35 A Sore tɩ ɩ na a Bɛ̃zamɛ dɔwlʋ nɩbɛ lɩɛbɩ zɔ a Ɩsɩrayɛl nɩbɛ niŋé, a Ɩsɩrayɛl nɩbɛ tɩ kʋ n a Bɛ̃zamɛ dɔwlʋ sojarɩ tùr-lɩzɛr'ɩ anũu dɔwlɩ kʋba (25 100) a ʋlɩ bibir.
A ʋlɩ bibir nɛ a, bɛ tɩ sɔr'ɩ nɩbɛ tùr-lɩzɛr'ɩ ayʋɔb (26 000) na tɩ yi a Bɛ̃zamɛ dɔwlʋ ten za pʋɔ wa a, ɛ́ a Givea soja-gãdaar kɔbr ayopõi (700) bɛ tɩ pʋɔ ɩ.
À ŋá n'a a Ɩsɩrayɛl soja-gãdaar tùr-pie (10 000) tɩ ta tori a Givea. A zɛbr tɩ tʋl'ɩ kpãkpãkpã, ɛ́ a Bɛ̃zamɛ dɔwlʋ nɩbɛ cãà bɛ tɩ bãwnɩ a dɔwrʋ na na lo a bɛ zu a ɩ.
Lɛ n'a a Bɛ̃zamɛ dɔwlʋ nɩbɛ tɩ bãwnɩ a bɛ na zɛb tʋ̃ɔ́ bɛ a. A Ɩsɩrayɛl nɩbɛ tɩ bɛr'ɩ vuo kʋ̀ a Bɛ̃zamɛ dɔwlʋ nɩbɛ, bʋ̃ʋ n'ʋ vɛ̃, bɛ tɩ ɩrɛ na ƴãwn a sojarɩ na tɩ sɔwlɩ viiri koli a Givea a ƴãw.