Ƴɛ̀r-dɩrbɛ 19:3 - A SƐB-SÕW

³ A sɩr tɩ ìr'a cen k'ʋʋ tɩ ƴɛ̀r'ɩ ʋ, ʋ lɛb wa. Ʋ tɩ tɛr'ɩ a ʋ tõ-tõ-bie nɩ bòn ayi cen nɩ. A ʋ pɔw-bile tɩ tɛr ʋ na kpɛ n a ʋ sãà yir. A pɔw sãà na tɩ nyɛ̃ ʋ a, nʋ̃ɔ̀ tɩ kpɛ ʋ na, ʋ zɔ tuori ʋ.

Ƴɛ̀r-dɩrbɛ 19:3 ပူးပေါင်းရင်းမြစ်များ

Yele-za-pɛr-tib 34:3

Ɛcɛ ʋ tɩ tu n a Zakɔb pɔwyaa Dina nɩ ʋ pʋɔ za, nɔ̃w a powle ɛ́ waalɛ nɩ ʋ.

Yele-za-pɛr-tib 50:21

A na ɩ lɛ a, nyɩ ta tɛr dɛ̃bɩ̃ɛ kãw za ɩ: ɩ̃ na kaarɛ nɩ nyɩɩm nɩ a nyɩ yie dem zie.» Ʋ tɩ mɔwlɩ bɛ na nɩ a nɔ̃wfʋ ƴɛ̀r-bie á ŋá.

Zeremi 3:1

A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

A naaŋmɩn-ƴèr-manɛ Oze sɛbɛ 2:14

Ɩ̃ na sãw nɩ a ʋ divɛ̃ tɩɩr púo nɩ a ʋ kãkã-tɩɩr bɛr, al ʋ na tɩ tɛr yere nɩ: “A sã-ya n'ɩ à á ŋá a ɩ̃ sɛnbɛ na kʋ̀ m a.” Ɩ̃ na ɩ na a lɩɛbɩ tuwr, a na lɩɛb'ɩ wɛ-dʋn bʋ̃-dɩrɩ.

A naaŋmɩn-ƴèr-manɛ Oze sɛbɛ 2:16

Mãa n'ʋ na bɔ ʋ, ɩ̃ na lɛb'a tɛr ʋ kpɛ n a wɛja-kpalɛ pʋɔ tɩ ƴɛ̀r'ɩ ʋ.

Levitɩ mɩnɛ 19:17

«Nyɩ taa tɛrɛ nɩ a nyɩ yɛb dɔ̃ ɩ, ɛcɛ nyɩ taa vɛnɛ a ʋ yelu ɛ, lɛ n'a nyɩ kʋ̃ tɛr yel-bier a ʋ ƴãw ɛ.

Levitɩ mɩnɛ 20:10

«Nɩr wa maalɩ pɩ̃ɔ-yele nɩ a ʋ tɔ pɔw a, bɛ na kʋ n a dɛb nɩ a pɔw za.»

Sɔr-nɛ́ɛ 22:22

A Naaŋmɩn na tɩ nyɛ̃ a Balaam ʋ cere a, ʋ nyɛ̃ nɩ suur. A Balaam na tɩ zɔm a ʋ bõw-nyãw cere nɩ, ɛ́ tõ-tõ-biir ayi bɩɛlɛ ʋ a, a Sore malkɩ tɩ cen na tɩ àr a sɔ́r zu, k'ʋʋ piw ʋ a tɔlʋ zie.

Matie 1:19

A ʋ sɩr Zuzɛb na tɩ ɩ nɩ-mɩŋa a, ɛ́ bɛ tɩ bɔbr k'ʋʋ wo ʋ a, tɩ yel'a k'ʋʋ na sɔwl'a zawr'ʋ bɛr.

Zã 8:11

Ʋ sɔw: «Nɩr za bɛ ƴãw mɛ̃ kũu dɔwrʋ ɛ, Sore e.» A Yeezu lɛb yel ʋ: «Mãa mɩ̀, ɩ̃ bɛ ƴãwnɛ fʋ kũu dɔwrʋ ɛ. Cen, ɛ́ dɩ̃a na ta a, taa lɛb maalɛ yel-bier ɛ.»]

Galasi 6:1

Yɛbr i, alɛ wa ɩ mɛ̃ bɛ nyɔw nɩ nɩr sãwna pʋɔ a, a nyɩɩm na tɛr a Naaŋmɩn Vʋʋrʋ a, nyɩ tɛr ʋ lɛb wa ƴãw a sɔ́r vla pʋɔ, ɛcɛ nyɩ ɩrɛ bɛl bɛl a ʋ zie. Ɛ́ a fʋ̃ʋ mɩ̀ a, gùre fʋ tʋɔra vla: fʋ tɩɛr kɛ́ bɛ mɩ̀ kʋ̃ tʋ̃ɔ́ bɛlɩ fʋ bɩɩ?

Ƴɛ̀r-dɩrbɛ 15:1

Bibie à ŋá lɛ pùorí, a ble cɛb daar, a Samsɔ̃ tɩ tɛr'ɩ bʋle cen nɩ k'ʋʋ tɩ nyɛ̃ nɩ a ʋ pɔw. Ʋ tɩ yel'ɩ a ʋ dɩɛm-sãà: «Ɩ̃ bɔbr'a k'ɩ̃ɩ kpɛ a ɩ̃ pɔw zie, a di-gana pʋɔ.» Ɛcɛ a dɩɛm-sãà bɛ tɩ sàw ɛ,

Ƴɛ̀r-dɩrbɛ 19:2

A ʋ pɔw-bile ŋa tɩ nyɛ̃ nɩ ʋ nɩ suur, yi kul a ʋ sãà yir a Zuda tẽw Bɛtɩlɛm, tɩ maalɩ cuwr anaar.

Ƴɛ̀r-dɩrbɛ 19:26

A zie na wa wɛlɛ a, a pɔw tɩ wa na wa lo gã a nɩr ʋl yir a ʋ sɩr na tɩ be a, ɛ́ gù a zie tɩ vɩɛ.

Ƴɛ̀r-dɩrbɛ 19:4

A dɩɛm-sãà tɩ tɛr'ɩ a ʋ dɩɛm a ʋ zie bibie ata: a levitɩ nɩ a ʋ tõ-tõ-bie mɩ́ tɩ dɩ na ɛ́ nyũ, ɛ́ gã a be.