Ƴɛ̀r-dɩrbɛ 18:29 - A SƐB-SÕW

²⁹ Bɛ tɩ por'ɩ a tẽw yúor kɛ́ Dan, mɛ̃ a bɛ sãàkʋm-kʋra, Dan a, a Zakɔb bidɛb, ɛcɛ a tẽw yúor tɩ dãw na dɩ kɛ́ Laisɩ.

Ƴɛ̀r-dɩrbɛ 18:29 ပူးပေါင်းရင်းမြစ်များ

Yele-za-pɛr-tib 14:14

A Abram na wa wõ kɛ́ bɛ nyɔw nɩ a ʋ yɛb bidɛb a, ʋ cɔbr'ɩ a ʋ nɩbɛ na ɩ a ʋ dɔwlʋ nɩbɛ a, a zɛbr ƴãw, nɩbɛ kɔbr ata dɔwlɩ nɩbɛ pie nɩ ani (318), ta tu n a dɔ̃ dem tɩ sãá nɩ Dan.

Yele-za-pɛr-tib 30:6

A Arasɛl tɩ yel'a: «Naaŋmɩn dɩ n a ƴɛ̀rʋ nyɛ̃ a ɩ̃ dem de, ʋ kpɛ m. Ʋ wõ n a ɩ̃ zɛlʋ, ɛ́ mɩ̀ kʋ̀ m bidɛb.» Alɛ so ʋ por ʋ Dan.

Yele-za-pɛr-tib 32:28

A sob nɛ tɩ sowr'ʋ na: «A fʋ yúor dɩ na kɛ́ bo?» Ʋ sɔw: «Zakɔb.»

2 Samɩɛl 17:11

Yã ŋa n'ʋ mãa wule: ɓã a Ɩsɩrayɛl sojarɩ za taa a fʋ zie, a Dan tɩ tɔ a Bɛɛr-Seva, bɛ yãwmɛ mɛ̃ a kʋ̃ɔ-kpɛ̃ɛ nʋɔr biire a, ɛ́ fʋ̃ʋ tɔr za a, lãw nɩ bɛ cen a zɛbr zie.

1 Na-mɩnɛ 15:20

A Bɛn-Hadadɩ tɩ sàw nɩ a Asa ƴɛ̀rʋ, ɛ́ tõ a ʋ zɛbr-nɩbɛ nɩ-bɛrɛ a Ɩsɩrayɛl tẽw tẽ-bɛrɛ ƴãw. Bɛ tɩ zɛb'a de Iyon, Dan, Abɛl-Bɛtɩ-Maaka, a Kinerɔtɩ vuo nɩ a Nɛfɩtali tẽw za.

Zeremi 8:16

A dɔ̃ sob ta n a Dan tẽw baarɩ. A ʋ wie na vʋʋrɛ nɩ fãw a vʋʋrʋ yire nɩ a tẽ-kpɛ̃ɛ ŋa pʋɔ. A gɔmɛ a na kone ɩrɛ a ɩ na a tẽw za màwr. A waar'a k'aa wa sãw a tẽw nɩ bom za na be a ʋ pʋɔ a bɛr, a tẽ-kpɛ̃ɛ nɩ a ʋ nɩbɛ.»

Wulu-ayi-sob 34:1

A Moyiir tɩ yi n a Mowab tɩ̃talɛ pʋɔ do a Nebo tãw zu, a Pisiga na tori a Zeriko a nyʋɔrɩ́. A Sore tɩ wul ʋ nɩ a tẽw za: a Galaadɩ vuo tɩ tɔ a Dan,

Zozue 19:47

A Dan dɔwlʋ nɩbɛ na bɛ wa cãà tɛr a bɛ tẽw a, bɛ tɩ cen na tɩ zɛb de Lesɛm tẽw, ɛ́ kʋ a tẽw dem. Bɛ tɩ de nɩ a zie za, kpɩɛr a be, ɛ́ por a Lesɛm yúor kɛ́ Dan, na tɩ ɩ a bɛ sãàkʋm-kʋra Dan yúor a.

Ƴɛ̀r-dɩrbɛ 18:7

A nɩbɛ anũu bɛl tɩ lɛb'a lo a sɔ́r tɩ ta Laisɩ. Bɛ tɩ nyɛ̃ nɩ a be dem bɛ kpɩɛr a bɛ tẽw zoomlɛ, ƴã-ɓaarʋ pʋɔ, ɛ́ bɛ bãw damnʋ ɛ, mɛ̃ a Sɩdɔ̃ tẽw dem a. Nɩr bɛ tɩ ka a be mɩ́ ƴɛ̀r nɩr maw ɛ, nɩr bɛ tɩ ka be dɩrɛ naalʋ kãw za ɩ. A Laisɩ nɩbɛ tɩ kpɩɛr'a zãá nɩ a Sɩdɔ̃ tẽw dem, ɛ́ so bɛ tʋɔra bɛ bɔbr bom kãw za nɩr zie ɩ.

Ƴɛ̀r-dɩrbɛ 20:1

A Ɩsɩrayɛl nɩbɛ za tɩ yi na ɓã taa mɛ̃ nɩ-been a, a Sore niŋé, a Misɩpa. A ziir za n'a bɛ tɩ yi wa: a na tĩ a Dan a saa-pɛrɩ́-gʋba-lowr, tɩ tɔ a Bɛɛr-Seva a saa-pɛrɩ́-dʋrʋ-lowr, nɩ a Galaadɩ tẽw za, a saa-pɛrɩ́ a.