Ƴɛ̀r-dɩrbɛ 3:3 - A SƐB-SÕW

³ A bɛl a Sore na tɩ bɛr a tẽw pʋɔ a n'ɩ bɛ ŋa: a na-mɩnɛ anũu bɛl na tɩ so a Filisɩtɛ̃ mɩnɛ a, a Kanãa tẽw dem za, a Sɩdɔ̃ tẽw dem, nɩ a Hivitɩ mɩnɛ na kpɩɛr a Libã tan pʋɔ a, a na tĩ a Báàl-Hɛrmɔ̃ tãw ɛ́ tɩ tɔ a Lebo-Hamatɩ a.

Ƴɛ̀r-dɩrbɛ 3:3 ပူးပေါင်းရင်းမြစ်များ

Yele-za-pɛr-tib 49:13

Zabulɔ̃ na kpɩɛr'ɩ a kʋ̃ɔ-kpɛ̃ɛ nʋɔr, be gbee siwfʋ zie na be a. A ʋ tẽw na cen na tɩ tɔ Sɩdɔ̃.

2 Samɩɛl 24:7

Bɛ tɩ kpɛ n a Tɩ́ɩ̀r tẽ-kpɛ̃w pʋɔ, nɩ a Hivitɩ mɩnɛ nɩ a Kanãa tẽw nɩbɛ ten za pʋɔ. Al pùorí bɛ tɔl siw a Bɛɛr-Seva, a Zuda tẽw saa-pɛrɩ́-dʋrʋ-lowr.

1 Na-mɩnɛ 8:65

A ʋlɩ daar nɛ mɩ̀ a, a Salomɔ̃ tɩ maal'ɩ a Sɛwr cuw, ʋlɛ nɩ a Ɩsɩrayɛl nɩbɛ. Bɛ tɩ yi n a tẽw za pʋɔ wa bɛ dɩ vuo ɩ, a Lebo-Hamatɩ, a saa-pɛrɩ́-gʋba-lowr tɩ tɔ a Eziptɩ fʋɔla, a saa-pɛrɩ́-dʋrʋ-lowr. Bɛ tɩ maal'ɩ a cuw a Sore Naaŋmɩn niŋé bibie pie nɩ anaar: bibie ayopõi, lɛ nɩ bibie ayopõi.

1 Na-mɩnɛ 9:20

Nɩbɛ na bɛ ɩ a Ɩsɩrayɛl bʋʋrɛ a tɩ cãà na kpɩɛr a tẽw: Amoritɩ mɩnɛ, Hititɩ mɩnɛ, Perizitɩ mɩnɛ, Hivitɩ mɩnɛ nɩ Zebi tẽw dem.

Ezekɩɛl 47:20

A mʋ̃tɔ̃w-kpɛb-lowr a, a Mediterane kʋ̃ɔ-kpɛ̃ɛ n'ʋ na ɩ a tʋr-bɔw na yi a saa-pɛrɩ́-dʋrʋ-lowr ɛ́ tɩ tɔ Lebo-Hamatɩ tẽw na be a saa-pɛrɩ́-gʋba-lowr a. A mʋ̃tɔ̃w-kpɛb-lowr tʋr-bɔw n'ɩ à à ŋá.

Sɔr-nɛ́ɛ 13:29

A Amalesitɩ mɩnɛ kpɩɛr'ɩ a Negɛɛvʋ vuo pʋɔ. A Hititɩ mɩnɛ, a Zebi tẽw dem nɩ a Amoritɩ mɩnɛ be n a tan vuo pʋɔ, ɛ́ a Kanãa tẽw dem kpɩɛr a Mediterane kʋ̃ɔ-kpɛ̃ɛ nʋɔr nɩ a Zurdɛ̃ man nʋɔr.»

Sɔr-nɛ́ɛ 34:8

Nyɩ na ɩ na ʋ yi a Hoor tãw ƴãw, ɛ́ tɩ yi a Lebo-Hamatɩ nɩ Sedadɩ.

Wulu-ayi-sob 1:7

Nyɩ pãa ìr lɛb lo a sɔ́r. Nyɩ cen kpɛ a Amoritɩ mɩnɛ tan pʋɔ nɩ a zi-kpɔwlɩ al a Kanãa tẽw dem na kpɩɛr a, a pɛr lɛ k'aa Zurdɛ̃ tɩ̃tal, a tãli vuo, a Ba-Peyi, a Negɛɛvʋ nɩ a zie ʋl na lanɩ a Mediterane kʋ̃ɔ-kpɛ̃ɛ a. Nyɩ cen tɩ tɔ a Libã tan nɩ a Efaratɩ na ɩ a man-kpɛ̃ɛ a.

