛ̃bɩ̃ɛ ɩ. Bʋ̃ʋ n'ʋ vɛ̃, a Sore nyɩ Naaŋmɩn na ɩ nyɩ yi a Eziptɩ a, be n a nyɩ zie.

Zozue 1:5

A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»

Ƴɛ̀r-dɩrbɛ 11:1

Soja-gãdaa kãw tɩ be n a Galaadɩ tẽw dɩ kɛ́ Zɛfɩte. Galaadɩ nɩ pɔw-yɛm kãw bidɛb tɩ n'ʋ.

Ƴɛ̀r-dɩrbɛ 13:3

Bibir kãw, a Sore malkɩ tɩ sãá nɩ a pɔw ŋa zie yel ʋ à ŋá: «Ɩ̃ bãwnɩ a na fʋ na ɩ pɔw-ãan, ɛ́ bɛ dɔw bie a, ɛcɛ fʋ na tɛr'ɩ pʋɔ dɔw bidɛb.

Ƴɛ̀r-dɩrbɛ 2:18

A Sore na mɩ́ tɩ ɩ ƴɛ̀r-dɩrɛ yi a bɛ ƴãw a, ʋ mɩ́ tɩ be n a ƴɛ̀r-dɩrɛ ʋl zie, ɛ́ a ƴɛ̀r-dɩrɛ ʋl mɩ́ faa bɛ a bɛ dɔ̃ dem nuru pʋɔ a ʋ cãafʋ daar za, bʋ̃ʋ n'ʋ vɛ̃, a Sore mɩ́ tɩ zɔ n bɛ nɩbaalʋ, a lɛ a bɛ dɔ̃ dem na mɩ́ tɩ dɔwrɛ bɛ bɛ kone a.

Ƴɛ̀r-dɩrbɛ 6:11

A Sore malkɩ tɩ wa na wa zɩ̃ a Yowasɩ terebɛ̃tɩ tɩɛ pile, a Ofɩra tẽw. A Yowasɩ tɩ ɩ n Aviezɛɛr dɔwlʋ nɩr. A ʋ bidɛb Zedeɔ̃ tɩ vàrɛ nɩ a ble a tɩ-wɔmɛ nɛbrʋ zie, k'aa Madian tẽw dem ta nyɛ̃ ʋ ɛ.

Ƴɛ̀r-dɩrbɛ 6:13

A Zedeɔ̃ sɔw ʋ: «Ɩ̃ nɩ-kpɛ̃ɛ ɛ, gaafara! A Sore wa be a tɩ zie a, bʋ̃ʋ n'ʋ so à á ŋá za ta tɩ? A nɔ-ɓãa-yele al za a tɩ sãà mɩnɛ na tɩ manɛ kʋ̀rɛ tɩ a, nyɩnɛ n'a a cen? A al bɛ na mɩ́ tɩ manɩ tɩ kʋ a nʋɔr yel: “Sɩrɛ bɛ n'a a Sore tɛr tɩ yi n a Eziptɩ ɛ?” Ɛ́ ƴɛrɛŋa a, a Sore jɛ tɩ na bɛr kʋ̀ a Madian tẽw dem.»

Urutɩ 2:4

Blã na wa pʋɔ a, a Bowaazʋ tɩ yi n a Bɛtɩlɛm wa ta. Ʋ tɩ puor'ɩ a ɔɔzʋ cɩɛrbɛ yel: «A Sore, ʋ be a nyɩ zie!» Bɛ sɔw: «A Sore, ʋ maalɩ fʋ!»

1 Samɩɛl 10:7

A yele á ŋá wa ɩrɛ a, fʋ̃ʋ ɩrɛ bom nɛ za fʋ na nyɛ̃ a, bʋ̃ʋ n'ʋ vɛ̃, Naaŋmɩn be n a fʋ zie.