Ƴɛ̀r-dɩrbɛ 18:10 - A SƐB-SÕW

¹⁰ Nyɩmɛ wa ta a, nyɩ na nyɛ̃ nɩ nɩbɛ na bɛr yã ɛ́ kpɩɛr tẽw na yɛlmɛ a pʋɔ a. Naaŋmɩn na ƴãw nɩ a tẽw ŋa a nyɩ nuru pʋɔ, ɛ́ tẽw zu bʋ̃-vla za bɛ cɛ bɛ be a tẽw nɛ pʋɔ ɩ.»

Ƴɛ̀r-dɩrbɛ 18:10 ပူးပေါင်းရင်းမြစ်များ

Eziptɩ tẽw yib 3:8

Lɛ so ɩ̃ siw wa k'ɩ̃ɩ wa faa bɛ a Eziptɩ tẽw dem nuru pʋɔ, ɛ́ ɩ bɛ yi a tẽw ŋa pʋɔ cen tẽw na vɩɛl ɛ́ yɛlmɛ a pʋɔ, tẽw bʋ̀rʋ nɩ sɩwr na gbɔlɛ a, tẽw a Kanãa tẽw dem, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ na kpɩɛr a.

Ezekɩɛl 20:6

A ʋlɩ bibir nɛ a, ɩ̃ pɔ na yel bɛ k'ɩ̃ɩ na ƴãw na bɛ yi a Eziptɩ tẽw, ɩ̃ tɛr bɛ cen nɩ tẽw kãw ɩ̃ na nɛb kaa a bɛ ƴãw a. A ten za pʋɔ tẽ-vla vla za n'ʋ, tẽw bʋ̀rʋ nɩ sɩwr na gbɔlɛ a.

Wulu-ayi-sob 2:29

A Ezawu bʋʋrɛ na kpɩɛr a Seyiir vuo pʋɔ a, nɩ a Mowab tẽw dem na kpɩɛr a Aar a, sàw na tɩ tu tɔl a bɛ ten pʋɔ. Al pùorí, tɩ na gãw nɩ a Zurdɛ̃, ta a tẽw a Sore tɩ Naaŋmɩn na kʋ̀rɛ tɩ a.»

Wulu-ayi-sob 4:1

A Moyiir tɩ cãà na cow yel à ŋá: Ɩsɩrayɛl nɩbɛ ɛ, nyɩ wone a wulu nɩ a tub ɩ̃ na wule nyɩ kɛ́ nyɩ tuur a. A na ɩ na nyɩ vʋʋrɛ, ɛ́ so a tẽw a Sore nyɩ sãàkʋm-kore Naaŋmɩn na kʋ̀rɛ nyɩ a.

1 Timote 6:17

Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

Zozue 2:23

Lɛ n'a a nɩbɛ ayi bɛl tɩ yi a tan pʋɔ siw. Bɛ tɩ gãw nɩ a Zurdɛ̃ cen a Nun bidɛb Zozue zie tɩ manɩ a lɛ za na ɩ a kʋ̀ ʋ.

Zozue 2:24

Bɛ tɩ yel ʋ na: «Sɩza n'a, a Sore de nɩ a tẽw za ƴãw a tɩ nuru pʋɔ. A tẽw nɩbɛ za màwr'ɩ a tɩ niŋé.»

Zozue 6:16

A gb'a ayopõi sob a, a bàwr-maalbɛ tɩ pɛblɩ a ɩ́lɛ́ ɛ́ a Zozue yel a nɩbɛ: «Nyɩ lɔb a zɛbr cɛl! Bʋ̃ʋ n'ʋ vɛ̃, a Sore kʋ̀ nyɩ nɩ a tẽw.

Ƴɛ̀r-dɩrbɛ 18:11

Lɛ n'a a Dan dɔwlʋ nɩbɛ kɔbr ayʋɔb (600) na tɛr zɛbr bome a zɛbr ƴãw a, tɩ yi a Sorea nɩ a Ɛsɩtaɔl cen.

Ƴɛ̀r-dɩrbɛ 18:27

A Dan dɔwlʋ nɩbɛ tɩ wob'ɩ a Mɩka bome, tɛr'ɩ a bàwr-maalɛ na tɩ tone ʋ a cen nɩ. Bɛ tɩ cen na tɩ lo a Laisɩ tẽw zu, kʋ a ʋ nɩbɛ na tɩ bɛr yã kpɩɛr zoomlɛ a, ɛ́ nyɩw a tẽw bɛr.

Ƴɛ̀r-dɩrbɛ 18:7

A nɩbɛ anũu bɛl tɩ lɛb'a lo a sɔ́r tɩ ta Laisɩ. Bɛ tɩ nyɛ̃ nɩ a be dem bɛ kpɩɛr a bɛ tẽw zoomlɛ, ƴã-ɓaarʋ pʋɔ, ɛ́ bɛ bãw damnʋ ɛ, mɛ̃ a Sɩdɔ̃ tẽw dem a. Nɩr bɛ tɩ ka a be mɩ́ ƴɛ̀r nɩr maw ɛ, nɩr bɛ tɩ ka be dɩrɛ naalʋ kãw za ɩ. A Laisɩ nɩbɛ tɩ kpɩɛr'a zãá nɩ a Sɩdɔ̃ tẽw dem, ɛ́ so bɛ tʋɔra bɛ bɔbr bom kãw za nɩr zie ɩ.

Ƴɛ̀r-dɩrbɛ 18:9

Bɛ sɔw: «Nyɩ ìr! Nyɩ ɩ tɩ cen tɩ ŋmãa nɩ a Laisɩ tẽw dem a zɛbr. Tɩ nyɛ̃ nɩ a tẽw, ʋ vɩɛl'a bɛ tɛr vuo ɩ. Nyɩ ta zɩ̃ a ka zawlalɛ ɩ, nyɩ ìr fɔ̃w tɩ cen tɩ zɛb de a tẽw.