Ƴɛ̀r-dɩrbɛ 4:3 - A SƐB-SÕW

³ A Sɩsera tɩ tɛr'ɩ kure zɛbr-torkori túr vʋ̃ɔ kʋba (900), ɛ́ tɩ dɔwrɩ a Ɩsɩrayɛl nɩbɛ yaga yaga yome lɩzɛr. Lɛ n'a a Ɩsɩrayɛl nɩbɛ tɩ kõ bʋɔlɩ a Sore k'ʋʋ wa faa bɛ.

Ƴɛ̀r-dɩrbɛ 4:3 ပူးပေါင်းရင်းမြစ်များ

Sɛb-sõw yielu 106:42

A bɛ dɔ̃ dem tɩ dɔwrɩ bɛ na, ɛ́ ɩ kɛ̀ bɛ nyɛ̃ vĩ.

Sɛb-sõw yielu 50:15

Ɛ́ alɛ wa wone fʋ a ʋlɩ bibir nɛ a, fʋ̃ʋ bʋɔlɩ mɛ̃, ɩ̃ na faa fʋ na, ɛ́ fʋ na danɩ mɛ̃ na.

Sɛb-sõw yielu 78:34

A Naaŋmɩn na mɩ́ tɩ kʋrɛ bɛ a, bɛ mɩ́ tɩ lɩɛb'ɩ niwn cɔw ʋ, bɛ mɩ́ tɩ lɛb'a wa a ʋ zie, bɛ mɩ́ tɩ bɔbr'ɩ a ʋ sõwfʋ.

Eziptɩ tẽw yib 2:23

A tɩ cɛlɩ na ɛ́ a Eziptɩ tẽw nãà wa kpi. A Ɩsɩrayɛl nɩbɛ tɩ kone na ŋmɩɛr'ɩ cɛlsɩ a bɛ gbãgbaalʋ pʋɔ, ɛ́ a bɛ bʋɔlʋ tɩ do ta a Naaŋmɩn.

Wulu-ayi-sob 28:29

Mʋ̃tɔ̃w-gbawl, nyɩ na bɔblɛ na mɛ̃ zɔn na bɔblɛ lige pʋɔ a. Bom za kʋ̃ tuur nyɩ ɛ, a nɩbɛ na nɛbr nyɩ nɩ kʋralɛ, ɛ́ zure nyɩ, ɛ́ nɩr za kʋ̃ wa faa nyɩ ɛ.

Wulu-ayi-sob 28:33

Nɩ-bʋʋrɛ nyɩ na bɛ bãw a nɛbɛ na dɩrɛ a nyɩ bʋ̃-kʋ́ɔrɩ nɩ a nyɩ nuru tome bome za. Bɛ na nɛbr nyɩ na ɛ́ dɔwrɛ nyɩ kʋralɛ.

Zozue 17:16

A Zuzɛb bʋʋrɛ tɩ yel ʋ na: «Sɩza n'a a tãw vuo bɛ saalɛ tɩ ɛ, ɛcɛ a Kanãa tẽw dem na kpɩɛr a zi-tɩ̃talɛ pʋɔ a, tɛr'ɩ kure zɛbr-torkori, a bɛl na be a Bɛtɩ-Sean tẽw nɩ a ʋ tẽ-kpɔwlɩ pʋɔ a, nɩ a bɛl na be a Izireyɛl zi-tɩ̃tal pʋɔ a.»

Ƴɛ̀r-dɩrbɛ 1:19

A Sore tɔr za tɩ be n a bɛ zie bɛ zɛb de a tan vuo. Ɛcɛ bɛ bɛ tɩ tʋ̃ɔ́ diw a zi-tɩ̃talɛ pʋɔ nɩbɛ ɩ, bʋ̃ʋ n'ʋ vɛ̃, a nɩbɛ bɛ ŋa tɩ tɛr'ɩ kure zɛbr-torkori.

