Ƴɛ̀r-dɩrbɛ 6:10 - A SƐB-SÕW

¹⁰ Ɩ̃ yel nyɩ na: “Mãa n'ɩ a Sore, a nyɩ Naaŋmɩn. Nyɩ ta puore a Amoritɩ mɩnɛ tẽw nyɩ na kpɩɛr a ŋmɩmɛ ɩ!” Ɛcɛ nyɩ bɛ bɛr wõ a ɩ̃ ƴɛ̀rʋ ɛ!»

Ƴɛ̀r-dɩrbɛ 6:10 ပူးပေါင်းရင်းမြစ်များ

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

2 Na-mɩnɛ 17:33

A na ɩ à ŋá a, bɛ tɩ puore nɩ a Sore, ɛ́ mɩ̀ cãà puore a bɛ ŋmɩmɛ, mɛ̃ a lɛ a na tuur a ten al pʋɔ bɛ na yi wa a.

2 Na-mɩnɛ 17:7

A yele á ŋá za tɩ ɩ na, a Ɩsɩrayɛl nɩbɛ na tɩ maalɩ yel-bebe a Sore bɛ Naaŋmɩn zie a ƴãw. Ʋl na tɩ faa bɛ a Eziptɩ tẽw nãà, Faarawɔ̃, nuru pʋɔ, ɛ́ ɩ bɛ yi a tẽw ŋa pʋɔ a, nɩ bɛ na tɩ puori ŋmɩn-yoru a.

Neemi 9:29

Fʋ zɛlɩ bɛ na kɛ́ bɛ lɛb tuur a fʋ wulu, ɛcɛ a bɛ pɔ̀lʋ zũú a, bɛ bɛ bɛr wõ a fʋ nɛ-ƴãwnɩ ɛ. Bɛ zawr'ɩ a tub fʋ na ƴãw kʋ̀ bɛ a bɛr, ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na tuur a a. Bɛ kpãa nɩ tobr ɛ́ gaarɩ, bɛ bɛ bɛr wõ b towtow ɛ.

Eziptɩ tẽw yib 34:12

Nyɩ gù vla taa maalɛ nɩ wõ-taa a tẽw nyɩ na cere a nɩbɛ ɩ. A na ɩ n bɛra pʋɔ nyɩ lo.

Eziptɩ tẽw yib 34:14

Nyɩ kʋ̃ gbĩ dume gũu tɩ tɔ tẽw ŋmɩn-yũo niŋé ɩ, bʋ̃ʋ n'ʋ vɛ̃, a mãa Sore a, a ɩ̃ yúor dɩ na kɛ́ “Nyuur sob”, ɩ̃ ɩ n Naaŋmɩn na kpɛ nyuur a.

Zʋkpaɩ 5:13

ɩ̃ bɛ tɩ bɛr wõ a lɛ a ɩ̃ wul-wulbɛ na tɩ yere kʋ̀rɛ mɛ̃ a ɩ, ɩ̃ bɛ tɩ ƴãw tobr a bɛ wulu ƴãw ɛ.

Zeremi 10:2

À ŋá n'a a Sore yere: «Nyɩ ta cɔwrɛ a nɩ-bʋʋr-yoru ɩ-ɩrɩ ɛ! Nyɩ ta zɔrɛ a bãwfʋ na mɩ́ sãá a salom zu a dɛ̃bɩ̃ɛ ɩ. A nɩ-bʋʋr-yoru nɛbɛ zɔrɛ a dɛ̃bɩ̃ɛ.

Zeremi 17:23

Bɛl a, bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tãa nɩ kpaar, bɛ bɛ tɩ bɔbr kɛ́ bɛ bɛr wõ ɛ́ de a wulu ɛ.

Zeremi 3:13

Dɛ́ sàw a fʋ sãwna: fʋ gáarɩ nɩ a ɩ̃ zu, a mãa Sore fʋ Naaŋmɩn zu. Fʋ zɔ na cɔlɩ a ziir za, a ŋmɩn-sãanbɛ zie, a tɩ-zimpiri za pile, ɛ́ bɛ bɛr wõ a ɩ̃ ƴɛ̀rʋ ɛ, a Sore n'ʋ yel.”»

