Ƴɛ̀r-dɩrbɛ 2:22 - A SƐB-SÕW

²² Bɛlɛ nɛbɛ ɩ̃ na ɩ n a Ɩsɩrayɛl nɩbɛ kaa nyɛ̃, bɛ na tu n a ɩ̃ pʋ-tɩɛrʋ, ɛ́ sàw a ɩ̃ nʋɔr, mɛ̃ a bɛ sãàkʋm-kore na tɩ ɩ a, bɩɩ bɛ kʋ̃ tu.»

Ƴɛ̀r-dɩrbɛ 2:22 ပူးပေါင်းရင်းမြစ်များ

Yele-za-pɛr-tib 22:1

A yele á ŋá pùorí a, a Naaŋmɩn tɩ ɩ n a Abraham kaa. Ʋ tɩ bʋɔl'ʋ na: «Abraham i!» Ʋ sɔw: «Mãa n'ɩ ŋan.»

2 Bibie za yel-manɩ 32:31

Alɛ so, a lɛn daar a Babɩlɔn tẽw nɩ-bɛrɛ na tɩ tõ nɩbɛ a ʋ zie kɛ́ bɛ tɩ sowri bãw a nɔ-ɓãa-yel ʋl na ɩ a ʋ tẽw pʋɔ a, a Naaŋmɩn tɩ bɛr ʋ na. A Naaŋmɩn tɩ bɔbr'a k'ʋʋ ɩ ʋ kaa nyɛ̃ lɛ ʋ na ŋmɛ̃ a.

A Zɔb sɛbɛ 23:10

Ɛcɛ ʋ bãw nɩ a sɔ́r ʋl ɩ̃ na tuur a: ʋ ƴãw mɛ̃ nɩ kpɩɛrʋ pʋɔ, ɛcɛ ɩ̃ na yi na nyɩwrɛ mɛ̃ salm-zɩɛ bɛ na zuw ír a.

Sɛb-sõw yielu 66:10

Naaŋmɩn i, fʋ ɩ tɩ na kaa, mɛ̃ a lɛ bɛ na mɩ́ zuw ír a salm-pla dɛwr bɛr ʋ vɩɛl a, fʋ ɩ na tɩ wõ tuo vɩɛl.

Eziptɩ tẽw yib 15:25

A Moyiir tɩ kõ na cɔw a Sore, ʋ wul ʋ dàa kãw. A Moyiir tɩ lɔb'ɩ a dàa nɛ ƴãw a kʋ̃ɔmɩ́, a kʋ̃ɔ lɩɛbɩ, tɛr nyub. Be n'a a Sore tɩ tɛr wulu a Ɩsɩrayɛl nɩbɛ zie, ɛ́ ƴãw tub kʋ̀ bɛ. Be mɩ̀ n'a ʋ tɩ ɩ bɛ kaa.

Zʋkpaɩ 17:3

Vũu n'a bɛ mɩ́ ɩ n a salm-zɩɛ nɩ a salm-pla kaa bãw a vɩɛlʋ, ɛcɛ a Sore n'ʋ mɩ́ ɩ a socie kaa bãw a vɩɛlʋ.

Wulu-ayi-sob 13:3

A nɔ-ɓãa-yel bɩɩ a yel-bɛ-dãw-nyɛra ʋ na yel kʋ̀ nyɩ a wa maalɩ a, ɛ́ ʋlɛ wa yel nyɩ à ŋá: «Nyɩ ɩ tɩ tu ŋmɩn-yoru ɛ́ tone a tome», ŋmɩmɛ nyɩ na bɛ bãw a,

Wulu-ayi-sob 8:16

A wɛja-kpalɛ ŋa pʋɔ a, ʋ kʋ̀ nyɩ nɩ a mãan, bʋ̃-dɩra a nyɩ sãàkʋm-kore na bɛ tɩ bãw a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, ɛ́ wa maalɩ nyɩ vla a pùorí.

Wulu-ayi-sob 8:2

Nyɩ lɛb tɩɛrɩ a sɔ́r ʋl za a Sore nyɩ Naaŋmɩn na ƴãw nyɩ cen a wɛja-kpalɛ pʋɔ, yome lɩz'a ayi a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, bãw ʋlɩ bom nɛ na be a nyɩ pʋ̃ɔmɩ a, ɛ́ mɩ̀ bãw, nyɩ na sàwr'ɩ a ʋ nɛ-ƴãwnɩ bɩɩ nyɩ kʋ̃ sàwr.

Ƴɛ̀r-dɩrbɛ 2:23

Lɛ n'a a Sore tɩ bɛr a nɩ-bʋʋrɛ bɛl ʋ na bɛ tɩ ƴãw a Zozue nuru pʋɔ a, bɛ kpɩɛr a tẽw pʋɔ, ʋ bɛ tɩ páwr a bɛ diwfʋ ƴãw ɛ.