Ƴɛ̀r-dɩrbɛ 10:10

Lɛ n'a a Ɩsɩrayɛl nɩbɛ tɩ kõ bʋɔlɩ a Sore k'ʋʋ wa faa bɛ. Bɛ tɩ yel'a: «Tɩ maal'ɩ yel-bier sãw fʋ, tɩ na zawrɩ fʋ bɛr, fʋ̃ʋ tɩ Naaŋmɩn, ɛ́ puori a Báàl mɩnɛ a.»

Ƴɛ̀r-dɩrbɛ 10:16

Bɛ tɩ wob'ɩ a ŋmɩn-sãanbɛ lɔb bɛr, ɛ́ lɛb tĩ maalɛ a Sore. Lɛ n'a a Sore bɛ tɩ tʋ̃ɔ́ bɛr a Ɩsɩrayɛl nɩbɛ bɛ cãà wone a tuo ɩ.

Ƴɛ̀r-dɩrbɛ 3:15

Lɛ n'a a Ɩsɩrayɛl nɩbɛ tɩ kõ bʋɔlɩ a Sore k'ʋʋ wa faa bɛ, ɛ́ a Sore tõ faarɛ a bɛ ƴãw, Bɛ̃zamɛ dɔwlʋ pʋɔ, Geera bidɛb, Ehudɩ, na tɩ ɩ gʋba a. A Ɩsɩrayɛl nɩbɛ tɩ tõ n a Ehudɩ k'ʋʋ cen nɩ bome tɩ kʋ̀ a Mowab tẽw nãà Egɩlon.

Ƴɛ̀r-dɩrbɛ 3:9

Lɛ n'a a Ɩsɩrayɛl nɩbɛ tɩ kõ bʋɔlɩ a Sore k'ʋʋ wa faa bɛ, a Sore tõ Kenaazɩ na ɩ a Kalɛb yɛ-bile a bidɛb, Otɩnɩɛl, k'ʋʋ tɩ faa bɛ.

Ƴɛ̀r-dɩrbɛ 4:13

Lɛ n'a a Sɩsera tɩ ɓã a ʋ kure zɛbr-torkori túr vʋ̃ɔ kʋba (900) taa, nɩ a ʋ nɩbɛ, yi n a Harɔsɛtɩ-Goyim, cen nɩ a Kison bà-fʋɔlá.

Ƴɛ̀r-dɩrbɛ 4:4

Pɔw-naaŋmɩn-ƴɛ̀r-manɛ kãw, Debora, na ɩ Lapidɔtɩ pɔw a n'ʋ tɩ dɩrɛ a ƴɛ̀rʋ a Ɩsɩrayɛl tẽw, a lɛn daar.

Ƴɛ̀r-dɩrbɛ 5:8

Bɛ tɩ kaarɛ na íre ŋmɩn-paalɛ, ɛ́ daadaalɛ a zɛbr mɩ́ tɩ n'a. Ɛcɛ a Ɩsɩrayɛl tẽw pʋɔ a, zɛbr-kur-pãgala been bɩɩ kafin been, bɛ tɩ be be nɩbɛ tùr-lɩz'a ayi (40 000) ƴãw ɛ.

Ƴɛ̀r-dɩrbɛ 6:6

À ŋá n'a a Madian tẽw dem tɩ ƴãw a Ɩsɩrayɛl nɩbɛ kpɩɛrʋ kpɛ̃ɛ pʋɔ, ɛ̀ bɛ kõ bʋɔlɩ a Sore k'ʋʋ wa faa bɛ.

1 Samɩɛl 7:8

Bɛ tɩ yel'ɩ a Samɩɛl: «Ta ɩ gbili ɛ! Ta jɛ tɩ bɛr ɛ! Kone cɔwr a Sore tɩ Naaŋmɩn, k'ʋʋ faa tɩ a Filisɩtɛ̃ mɩnɛ nuru pʋɔ.»