Wulu-ayi-sob 3:9

— A Sɩdɔ̃ tẽw dem bʋɔlɛ nɩ a tãw ŋa kɛ́ Siriyon, ɛ́ a Amoritɩ mɩnɛ bʋɔlɛ kɛ́ Seniir. —

Zozue 11:19

Tẽ-been kãw za bɛ tɩ maalɩ ƴã-ɓaarʋ wõ-taa nɩ a Ɩsɩrayɛl nɩbɛ, a bɛ ɩ a Hivitɩ mɩnɛ na kpɩɛr a Gabaɔ̃ a ɩ. Zɛbr'a bɛ tɩ zɛb de a ten al za na cɛ a.

Zozue 11:3

A Kanãa tẽw dem tɩ be n a saa-pɛrɩ́ nɩ a mʋ̃tɔ̃w-kpɛb-lowr, a Amoritɩ mɩnɛ, a Hititɩ mɩnɛ, a Perizitɩ mɩnɛ nɩ a Zebi tẽw dem tɩ be n a tan vuo lowr, ɛ́ a Hivitɩ mɩnɛ be a Misɩpa lowr, a Hɛrmɔ̃ tãw sɩɛmɩ́.

Zozue 13:3

a pɛr lɛ k'aa zie ʋl bɛ na de ʋ ɩ a Kanãa tẽw dem zie a. Ʋ yi n a Sɩhoor fʋɔla, a Eziptɩ tẽw tʋr-bɔw ƴãw ɛ́ tɩ sãá a Ekiron vuo pʋɔ, a saa-pɛrɩ́-gʋba-lowr. Be n'a a Filisɩtɛ̃ mɩnɛ na-mɩnɛ anũu be, so a Gaza, a Asɩdɔdɩ, a Asɩkalon, a Gatɩ nɩ a Ekiron, de nɩ a Avitɩ mɩnɛ tẽw na be

Zozue 13:5

a Gebal vuo mɩ̀ nɩ a saa-pɛrɩ́ Libã na tĩ a Baal-Gadɩ na be a Hɛrmɔ̃ tãw sɩ̃ɛ́ a, ɛ́ tɩ tɔ a Lebo-Hamatɩ a,

Zozue 19:28

Avidon, Erehovʋ, Hamon nɩ Kana, tɩ tɔ a tẽ-kpɛ̃ɛ Sɩdɔ̃.

Zozue 9:7

A Ɩsɩrayɛl nɩbɛ tɩ yel'ɩ a Hivitɩ mɩnɛ bɛ ŋa: «Ãa n'ʋ bãw nyɩ bɛ kpɩɛr pɩɛlɩ tɩ? Ɛ́ alɛ wa ɩ lɛ a, ŋmɩŋmɩn n'a tɩɩm nɩ nyɩɩm na tʋ̃ɔ́ maalɩ wõ-taa?»

Ƴɛ̀r-dɩrbɛ 10:12

a Sɩdɔ̃ tẽw dem, a Amalesitɩ mɩnɛ nɩ a Meunitɩ mɩnɛ na tɩ dɔwrɛ nyɩ, nyɩ kõ bʋɔlɩ mɛ̃ a, ɩ̃ bɛ tɩ faa nyɩ a bɛ nuru pʋɔ ɛ?

Ƴɛ̀r-dɩrbɛ 10:7

Lɛ n'a a Sore suur tɩ ìr a Ɩsɩrayɛl nɩbɛ ƴãw, ʋ de bɛ kʋ̀ a Filisɩtɛ̃ mɩnɛ nɩ a Amɔ̃ tẽw dem.

Ƴɛ̀r-dɩrbɛ 14:4

A ʋ sãà nɩ a ʋ mã bɛ tɩ bãw k'aa Sore zie n'a a yi ɛ, bʋ̃ʋ n'ʋ vɛ̃, a Sore tɩ bɔbr'ɩ lɛ ʋ na na ɩ zɛb'ɩ a Filisɩtɛ̃ mɩnɛ a. A lɛn daar a, a Filisɩtɛ̃ mɩnɛ tɩ so nɩ a Ɩsɩrayɛl nɩbɛ.

