Ƴɛ̀r-dɩrbɛ 16:28 - A SƐB-SÕW

²⁸ Lɛ n'a a Samsɔ̃ tɩ puori a Sore à ŋá: «Sore Naaŋmɩn i, ɩ̃ zɛlɛ fʋ na, lɛb tɩɛrɩ a ɩ̃ yele, lɛb kʋ̀ m a fãw a ƴɛrɛŋa yõ ƴãw, Naaŋmɩn i, ɩ̃ tʋ̃ɔ́ yáa a ɩ̃ mimie ayi san daƴen daadaa, a Filisɩtɛ̃ mɩnɛ zie.»

Ƴɛ̀r-dɩrbɛ 16:28 ပူးပေါင်းရင်းမြစ်များ

2 Bibie za yel-manɩ 20:12

Sore tɩ Naaŋmɩn i, fʋ kʋ̃ ƴãw bɛ dɔwrʋ na sɛw taa nɩ bɛ a ɩ? Bʋ̃ʋ n'ʋ vɛ̃, tɩ bɛ tɛr fãw a nɩ-yaga yaga bɛ ŋa na waar a tɩ ƴãw a niŋé ɩ, ɛ́ tɩ bɛ bãw lɛ za tɩ na na ɩ a ɩ. Ɛcɛ fʋ̃ʋ n'ʋ tɩ jɩ́rɛ.»

Sɛb-sõw yielu 10:12

Sore e, ìr! Naaŋmɩn i, ɩ ɩb kãw, ta yiiri a nan dem bɛr ɛ.

Sɛb-sõw yielu 116:4

Lɛ n'a ɩ̃ tɩ kõ bʋɔlɩ a Sore yúor yel: «'Woi, Sore e, faa mɛ̃!»

Sɛb-sõw yielu 143:12

A fʋ nɔ̃wfʋ zũú a, kʋ a ɩ̃ dɔ̃ dem pàw pɛr. Ɩ a bɛlɩ dem za na dɔwrɛ mɛ̃ a bɛ kpi, ɩ̃ na ɩ a fʋ tõ-tõ-bie a ƴãw.

Sɛb-sõw yielu 50:15

Ɛ́ alɛ wa wone fʋ a ʋlɩ bibir nɛ a, fʋ̃ʋ bʋɔlɩ mɛ̃, ɩ̃ na faa fʋ na, ɛ́ fʋ na danɩ mɛ̃ na.

Sɛb-sõw yielu 91:15

Ʋlɛ wa bʋɔlɛ mɛ̃ a, ɩ̃ na sɔw na, ɩ̃ na be n a ʋ zie a kpɩɛrʋ daar, ɩ̃ na faa ʋ na, ɩ̃ na ɩ na k'ʋ nyɛ̃ ƴãwfʋ.

Zeremi 15:15

Ɛcɛ fʋ̃ʋ a, Sore e, fʋ bãw nɩ bom za na càarɩ mɛ̃ a, tɛr a ɩ̃ tɩɛrʋ, ɩ ɩb kãw a ɩ̃ ƴãw. Yáa a san a bɛlɩ dem na dɔwrɛ mɛ̃ a zie. Ta bɛr mɛ̃ k'ɩ̃ wone tuo fʋ na nyɔwr fʋ tʋɔra a bɛ ƴãw a zũú ɛ. Bãwnɩ a, a fʋ zũú n'a ɩ̃ sàw a zʋmɛ.

Zonasɩ 2:7

Ɩ̃ tɩ tɔl'a siw tɩ ta a be a tan na nyɛ nyɔw a, a kũu tẽw pamɛ tɩ pàw mɛ̃ na bɛr baarɩ. Ɛcɛ fʋ̃ʋ Sore ɩ̃ Naaŋmɩn i, fʋ ɩ na ɩ̃ yi a bɔw-zulu pʋɔ do wa ɩ nɩ-vʋʋra.

2 Timote 4:14

A sãa-kpɩɛrɛ Alɛsãdɩr ɩ na a kpɛ m yaga. «A Sore na ya ʋ na man nɩ a ʋ ɩ-ɩrɩ.»

Ebre 11:32

Bʋ̃ʋ n'ʋ ɩ̃ na lɛb yel? Vuo bɛ ka be ɩ̃ na ƴɛ̀r a Zedeɔ̃, Barakɩ, Samsɔ̃, Zɛfɩte, Daviir, Samɩɛl nɩ a naaŋmɩn-ƴɛ̀r-manbɛ ƴɛ̀rʋ ɛ.

Yel-wula 6:10

Bɛ tɩ cɩɩrɛ na nɩ kɔkɔr-kpɛ̃w yere: «Zu-sob na ɩ sõw, ɛ́ ɩ Zu-sob sɩza a, debor'a fʋ na gù n a ƴɛ̀rʋ-maalʋ nɩ a tɩ kũu san sowru a tẽw zu nɩbɛ zie tɩ ta?»

Ƴɛ̀r-dɩrbɛ 15:18

Kʋ̃ɔ-nyúur na tɩ faar na kʋ ʋ a, a Samsɔ̃ tɩ bʋɔl'ɩ a Sore yel à ŋá: «Naaŋmɩn i, fʋ̃ʋ n'ʋ ɩ ɩ̃ zɛb tʋ̃ɔ́ a nɩbɛ bɛ ŋa sɛw à à ŋá. Ƴɛrɛŋa a, ɩ̃ na kpi n kʋ̃ɔ-nyúur, ɛ́ lo a yɔ-ɓile bɛ ŋa nuru pʋɔ bɩɩ?»

Ƴɛ̀r-dɩrbɛ 16:27

Zɩ̃ kɛ́ dɛbr nɩ pɔwbɛ tɩ paal'ɩ a ŋmɩn-yir. A Filisɩtɛ̃ mɩnɛ nɩ-bɛrɛ tɩ be n be, nɩ nɩbɛ na ta túr-ata (3 000) na tɩ be a garʋ́ jɩ́rɛ a Samsɔ̃ na manɛ a laarʋ a.

Ƴɛ̀r-dɩrbɛ 16:29

Al pùorí, a Samsɔ̃ tɩ gbaal gbaal'ɩ a kpule ayi al na tɩɛ a ŋmɩn-yir tɛr a. Ʋ tɩ tɩɛ nɩ a kãw nɩ a ʋ dʋrʋ nũu, ɛ́ tɩɛ a kãw nɩ a ʋ gʋba nũu,

Ƴɛ̀r-dɩrbɛ 5:31

Sore e, a fʋ dɔ̃ dem za, bɛ kpi, mɛ̃ a lɛ a Sɩsera na kpi a! Ɛcɛ a fʋ nɩ-nɔnɩ ɩ mɛ̃ a mʋ̃tɔ̃w na mɩ́ wa pur nyɩwrɛ ʋ za a!» Ɛ́ a tẽw tɩ tɛr'ɩ ƴã-ɓaarʋ yome lɩz'a ayi.