Ƴɛ̀r-dɩrbɛ 3:1 - A SƐB-SÕW

¹ Ʋ tɩ bɛr bɛ nɩ a tẽw pʋɔ, k'ʋʋ ɩ a Ɩsɩrayɛl nɩbɛ kaa, a bɛl na bɛ tɩ zɛb a Kanãa tẽw deb zɛbr a.

Ƴɛ̀r-dɩrbɛ 3:1 ပူးပေါင်းရင်းမြစ်များ

1 Na-mɩnɛ 9:21

Bɛ tɩ cãà nɩ be, a Ɩsɩrayɛl nɩbɛ na bɛ tɩ tʋ̃ɔ́ kʋ bɛ pàw pɛr a ƴãw. Bɛlɛ nɛbɛ a Salomɔ̃ tɩ ír ƴãw a pɔ̃tɔrɩ tome pʋɔ, bɛ cãà be nɩ dɩ̃a.

2 Bibie za yel-manɩ 32:31

Alɛ so, a lɛn daar a Babɩlɔn tẽw nɩ-bɛrɛ na tɩ tõ nɩbɛ a ʋ zie kɛ́ bɛ tɩ sowri bãw a nɔ-ɓãa-yel ʋl na ɩ a ʋ tẽw pʋɔ a, a Naaŋmɩn tɩ bɛr ʋ na. A Naaŋmɩn tɩ bɔbr'a k'ʋʋ ɩ ʋ kaa nyɛ̃ lɛ ʋ na ŋmɛ̃ a.

A Zɔb sɛbɛ 23:10

Ɛcɛ ʋ bãw nɩ a sɔ́r ʋl ɩ̃ na tuur a: ʋ ƴãw mɛ̃ nɩ kpɩɛrʋ pʋɔ, ɛcɛ ɩ̃ na yi na nyɩwrɛ mɛ̃ salm-zɩɛ bɛ na zuw ír a.

Eziptɩ tẽw yib 15:25

A Moyiir tɩ kõ na cɔw a Sore, ʋ wul ʋ dàa kãw. A Moyiir tɩ lɔb'ɩ a dàa nɛ ƴãw a kʋ̃ɔmɩ́, a kʋ̃ɔ lɩɛbɩ, tɛr nyub. Be n'a a Sore tɩ tɛr wulu a Ɩsɩrayɛl nɩbɛ zie, ɛ́ ƴãw tub kʋ̀ bɛ. Be mɩ̀ n'a ʋ tɩ ɩ bɛ kaa.

Zʋkpaɩ 17:3

Vũu n'a bɛ mɩ́ ɩ n a salm-zɩɛ nɩ a salm-pla kaa bãw a vɩɛlʋ, ɛcɛ a Sore n'ʋ mɩ́ ɩ a socie kaa bãw a vɩɛlʋ.

Zeremi 6:27

«Zeremi i, ɩ̃ ƴãw na kɛ́ fʋ jieli a ɩ̃ nɩbɛ bãw bɛ ŋmɛ̃a. A na fɛr'a fʋ bãw ɛ́ jieli a bɛ ɩb, mɛ̃ tõ-tõ-bie na jiele kur-bʋʋrɛ bʋʋrɛ a.»

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Zã 2:24

Ɛcɛ a Yeezu ʋl bɛ tɩ sàw de a bɛ yele ɩ, ʋ na tɩ bãw bɛ za ŋmɛ̃a a ƴãw.

Wulu-ayi-sob 7:22

Bɩɛlbɩɛl'a ʋ na diw a nɩ-bʋʋrɛ bɛ ŋa a nyɩ niŋé. Nyɩ kʋ̃ tʋ̃ɔ́ baarɩ bɛ daƴen ɛ, alɛ bɛ ɩ lɛ, a wɛ-dʋ̃-faar na yãwmɛ na zuo fɛrɛ nyɩ.

Wulu-ayi-sob 8:16

A wɛja-kpalɛ ŋa pʋɔ a, ʋ kʋ̀ nyɩ nɩ a mãan, bʋ̃-dɩra a nyɩ sãàkʋm-kore na bɛ tɩ bãw a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, ɛ́ wa maalɩ nyɩ vla a pùorí.

Wulu-ayi-sob 8:2

Nyɩ lɛb tɩɛrɩ a sɔ́r ʋl za a Sore nyɩ Naaŋmɩn na ƴãw nyɩ cen a wɛja-kpalɛ pʋɔ, yome lɩz'a ayi a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, bãw ʋlɩ bom nɛ na be a nyɩ pʋ̃ɔmɩ a, ɛ́ mɩ̀ bãw, nyɩ na sàwr'ɩ a ʋ nɛ-ƴãwnɩ bɩɩ nyɩ kʋ̃ sàwr.

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,

1 Pɩɛr 4:12

Ɩ̃ nɩ-nɔnɩ za a, nyɩmɛ wa be a kpɩɛrʋ vũu pʋɔ a, a ta ùr nyɩ mɛ̃ yel-bʋ̃-bom kãw n'ʋ tarɛ nyɩ ɛ.

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

Ƴɛ̀r-dɩrbɛ 1:1

A Zozue kũu pùorí, a Ɩsɩrayɛl nɩbɛ tɩ sowr'ɩ a Sore à ŋá: «A tɩ pʋɔ a, dɔwlʋ buor sob'ʋ na de niwn do tɩ zɛb'ɩ a Kanãa tẽw dem?»

Ƴɛ̀r-dɩrbɛ 2:10

Al pùorí, a ʋ daar nɩbɛ mɩ̀ tɩ kpi na. A nɩbɛ bɛl na tɩ dɔw lɩɛrɩ tu a bɛ tɩ bãw a Sore nɩ a tõ-bɛrɛ ʋ na tɩ tõ a Ɩsɩrayɛl nɩbɛ ƴãw a ɩ.

Ƴɛ̀r-dɩrbɛ 2:23

Lɛ n'a a Sore tɩ bɛr a nɩ-bʋʋrɛ bɛl ʋ na bɛ tɩ ƴãw a Zozue nuru pʋɔ a, bɛ kpɩɛr a tẽw pʋɔ, ʋ bɛ tɩ páwr a bɛ diwfʋ ƴãw ɛ.

Ƴɛ̀r-dɩrbɛ 3:2

Ʋ tɩ bɔbr'a k'aa Ɩsɩrayɛl bibiir na dɔwr lɩɛrɛ taa a, a bɛl na bɛ tɩ bãw a zɛbr sɛr a, zanɩ a zɛbr.