Ƴɛ̀r-dɩrbɛ 4:16 - A SƐB-SÕW

¹⁶ A Barakɩ tɩ diw nɩ a Sɩsera zɛbr-torkori nɩ a ʋ zɛbr-nɩbɛ tɩ sãá nɩ a Harɔsɛtɩ-Goyim. Ʋ tɩ kʋ n a Sɩsera zɛbr-nɩbɛ za pàw pɛr, nɩ-been bɛ tɩ cɛ ɩ.

Ƴɛ̀r-dɩrbɛ 4:16 ပူးပေါင်းရင်းမြစ်များ

Sɛb-sõw yielu 104:35

A yel-bebe dem, bɛ bɔr a tẽw zu! A nɩ-faar, bɛ ta cãà be ɩ! Ɩ̃ sɩ́ɛ ɛ, danɛ a Sore. Aleluya!

Sɛb-sõw yielu 83:10

Naaŋmɩn i, ɩ bɛ mɛ̃ a Yavin nɩ a ʋ zɛbr nɩ-kpɛ̃ɛ Sɩsera fʋ na tɩ ɩ a Kison bà-fʋɔla pʋɔ a. Ɩ bɛ mɛ̃ a Madian tẽw dem a.

Sɛb-sõw yielu 83:9

Asiiri tẽw dem tɛɛ za lãw nɩ bɛ na, kɛ́ bɛ sõw a Lɔtɩ bibiir. Tɛw-àrʋ

Eziptɩ tẽw yib 14:28

A kʋ̃ɔ tɩ lɛb'a wa wa paalɩ pàw a Faarawɔ̃ zɛbr-nɩbɛ torkori za na tɩ tu a Ɩsɩrayɛl nɩbɛ kpɛ a kʋ̃ɔ-kpɛ̃ɛ pʋɔ a. Nɩr za bɛ tɩ cɩ̃ɛ ɩ.

Ɩzayi 43:17

Ʋ tɩ ɩ na zɛbr-torkori nɩ wie yi, zɛbr-nɩbɛ nɩ a gãdaar. Bɛ lo na ɛ́ kʋ̃ lɛb ìr ɛ. Bɛ kpi na, bɛ baar'a mɛ̃ fɩ̃tɩlɛ pɛn a.

Ʋrɔm 2:12

Bɛlɩ dem za na bɛ tɩ bãw a Moyiir wulu ɛ́ maalɩ yel-bier a, bɛ na kpi n a Wulu bɛ-bãwfʋ kũu. Ɛcɛ bɛlɩ dem za na tɩ bãw a Wulu ɛ́ maalɩ yel-bier a, a Wulu ŋa n'ʋ bɛ na maal'ɩ bɛ a ƴɛ̀rʋ.

Zakɩ 2:13

A Naaŋmɩn wa maalɛ nɩ nɩr na bɛ zɔrɛ ʋ taabɛ nɩbaalʋ a ƴɛ̀rʋ a, ʋ mɩ̀ kʋ̃ tɛr nɩbaal-zɔba a ʋ zie ɩ, ɛcɛ nɩbaal-zɔrɛ bɛ zɔrɛ a ƴɛ̀rʋ-maalʋ ɛ.

Zozue 10:10

A Sore tɩ ɩ na a Amoritɩ mɩnɛ lɩɛb zɔ a Ɩsɩrayɛl nɩbɛ niŋé: a Ɩsɩrayɛl nɩbɛ tɩ zɛb'a tʋ̃ɔ́ bɛ pẽlẽpẽlẽ a Gabaɔ̃. Bɛ tɩ diw bɛ nɩ a sɔ́r na dúor a Bɛtɩ-Horon a zu, tɩ pɔb bɛ tɩ sãá nɩ Azeka nɩ Makeda.

Zozue 11:8

A Sore tɩ ƴãw bɛ nɩ a Ɩsɩrayɛl nɩbɛ nuru pʋɔ, bɛ zɛb tʋ̃ɔ́ bɛ, ɛ́ diw bɛ yi n a saa-pɛrɩ́-gʋba-lowr tɩ sãá nɩ a tẽ-kpɛ̃ɛ Sɩdɔ̃ nɩ a Misirefɔtɩ-Mayim, ɛ́ tɩ sãá nɩ a Misɩpe fʋɔla a saa-pɛrɩ́. Bɛ tɩ tʋ̃ɔ́ bɛ nɩ pẽlẽpẽlẽ, ɛ́ bɛ bɛr nɩr za ʋ cãà vʋʋrɛ ɩ.

Ƴɛ̀r-dɩrbɛ 4:17

A Sɩsera tɩ zɔrɛ nɩ nɩ a gbɛ́ɛ tu a Kenitɩ nɩr Ebɛɛr pɔw, Yayɛl, pɛn-sɛw sɔ́r, bʋ̃ʋ n'ʋ vɛ̃, ƴã-ɓaarʋ tɩ be n a Hasɔɔr nãà Yavin nɩ a Kenitɩ nɩr Ebɛɛr yir dem pʋɔ.

Ƴɛ̀r-dɩrbɛ 4:2

A Sore tɩ de bɛ na ƴãw a Kanãa tẽw nãà, Yavin, na tɩ kpɩɛr Hasɔɔr a, nuru pʋɔ. A ʋ zɛbr-nɩbɛ nɩ-kpɛ̃ɛ tɩ n'ɩ Sɩsera na kpɩɛr Harɔsɛtɩ-Goyim a.