Ƴɛ̀r-dɩrbɛ 5:2 - A SƐB-SÕW

² «A Ɩsɩrayɛl tẽw pʋɔ a, ŋa za cɔbr'a gù a zɛbr, a Naaŋmɩn nɩ-bʋʋrɛ de nɩ bɛ tʋɔra tɩr a zɛbr ƴãw: nyɩ puore a Sore yãanɩ!

Ƴɛ̀r-dɩrbɛ 5:2 ပူးပေါင်းရင်းမြစ်များ

2 Bibie za yel-manɩ 17:16

ɛ́ Zikiri bidɛb, Amasɩa, na nɔnɛ de ʋ tʋɔra tɩr a Sore tome ƴãw a, tɩ so sojarɩ tùr-kɔbr ayi (200 000).

Neemi 11:2

A nɩbɛ tɩ puor'ɩ a bɛlɩ dem na tɩ nɔnɛ cen tɩ kpɩɛr a Zerizalɛm a yãanɩ.

Sɛb-sõw yielu 103:2

Ɩ̃ sɩ́ɛ ɛ, danɛ a Sore, taa yiire a ʋ maalʋ been kãw za bɛrɛ ɩ.

Sɛb-sõw yielu 110:3

A bibir ʋl fʋ na mɩ́ bʋɔlɛ a fʋ zɛbr-nɩbɛ ɓanɛ taa a, a fʋ nɩbɛ mɩ́ waar'a, tʋlɛ bɛ za. A pɔlbili mɩ́ waar'ɩ a fʋ zie a tan-son zu, ɩ mɛ̃ a ɓɩɛlʋ a biɓaara a.

Sɛb-sõw yielu 136:15

ɛ́ cã a Faarawɔ̃ nɩ a ʋ zɛbr-nɩbɛ lɔb ƴãw a Bàa-kɛkɛɛ kʋ̃ɔ-kpɛ̃ɛ pʋɔ, a ʋ nɔ̃wfʋ na be kʋralɛ a ƴãw.

Sɛb-sõw yielu 18:47

A Sore vʋʋrɛ na! A sob nɛ na ɩ a ɩ̃ pìir a tɛr'ɩ puoru! A Naaŋmɩn ɩ̃ faarɛ ɩ n kpɛ̃ɛ!

Sɛb-sõw yielu 48:11

Naaŋmɩn i, mɛ̃ a lɛ a fʋ yúor na yi tɩ tɔ a tẽw baarʋ zie a, lɛ n'a bɛ mɩ̀ na danɩ fʋ tɩ tɔ a tẽw baarʋ zie. A fʋ dʋrʋ nũu paal'ɩ yel-vɩɛlɩ.

Sɛb-sõw yielu 94:1

Fʋ̃ʋ Naaŋmɩn na mɩ́ yáa a yel-faa san a, Sore e, Naaŋmɩn na mɩ́ yáa a yel-faa san a, wul fʋ tʋɔra!

Sɛb-sõw yielu 97:8

Sɩyɔ̃ tẽw wõ a na, nʋ̃ɔ̀ ɩrɛ ʋ, a Zuda tẽw tẽ-bɛrɛ cɩlɛ na, a ƴɛ̀rʋ fʋ na dɩ a ƴãw, Sore e.

1 Korɛ̃tɩ 9:17

Mãa mɩŋa tɩ n'ʋ nɔnɛ tone a ton ŋa a, ɩ̃ tɩ tɛr'ɩ sɔ́r nãá páwr sã-ya. Ɛcɛ ʋlɛ wa ɩ fɛrʋ ton a, ʋ ɩ n ton bɛ kʋ̀ m.

2 Korɛ̃tɩ 8:12

Bʋ̃ʋ n'ʋ vɛ̃, a fʋ tɩɛrʋ wa sɩrɩ vɩɛl a, Naaŋmɩn mɩ́ sàw na de a bʋ̃-kʋ̀ra ɛ́ bɛ sowre bom fʋ na bɛ tɛr a ɩ, a lɛ fʋ na tɛr a n'a ʋ mɩ́ jɩ́rɛ.

2 Korɛ̃tɩ 9:7

A na ɩ à ŋá a, ŋa za mɩ́ tɩr mɛ̃ a lɛ ʋ na tɩɛr k'ʋʋ na tɩr a a, ʋ ta tɩrɛ nɩ pʋ-sãwna ɩ, ɛ́ a mɩ̀ ta ɩ fɛrʋ ɛ, bʋ̃ʋ n'ʋ vɛ̃, Naaŋmɩn nɔnɛ nɩ a sob nɛ na mɩ́ tɩr a bom nɩ pʋ-pla a.

Wulu-ayi-sob 32:43

Salom i, cɩlɛ lãwnɩ a Sore! A salom zu dem za, bɛ puore ʋ nɩ bɛ tʋɔra-siwru! A Sore na yáa nɩ a ʋ bibiir kũu san. Ʋ na yáa nɩ a san a ʋ dɔ̃ dem zu. Ʋ na kʋ̀ n a bɛlɩ dem na hɩ̃ɛn ʋ a, a ʋlɩ bom nɛ bɛ na sɛw taa nɩ a, ɛcɛ ʋ na lɛb'a ɩ a ʋ nɩ-bʋʋrɛ tẽw ʋ vɩɛl.»

Wulu-ayi-sob 33:21

Gadɩ de nɩ a tẽw zi-vla zie, a nɩ-kpɛ̃ɛ dem'ʋ ʋ kaa ír tɛr, al pùorí, ʋ cen tɩ pʋɔ a nɩbɛ nɩ-bɛrɛ pʋɔ, ʋ tu n a lɛ a Sore na tɩɛrɩ a yele bin a, ʋ sàw nɩ a lɛ ʋ na yel a Ɩsɩrayɛl nɩbɛ ƴãw a.»

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Filemɔ̃ 1:14

Ɛcɛ, ɩ̃ bɛ tɩ bɔbr k'ɩ̃ɩ ɩ bom za a fʋ pùorí ɛ, k'aa yel-vla ŋa ta ɩ mɛ̃ fɛrʋ n'a a fʋ zie ɩ, ɛ́ ɩ fʋ̃ʋ n'ʋ nɔnɛ.

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

Yel-wula 19:2

A ƴɛ̀rʋ ʋ na maalɩ a ɩ n sɩza ɛ́ tu yel-mɩnʋ. Bʋ̃ʋ n'ʋ vɛ̃, a pɔw-yɛm-kpɛ̃ɛ ʋl na tɩ sãwnɛ a tẽw nɩ a ʋ pɩ̃ɔ ɩ-ɩrɩ a, ʋ ƴãw ʋ nɩ dɔwrʋ. A ʋ tõ-tõ-biir a pɔw ŋa na kʋ a, ʋ yáa nɩ a san a ʋ zu.»

Ƴɛ̀r-dɩrbɛ 5:9

A Ɩsɩrayɛl zɛbr-nɩbɛ nɩ-bɛrɛ nɛbɛ ɩ̃ lãw nɩ, nɩ a Naaŋmɩn nɩ-bʋʋrɛ bɛl na sàw de bɛ tʋɔra tɩr a zɛbr ƴãw a. Nyɩ puore a Sore yãanɩ!