Ƴɛ̀r-dɩrbɛ 5:6 - A SƐB-SÕW

⁶ A Anatɩ bidɛb Samgaar daar, a Yayɛl daar, a nɩbɛ na mɩ́ zɔm nyɔ̃wmɩ tɔ̃w tu taa cere a tɩ zawr'ɩ a tẽw bɛr, a bɛlɩ dem na yʋ̀ɔr a, tɩ tuur'ɩ sɛ-pɩlɩ.

Ƴɛ̀r-dɩrbɛ 5:6 ပူးပေါင်းရင်းမြစ်များ

2 Bibie za yel-manɩ 15:5

A ʋlɩ daar nɛ, nɩr bɛ tɩ be na cen ɛ́ lɛb wa n ƴã-ɓaarʋ ɛ, dɛ̃bɩ̃-yaga n'a tɩ nyɔw a tẽw nɩbɛ za.

Sɛb-sõw yielu 125:5

Ɛcɛ a bɛlɩ dem na tuur a sɛ-gõlõgõlõ a, Sore e, diw bɛ bɛr lãw nɩ a yel-fa-maalbɛ! A ƴã-ɓaarʋ, ʋ be a Ɩsɩrayɛl zie!

Ɩzayi 33:8

A sɛ́ɛ gã nɩ zawlɛ, nɩr bɛ cãà tuur a soli tɔlɛ ɩ. A wõ-taa na maalɩ a sãw na, bɛ zawr'ɩ a dãsɩɛ dem bɛr, bɛ bɛ cãà ŋmɛlɛ kaar nɩr za ɩ.

Zeremi 6:25

Nyɩ taa yire a wɩ̀ɛ pʋɔ ɩ, nyɩ taa cere a sɛ́ɛ zu ɛ, bʋ̃ʋ n'ʋ vɛ̃, a dɔ̃ sob be n a be kʋrɛ. A dɛ̃bɩ̃ɛ n'a a ziir za.

A Lãw-mʋɔlɛ 1:4

A Sɩyɔ̃ tẽw sɛ́ɛ be n wahala pʋɔ, nɩr bɛ cãà tuur a waar a cuwr ƴãw ɛ, a ʋ nɩbɛ tuor-taa ziir gã nɩ zawlɛ. A ʋ bàwr-maalbɛ kone na, Pʋ-sãwna tɛr'ɩ a ʋ pɔwsɩrali. Nyɛ̃ kpɩɛrʋ na tɛr a Sɩyɔ̃ a!

A Lãw-mʋɔlɛ 4:18

Bɛ piwre nɩ a tɩ gbɛ-ceni: tɩ kʋ̃ tʋ̃ɔ́ lɛb cen a tɩ nɩ-yaga tuor-taa ziir ɛ. A tɩ baarʋ tarɛ na, a tɩ nyɔ-vʋʋrʋ baar'a, a baarʋ n'a.

Levitɩ mɩnɛ 26:22

Ɩ̃ na ƴãw na wɛ-dʋn wa a nyɩ ƴãw, wa kʋ a nyɩ bibiir, kʋ a nyɩ dʋn pàw pɛr, ɛ́ baarɩ nyɩ, bɛ bɛ mɩ́ cãà nyɛ̃ nɩr sɔ́r zu ɛ.

Mise 3:12

Alɛ n'a so, a nyɩɩm zũú a, a Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw ɩ tuw gã.

Ƴɛ̀r-dɩrbɛ 3:31

Anatɩ bidɛb Samgaar'ʋ lɩɛrɩ a Ehudɩ a pùorí. Nĩi dà-ɓɩlɓɩl'ʋ, ʋ tɩ kʋ n Filisɩtɛ̃ mɩnɛ kɔbr ayʋɔb (600). Ʋ mɩ̀ tɩ faa nɩ a Ɩsɩrayɛl nɩbɛ.

Ƴɛ̀r-dɩrbɛ 5:7

Nɩ-bɛrɛ bɛ tɩ cãà be ɩ, nɩ-bɛrɛ bɛ tɩ cãà be a Ɩsɩrayɛl tẽw pʋɔ ɩ, ɛ́ gù a mãa Debora tɩ ìr, ɩ̃ tɩ ìr, mɛ̃ mã a, a Ɩsɩrayɛl ƴãw.