Ƴɛ̀r-dɩrbɛ 17:3 - A SƐB-SÕW

³ A Mɩka tɩ kʋ̀ n a salm-pla libie túr dɔwlɩ kʋba (1 100) al a ʋ mã. Ɛcɛ a ʋ mã tɩ yel ʋ na: «Mãa mɩŋa de nɩ a libie á ŋá kʋ̀ a Sore, a fʋ̃ʋ ɩ̃ bidɛb ƴãw, a na sõw na bɛ maal'ɩ tɩɩb bɛ na na nyɩl kure pàw a. A lɛ pʋɔ a, ɩ̃ lɛb'a dier a kʋ̀rɛ fʋ a ƴɛrɛŋa.»

Ƴɛ̀r-dɩrbɛ 17:3 ပူးပေါင်းရင်းမြစ်များ

2 Bibie za yel-manɩ 33:7

Ʋ mɩ̀ tɩ maal'ɩ tɩɩb kãw ƴãw a Ŋmɩn-yir-kpɛ̃ɛ pʋɔ, a yir ŋa ƴãw a Sore na tɩ yel à ŋá kʋ̀ a Daviir nɩ a ʋ bidɛb Salomɔ̃ a: «A Ŋmɩn-yir-kpɛ̃ɛ ŋa pʋɔ n'a, nɩ a Zerizalɛm ka n'a ɩ̃ na mɩ́ wul k'ɩ̃ɩ be n ka kʋralɛ, a Zerizalɛm ɩ̃ na kaa ír a Ɩsɩrayɛl dɔwlʋ tẽ-bɛrɛ za pʋɔ a.

Eziptɩ tẽw yib 20:23

Nyɩ kʋ̃ maalɩ salm-pla nɩ salm-zɩɛ ŋmɩmɛ a pʋɔ a ɩ̃ ƴãw ɛ. Nyɩ kʋ̃ maal'a tɛr ɛ.

Eziptɩ tẽw yib 20:4

«Fʋ kʋ̃ tɛr tɩɩb kãw za ɩ. A bome na be a saa-zu, a salom zu, a pile ka, a tẽw zu, a kʋ̃ɔmɩ́ nɩ a tẽsɔw pile a, fʋ kʋ̃ maalɩ a kãw za bãwfʋ ɛ.

Eziptɩ tẽw yib 34:17

Nyɩ kʋ̃ nyɩl kure maal'ɩ ŋmɩmɛ dasuli ɛ.

Ɩzayi 30:22

A nyɩ dàar bɩɩ kure tɩbɛ bɛ na nyɩl salm-pla nɩ salm-zɩɛ pàw a, nyɩ na nyɛ̃ a na a ɩ dɛwr. Nyɩ na lɔb a na bɛr mɛ̃ bʋ̃-dɛgɛ a, ɛ́ nyɩ na yel a na: «Nyɩ yi a ka!»

Ɩzayi 66:3

Ɛcɛ a bagɛ maalʋ ƴãw a, a nɩbɛ mɩ́ kʋ n náab, ɛ́ mɩ̀ kʋ nɩr. Bɛ mɩ́ ŋmaar'ɩ pɛ́rʋ kɔkɔr, ɛ́ mɩ̀ ŋmɛ baa kʋ. Bɛ mɩ́ de nɩ de-kʋ̀b bom tɩr, ɛ́ mɩ̀ de dobaa zɩ̃ɩ tɩr. Bɛ mɩ́ nyɩw nɩ tɩ-suur-zɔ̃-na-nyùur-vla-vla-a, ɛ́ mɩ̀ maalɩ tɩɩb na bɛ vɩɛl a. A nɩbɛ bɛ ŋa kaa na ír a bɛ sɛ́ɛ, ɛ́ a bɛ ɩ-faar na bɛ maal'ɩ wob a ɩrɛ bɛ nʋ̃ɔ̀.