Zeremi 3:25

Tɩ gã nɩ a tɩ vĩ, tɩ sàw a tɩ yúor na sãw a. Bʋ̃ʋ n'ʋ vɛ̃, tɩɩm nɩ a tɩ sãàkʋm-kore mɩnɛ maal'ɩ yel-bier sãw nɩ a Sore tɩ Naaŋmɩn, a tɩ pɔ̀lʋ daarɩ́ za wa tɔ a dɩ̃a. Tɩ bɛ bɛr wõ a lɛ a Sore tɩ Naaŋmɩn na tɩ yere kʋ̀rɛ tɩ a ɩ.»

Zeremi 42:21

Dɩ̃a a, ɩ̃ yel'ɩ a Sore tɩ Naaŋmɩn sɔwfʋ kʋ̀ nyɩ. Ɛcɛ nyɩ bɛ bɛrɛ wone bom kãw za a Sore na tõ m k'ɩ̃ɩ yel kʋ̀ nyɩ a ɩ.

Zeremi 43:4

À ŋá n'a a Karea bidɛb, Yohanan, a zɛbr-nɩbɛ nɩ-bɛrɛ bɛ mɩnɛ, nɩ a nɩbɛ na tɩ bɩɛlɛ bɛ a, tɩ zawrɩ na bɛr wõ a lɛ a Sore na yel a, ɛ́ tɩ zawrɩ na kpɩɛr a Zuda tẽw pʋɔ.

Zeremi 43:7

Bɛ tɩ zawr'ɩ a lɛ a Sore na yel kʋ̀ bɛ a, ɛ́ cen Eziptɩ tɩ ta Dafine.

Zeremi 9:13

Bɛ tu n a bɛl mɩŋa tɩɛrʋ tɛwr pùor, nɩ a Báàl mɩnɛ puoru pùor a bɛ sãà mɩnɛ na tɩ mili nɩ bɛ a.

Sofoni 3:2

Ʋ bɛ bɛr wõ a Sore bʋɔlʋ ɛ, ʋ bɛ sàw ʋ wul ʋ ɛ! Ʋ bɛ ƴãw a ʋ tɩɛrʋ a ʋ ƴãw ɛ, ʋ bɛ lɛb taw pɩɛlɩ a ʋ Naaŋmɩn ɛ.

Ʋrɔm 10:16

Ɛcɛ a nɩbɛ za bɛ nɛbɛ sàw de a Yel-nʋ̃ɔ̀ ɩ. Bʋ̃ʋ n'ʋ vɛ̃, Ɩzayi yere nɩ à ŋá: «Sore e, ãa n'ʋ sàw de a yel tɩ na hieri a?»

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

Zozue 24:15

Ɛcɛ nyɩmɛ bɛ wa bɔbr kɛ́ nyɩ maalɛ a Sore a, nyɩɩm kaa ír a dɩ̃a sob nɛ nyɩ na bɔbr kɛ́ nyɩ maalɛ a: a ŋmɩmɛ al a nyɩ sãà mɩnɛ na maalɩ a Efaratɩ gãwn a n'a bɩɩ a Amoritɩ mɩnɛ sɔgɔ nyɩ na kpɩɛr a ŋmɩmɛ n'a. Mãa nɩ a ɩ̃ yir dem a, a Sore n'ʋ tɩ na maalɛ.»

Ƴɛ̀r-dɩrbɛ 2:2

Ɛ́ a nyɩɩm a, nyɩ kʋ̃ maalɛ nɩ a tẽw ŋa nɩbɛ wõ-taa ɩ. Nyɩ na ŋmɛr'ɩ a bɛ bàwr-maal-kube bɛr.” Ɛcɛ nyɩ bɛ bɛr wõ m ɛ! Bʋ̃ʋ n'ɩ à à ŋá nyɩ na ɩ a!

Ƴɛ̀r-dɩrbɛ 6:9

Ɩ̃ faa nyɩ nɩ a Eziptɩ tẽw dem nuru pʋɔ, nɩ a bɛlɩ dem za na tɩ dɔwrɛ nyɩ a nuru pʋɔ. Ɩ̃ diw bɛ nɩ a nyɩ niŋé, ɛ́ de a bɛ tẽw kʋ̀ nyɩ.