Ƴɛ̀r-dɩrbɛ 2:17 - A SƐB-SÕW

¹⁷ Ɛcɛ bɛ mɩ̀ cãà bɛ bɛr wõ a bɛ ƴɛ̀r-dɩrbɛ ɩ. Bɛ lɩɛb'a tu ŋmɩn yoru, gbine dume a ŋmɩmɛ á ŋá niŋé. A bɛ sãàkʋm-kore tɩ tu n a Sore nɛ-ƴãwnɩ, ɛcɛ bɛl bɛ cɔwrɩ a bɛ sãàkʋm-kore ɩ, bɛ zawr'ɩ a bɛ sɔ́r bɛr fɔ̃wlɛ.

Ƴɛ̀r-dɩrbɛ 2:17 ပူးပေါင်းရင်းမြစ်များ

Sɛb-sõw yielu 106:39

A bɛ ɩ-ɩrɩ tɩ ɩ na bɛ ɩ dɛwr dem, a bɛ tome tɩ ɩ n pɔw-yɛm tome.

Sɛb-sõw yielu 106:43

A Sore tɩ faa bɛ nɩ gb'a a ŋmɩn za, ɛcɛ bɛ tɩ cãà na kpãa tobr ɩrɛ a lɛ bɛ na tɩɛrɛ a, ɛ́ sãwnɛ cere nɩ.

Sɛb-sõw yielu 73:27

Bɛlɩ dem na zãá nɩ fʋ a, bɛ na kpi na, bɛlɩ dem na mɩ́ zawrɩ fʋ bɛr a, a bɛ yele mɩ́ baar'a.

Eziptɩ tẽw yib 32:8

A sɔ́r ɩ̃ na tɩ wul bɛ a, bɛ bɛr ʋ nɩ pɛtɛlʋlɛ: bɛ nyɩl'ɩ kure maal'ɩ nále, bɛ gbĩ n dume a ʋ niŋé, ɛ́ maalɩ bagɛ kʋ̀ ʋ, ɛ́ yel: “Nyɛ̃ a tɩ Naaŋmɩn na ɩ kɛ̀ tɩ yi a Eziptɩ a.”

Zeremi 3:6

A nãà Zozɩasɩ daar a, a Sore tɩ yel mɛ̃ na: «Fʋ nyɛ̃ nɩ a ʋlɩ bom nɛ a Ɩsɩrayɛl a tɩɛrʋ na lɩɛbɛ a na ɩ a? Ʋ do n tãw za na kɛrɩ a zu, ʋ cen nɩ tɩ-zimpiri za pile tɩ tõ a pɔw-yɛm tome a be.

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

A naaŋmɩn-ƴèr-manɛ Oze sɛbɛ 2:2

A Zuda bibiir nɩ a Ɩsɩrayɛl bibiir na lɛb'a ɓã taa ɩ been, bɛ na kaa na ír nɩ-kpɛ̃ɛ been, ɛ́ bɛ na so nɩ a tẽw. Bʋ̃ʋ n'ʋ vɛ̃, a Izireyɛl bibir na ɩ n bibi-kpɛ̃ɛ.

Levitɩ mɩnɛ 17:7

À ŋá n'a a Ɩsɩrayɛl nɩbɛ kʋ̃ cãà maalɛ bagɛ kʋ̀rɛ a tɩbɛ na mɩ́ ŋmɛ̃ taa nɩ bʋrɩ a ɩ. Nʋɔr'ʋ ƴãw gã kʋralɛ a Ɩsɩrayɛl nɩbɛ na dɔwr lɩɛrɛ taa a na tuur.»

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Galasi 1:6

Nʋɔr ɓãá mɛ̃ na, nyɩ na gùr pùor fɔ̃wlɛ kʋ̀ a Naaŋmɩn na bʋɔlɩ nyɩ a Kɩrɩta maalʋ zũú, ɛ́ tu Yel-nʋ̃ɔ̀ yũo pùor a.

Wulu-ayi-sob 31:16

A Sore tɩ yel'ɩ a Moyiir à ŋá: «Fʋ kʋ̃ yaa kɛ́ kpi cen tɩ páw a fʋ sãà mɩnɛ ɩ. Al pùorí, a Ɩsɩrayɛl nɩbɛ na zɔ na tu ŋmɩn-yoru, a tẽw ʋl pʋɔ bɛ na na kpɛ a ŋmɩmɛ. Bɛ na zawrɩ mɛ̃ na bɛr, sãw a wõ-taa ɩ̃ na maal'ɩ bɛ a bɛr.