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Levitɩ mɩnɛ 19:4

«Nyɩ taa maalɛ ŋmɩn-bɛlɛbɛlɛ ɩ, ɛ́ taa nyɩlɛ kure maalɛ nɩ ŋmɩmɛ ɩ. Mãa n'ɩ a Sore nyɩ Naaŋmɩn.»

Zã 16:2

Bɛ na diw nyɩ na bɛr a Zifʋ mɩnɛ puoru-dirú. Mɔ̃ mɩ̀, bio waar'a na vɩɛ, bɛ na mɩ́ nyɔw nyɩ kʋ ɛ́ tɩɛrɛ kɛ́ bàwr'ʋ bɛ maalɩ kʋ̀ a Naaŋmɩn.

Wulu-ayi-sob 12:3

Nyɩ na ŋmɛr'ɩ a bɛ bàwr-maal-kube bɛr, nyɩ na ŋmɛ n a bɛ kʋsɛ-teli kar, nyɩ na nyɩw nɩ a bɛ dà-barɩ bɛr, nyɩ na ŋmɛ n a bɛ ŋmɩmɛ dasuli lɔb. Nyɩ na ɩ na a ŋmɩmɛ á ŋá yúor ta cãà pore a zie ʋl ɛ.

Wulu-ayi-sob 27:15

«Ŋmɛ-ƴãw, a páw sob nɛ na pɛnɩ tɩɩb bɩɩ nyɩl kure maal'ɩ dasule kãw tɛr sɔwlɛ maalɛ a. A Sore bɛ nɔnɛ a bom ŋa tɔ a nɩsaalbɛ nuru na maalɩ a ɩ.» Ɛ́ a nɩbɛ za na sɔw na: «Amɛn!»

Ƴɛ̀r-dɩrbɛ 17:13

A Mɩka tɩ tɩɛr'ɩ ʋ pʋɔ: «Ƴɛrɛŋa a, bʋnʋ bɛ ka be ɩ, a Sore na maalɩ mɛ̃ na, levitɩ na ɩ a ɩ̃ bàwr-maalɛ a ƴãw.»

Ƴɛ̀r-dɩrbɛ 17:2

Bibir kãw, ʋ tɩ yel'ɩ a ʋ mã: «Bɛ na tɩ zu a fʋ salm-pla libie túr dɔwlɩ kʋba (1 100) a, fʋ ŋmɛ na ƴãw a nyãnyuge a ɩ̃ niŋé ɩ̃ wõ, fʋ cãà na bãwnɩ a? Mãa n'ʋ tɛr a libie á ŋá, mãa n'ʋ tɩ de a.» Lɛ n'a a ʋ mã tɩ yel ʋ: «Ɩ̃ bie e, a Sore, ʋ maalɩ fʋ!»

Ƴɛ̀r-dɩrbɛ 17:4

Ɛcɛ ʋ tɩ lɛb'a kʋ̀ a libie a ʋ mã, ʋ ír salm-pla libie kɔbr ayi tɩ kʋ̀ a kur-nyɩlɛ, ʋ maal'ɩ tɩɩb bɛ na nyɩl kure pàw a, bɛ de bin a Mɩkayehu yir.

Ƴɛ̀r-dɩrbɛ 18:30

A Dan dɔwlʋ nɩbɛ tɩ bin nɩ a Mɩka tɩɩb, ɛ́ Gɛrsom bidɛb Yehonatan, na ɩ a Moyiir yãw a, nɩ a ʋ bidɛbr, lɩɛbɩ a bàwr-maalbɛ a Dan dɔwlʋ nɩbɛ ƴãw, tɩ ta a lɛn daar bɛ na diw a nɩbɛ cen nɩ a.

Ƴɛ̀r-dɩrbɛ 18:5

Bɛ lɛb yel ʋ: «Alɛ wa ɩ lɛ a, fʋ̃ʋ sowri a Naaŋmɩn kʋ̀ tɩ, tɩ tʋ̃ɔ́ bãw, a sɔ́r tɩ na lo a na vɩɛl'a bɩɩ ʋ kʋ̃ vɩɛl.»