Ƴɛ̀r-dɩrbɛ 18:7

A nɩbɛ anũu bɛl tɩ lɛb'a lo a sɔ́r tɩ ta Laisɩ. Bɛ tɩ nyɛ̃ nɩ a be dem bɛ kpɩɛr a bɛ tẽw zoomlɛ, ƴã-ɓaarʋ pʋɔ, ɛ́ bɛ bãw damnʋ ɛ, mɛ̃ a Sɩdɔ̃ tẽw dem a. Nɩr bɛ tɩ ka a be mɩ́ ƴɛ̀r nɩr maw ɛ, nɩr bɛ tɩ ka be dɩrɛ naalʋ kãw za ɩ. A Laisɩ nɩbɛ tɩ kpɩɛr'a zãá nɩ a Sɩdɔ̃ tẽw dem, ɛ́ so bɛ tʋɔra bɛ bɔbr bom kãw za nɩr zie ɩ.

Ƴɛ̀r-dɩrbɛ 3:2

Ʋ tɩ bɔbr'a k'aa Ɩsɩrayɛl bibiir na dɔwr lɩɛrɛ taa a, a bɛl na bɛ tɩ bãw a zɛbr sɛr a, zanɩ a zɛbr.

Ƴɛ̀r-dɩrbɛ 4:2

A Sore tɩ de bɛ na ƴãw a Kanãa tẽw nãà, Yavin, na tɩ kpɩɛr Hasɔɔr a, nuru pʋɔ. A ʋ zɛbr-nɩbɛ nɩ-kpɛ̃ɛ tɩ n'ɩ Sɩsera na kpɩɛr Harɔsɛtɩ-Goyim a.

1 Samɩɛl 13:5

A Filisɩtɛ̃ mɩnɛ mɩ̀ tɩ ìr'ɩ a Ɩsɩrayɛl ƴãw: bɛ tɩ tɛr'ɩ zɛbr-torkori tùr-lɩzɛr'ɩ pie (30 000), wi-zɔmnbɛ túr-ayʋɔb (6 000), ɛ́ a bɛ sojarɩ yãwmɛ mɛ̃ a kʋ̃ɔ-kpɛ̃ɛ nʋɔr biire a. Bɛ tɩ wa na wa be a Mikɩmasɩ, a Bɛtɩ-Awɛn saa-pɛrɩ́.

1 Samɩɛl 29:2

A Filisɩtɛ̃ mɩnɛ nɩ-bɛrɛ tɩ de nɩ a sojarɩ kɔbr, nɩ a sojarɩ túre niwn bɛ cɔrɩ cere. A Daviir nɩ a ʋ nɩbɛ tɩ pàw nɩ a pùor, cɔrɩ cere lãwnɩ a nãà Akisɩ.

1 Samɩɛl 6:16

A Filisɩtɛ̃ mɩnɛ na-mɩnɛ anũu na tɩ nyɛ̃ à à ŋá a, bɛ tɩ lɛb'a kul a Ekiron a ʋlɩ bibir tɔr za.

1 Samɩɛl 6:18

Ɛ́ a salm-zɩɛ 'wɔn a, a tɩ ɩ n a Filisɩtɛ̃ mɩnɛ na-mɩnɛ anũu ten nʋɔr: a tẽ-kpɛ̃ɛ na ŋmãa dacĩ-kpɛ̃w viiri a tɩ tɔ n a tẽli na bɛ ŋmãa dacin viiri a, lãwnɩ a fʋɔla ʋl pʋɔ a kʋsɛ-kpɛ̃ɛ na be a, a kʋsɛ-kpɛ̃ɛ ʋl zu bɛ na tɩ tow a Sore wõ-taa daga dɔwlɩ a. Nɩ dɩ̃a a, a kʋsɩɛr ʋl cãà na be a Bɛtɩ-Semɛsɩ tẽw Zozue pu-pʋɔ.

1 Samɩɛl 6:4

A Filisɩtɛ̃ mɩnɛ tɩ sowr'a: «Bʋ̃ʋ n'ʋ tɩ na tɩr?» A bàwr-maalbɛ nɩ a bàwr-bʋwrbɛ sɔw à ŋá: «Mɛ̃ a lɛ a Filisɩtɛ̃ na-mɩnɛ na ɩ na-mɩnɛ anũu a, nyɩ tɩr salm-zɩɛ bome anũu na ŋmɛ̃ mɛ̃ a mãsuwe a, nɩ salm-zɩɛ 'wɔn anũu, bʋ̃ʋ n'ʋ vɛ̃, bʋ̃-faa been n'ʋ páw a nyɩ za, a nyɩɩm nɩ a nyɩ na-mɩnɛ.