Wulu-ayi-sob 31:18

Ɛcɛ mãa a, ɩ̃ na cãà na gùr pùor cɔw bɛ a faa al za bɛ na na maalɩ lɩɛbɩ tu ŋmɩn-yoru a ƴãw.

Wulu-ayi-sob 9:12

Lɛ n'a ʋ tɩ yel mɛ̃ à ŋá: «Ìr a ka lɛb siw ƴɛrɛŋa. Bʋ̃ʋ n'ʋ vɛ̃, a nɩbɛ fʋ na ɩ bɛ yi a Eziptɩ a, bɛ sãw nɩ faa faa. Bɛ bɛr'ɩ a sɔ́r ɩ̃ na tɩ wul bɛ a fɔ̃wlɛ, ɛ́ nyɩl kure maal'ɩ tɩɩb tɛr.»

Wulu-ayi-sob 9:16

Ɩ̃ tɩ sɩrɩ na nyɛ̃ nyɩ na maalɩ yel-bier sãw a Sore nyɩ Naaŋmɩn a: nyɩ tɩ nyɩl'ɩ kure maal'ɩ nále. Nyɩ tɩ bɛr'ɩ a sɔ́r a Sore na wul nyɩ a fɔ̃wlɛ.

Zozue 24:24

A Ɩsɩrayɛl nɩbɛ tɩ sɔw nɩ a Zozue: «Tɩ na maalɛ nɩ a Sore tɩ Naaŋmɩn, ɛ́ bɛrɛ wone a ʋ ƴɛ̀rʋ.»

Zozue 24:31

A Ɩsɩrayɛl nɩbɛ tɩ maal'ɩ a Sore, a Zozue cãafʋ daar za, nɩ a nɩ-kore na vʋʋrɩ a Zozue pùorí a cãafʋ daar za, bɛl na tɩ bãw a tome al za a Sore na tɩ tõ a Ɩsɩrayɛl ƴãw a.

Ƴɛ̀r-dɩrbɛ 2:7

Bɛ tɩ tõ n a Sore tome a Zozue cãafʋ daar za nɩ a ʋ kũu pùorí mɩ̀, a lɛn daar za a nɩ-kore na vʋʋrɩ a, bɛl na tɩ nyɛ̃ a yel-bɛrɛ a Sore na maalɩ a Ɩsɩrayɛl ƴãw a.

Ƴɛ̀r-dɩrbɛ 8:33

Ɛcɛ a Zedeɔ̃ kũu pùorí a, a Ɩsɩrayɛl nɩbɛ tɩ lɛb'a tĩ puore a Báàl mɩnɛ. Bɛ tɩ de nɩ Báàl-Beritɩ ʋ ɩ a bɛ ŋmɩn,

1 Samɩɛl 12:12

Ɛcɛ nyɩ na wa nyɛ̃ a Amɔ̃ tẽw dem nãà, Nahasɩ, ʋ waar a nyɩ ƴãw a, nyɩ yel mɛ̃ na: “Tɩ bɔbr'ɩ nãà!” Mɛ̃ a Sore bɛ tɩ n'ɩ a nyɩ nãà a.

1 Samɩɛl 12:17

Mɛ̃ a ble cɛb daar taa n'ɩ à à ŋá? Ɛcɛ ɩ̃ na puor'ɩ a Sore, ʋʋ na ɩ na a saa tanɩ ɛ́ mĩ. Lɛ n'a nyɩ na nyɛ̃ a nyɩ sãwna na ɩ kpɛ̃ɛ sɛw lɛ a Sore zie a, a nyɩ nãà ŋa nyɩ na zɛlɩ a zũú.»

1 Samɩɛl 12:19

ɛ́ tɩ yel a Samɩɛl: «Puori zɛlɩ a Sore fʋ Naaŋmɩn, a fʋ tõ-tõ-biir ƴãw, tɩ taa kpiir ɛ. Tɩ na zɛlɩ a nãà a, tɩ maal'ɩ yel-bier ƴãw pʋɔ a tɩ yel-bebe ƴãw.»