Ƴɛ̀r-dɩrbɛ 19:22 - A SƐB-SÕW

²² Bɛ na tɩ dɩrɛ wone nɩ nʋ̃ɔ̀ a, a be dem bɛ mɩnɛ, nɩ-bɛ-tɛr bir mɩnɛ, tɩ wa na wa ŋmãa viiri koli a yir, ɛ́ ŋmɛ a pan kpɛ̃w kpɛ̃w za, ɛ́ yel a dɛb-nyãw na tɩ so a yir a: «A nɩr ʋl fʋ na de a fʋ yir a, ɩ ʋ yi tɩ gã nɩ ʋ.»

Ƴɛ̀r-dɩrbɛ 19:22 ပူးပေါင်းရင်းမြစ်များ

1 Na-mɩnɛ 21:10

Nyɩ ƴãw nɩbɛ ayi, nɩbɛ na bɛ tɛr bir a, àr a ʋ niŋé ɛ́ dɩ a ʋ sãwna dãsɩɛ à ŋá: “Fʋ tʋ n a Naaŋmɩn nɩ a nãà!” Al pùorí, nyɩ tɛr ʋ yi zaa nɩ a tẽw pʋɔ, tɩ lɔb'ɩ ʋ kʋsɛbɛ kʋ!»

Ezekɩɛl 16:46

A fʋ yɛ-kpɛ̃ɛ n'ɩ Samaari na be a saa-pɛrɩ́-gʋba-lowr a nɩ a ʋ tẽ-kpɔwlɩ. A fʋ yɛ-bile n'ɩ Sodɔm na be a saa-pɛrɩ́-dʋrʋ-lowr a nɩ a ʋ tẽ-kpɔwlɩ.

A naaŋmɩn-ƴèr-manɛ Oze sɛbɛ 10:9

A Givea tẽw yele daar za n'a a Ɩsɩrayɛl maalɩ a yel-bier. Ʋ bɛ lɩɛbɩ a ʋ ɩb ɛ! Lɛ so, a Givea tɛɛ za bɛ n'a a sɛw k'aa zɛbr ta a nɩ-kʋrbɛ bɛ ŋa ɩ?

A naaŋmɩn-ƴèr-manɛ Oze sɛbɛ 9:9

Nyɩ maal'ɩ a faa tɩ tɔ, mɛ̃ a lɛ nyɩ na tɩ ɩ a Givea tẽw a. Naaŋmɩn na lɛb'a bãwnɩ a nyɩ ɩ-faar, ʋ na dɔwrɩ nyɩ nɩ a nyɩ yel-bebe ƴãw.

1 Korɛ̃tɩ 6:9

Nyɩ nɔ̃w bɛ bãw k'aa bɛlɩ dem na nɛbr a bɛ taabɛ a, kʋ̃ kpɛ a Naaŋmɩn Naalʋ pʋɔ ɩ? Nyɩ ta bɛ̀lɛ nyɩ tʋɔra a ɩ! A pɩ̃ɔ-yel-maalbɛ, nɩ a bɛl na maalɛ a tɩbɛ a, a pɔw-gaa yel-bier-maalbɛ, nɩ a dɛb-bɛrɛ na gánɛ nɩ a dɛbli a,

2 Korɛ̃tɩ 6:15

Bʋ̃ʋ wõ-taa n'a na tʋ̃ɔ́ be a Kɩrɩta nɩ a Beliyaar cara pʋɔ? Bʋ̃ʋ n'a naaŋmɩn-sàw-diere nɩ naaŋmɩn-bɛ-sàw-diere na tʋ̃ɔ́ lãw?

Wulu-ayi-sob 13:13

Kapaw bibir kãw, nyɩ na wõ na k'aa tẽ-bɛrɛ a Sore nyɩ Naaŋmɩn na kʋ̀ nyɩ nyɩ kpɩɛr a, a kãw pʋɔ a,

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:7

A Sodɔm nɩ a Gomɔɔr nɩ a tẽ-kpɔwlɩ nɩbɛ tɩ tɛr'ɩ ɩ-faar mɛ̃ a malkɩ mɩnɛ bɛ ŋa a, ɛ́ tɩ bɔbr a lãw-taa na bɛ tu sɔ́r a. Naaŋmɩn ƴãw bɛ nɩ dɔwrʋ nɩ vũu na bɛ tɛr kpiiru a, k'aa ɩ wulu a nɩbɛ za zie.

Ƴɛ̀r-dɩrbɛ 16:25

A bɛ nʋ̃ɔ̀ pʋɔ a, bɛ tɩ yel'a kɛ́ bɛ tɛr a Samsɔ̃ wa n, ʋ wa man laarʋ ƴãw bɛ. Bɛ tɩ tɛr'ɩ a Samsɔ̃ yi n a gaso pʋɔ wa n, ʋ wa manɩ a laarʋ ƴãw a nɩbɛ, al pùorí bɛ ƴãw ʋ a ŋmɩn-yir kpule cará.

Ƴɛ̀r-dɩrbɛ 20:5

A Givea tẽw dem tɩ ìr'a wa a ɩ̃ ƴãw, ɛ́ a tɩ̃ɩsɔw, bɛ wa ŋmãa viiri koli a yir ʋl pʋɔ ɩ̃ na tɩ be a. Bɛ tɩ bɔbr'ɩ a ɩ̃ kʋb, ɛ́ fɛr a ɩ̃ pɔw gã nɩ, ʋ tɩ kpi.

Ƴɛ̀r-dɩrbɛ 20:6

Lɛ n'a ɩ̃ tɩ ɓáw a ɩ̃ pɔw-kũu, ŋma pʋrpʋr tɩr kʋ̀ a Ɩsɩrayɛl dɔwlʋ za, bʋ̃ʋ n'ʋ vɛ̃, a Givea tẽw dem ɩ n vĩ-ɩb nɩ ɩ-faa na bɛ maal'ɩ wob a, a Ɩsɩrayɛl tẽw pʋɔ.

1 Samɩɛl 1:16

Ta ɩrɛ a fʋ tõ-tõ-bi-pɔw mɛ̃ pɔwli-bɛ-tɛr-bir'ʋ a ɩ, a tɩɛrʋ nɩ a kpɩɛrʋ na zuo mɛ̃ a n'a so ɩ̃ puori wa tɔ a ka.»

1 Samɩɛl 10:27

Ɛcɛ nɩbɛ kãw na bɛ tɛr pɛr towtow a, tɩ yel'a: «Ŋmɩŋmɩn n'a a nɩr ŋa na tʋ̃ɔ́ faa tɩ?» Bɛ tɩ jewr'ʋ na, ɛ́ bɛ wa n bom za wa kʋ̀ ʋ ɛ. Ɛcɛ a bɛ tɩ ɩ a Sawul bom za ɩ.

1 Samɩɛl 2:12

A Eli bidɛbr bɛ tɩ tɛr pɛr towtow ɛ, bɛ bɛ tɩ ŋmɛlɛ kaar a Sore ɩ.

1 Samɩɛl 25:25

Ta bɛlɛ a nɩ-bɛ-tɛr-bir ŋa ɩ, a Naval, ʋ sɛwnɩ nɩ a ʋ yúor: ʋ dɩ na kɛ́ Naval, a pɛr lɛ kɛ́: Yãyaar-sob, ɛ́ a yãyaar sɩrɩ tuur ʋ. Ɛcɛ, a mãa fʋ tõ-tõ-bi-pɔw a, ɩ̃ bɛ tɩ nyɛ̃ a fʋ tõ-tõ-biir ɛ, a bɛl fʋ na tõ a tɩ zie a.