Ƴɛ̀r-dɩrbɛ 16:13 - A SƐB-SÕW

¹³ A Dalila tɩ lɛb'a yel ʋ: «Fʋ lɛb maal'a ɩ m la, ŋma ziri kʋ̀ m. Pãa sɩrɩ yel bom nɛ bɛ na na 'lẽ nɩ fʋ a kʋ̀ m.» A Samsɔ̃ sɔw ʋ: «A ɩ̃ zukɔbr na pàl gbɛlɛ ayopõi a, fʋ̃ʋ wa nyɔw a wob'ɩ a fomi-wobre fomi-gbɛ́lɛ́ a, ɛ́ caw a nɩ fomi-wobre cáara a, ɩ̃ kʋ̃ tɛr fãw ɛ, ɩ mɛ̃ nɩsaal za a.»

Ƴɛ̀r-dɩrbɛ 16:13 ပူးပေါင်းရင်းမြစ်များ

Ƴɛ̀r-dɩrbɛ 14:17

A Samsɔ̃ pɔw tɩ bàl ʋ na nɩ a ʋ kon, a cuw dɩb bibie ayopõi al za pʋɔ. A bibie ayopõi sob, a Samsɔ̃ tɩ ír'ɩ a zʋkpa-bir kʋ̀ ʋ, ʋ na bɛ tɩ cãà laar a zũú. Daadaalɛ ʋ yel kʋ̀ a ʋ tẽ-bi-taabɛ.

Ƴɛ̀r-dɩrbɛ 16:10

Lɛ n'a a Dalila tɩ yel a Samsɔ̃: «Fʋ ɩ m'a la, ŋma ziri kʋ̀ m. Ƴɛrɛŋa a, pãa yel bom nɛ bɛ na na 'lẽ nɩ fʋ a kʋ̀ m.»

Ƴɛ̀r-dɩrbɛ 16:12

Lɛ n'a a Dalila tɩ bɔ a miw-paalɛ tɩ 'lẽ nɩ ʋ, ɛ́ ŋmɛ cɛl yel ʋ: «Samsɔ̃ ɔ̃, gùre Filisɩtɛ̃ mɩnɛ yoo!» Nɩbɛ lɛb tɩ maal'a sɔwlɩ a dĩó gù. Ɛcɛ a Samsɔ̃ tɩ ŋma n a mie bɛr a ʋ kpãkpamɛ ƴãw mɛ̃ fomie a.

Ƴɛ̀r-dɩrbɛ 16:14

A Dalila tɩ ɩ na a Samsɔ̃ gúr gã, ʋʋ nyɔw a ʋ zukɔbr na pàl a gbɛlɛ ayopõi a, wob'ɩ a fomi-wobre fomi-gbɛ́lɛ́, ɛ́ caw a nɩ a fomi-wobre cáara, ɛ́ ŋmɛ cɛl yel a Samsɔ̃: «Samsɔ̃ ɔ̃, gùre Filisɩtɛ̃ mɩnɛ yoo!» A Samsɔ̃ tɩ zaw na ìr vɩr a za ŋma: a cáara, a pɛn-bʋ̃-wobra, nɩ a fomi-gbɛ́lɛ́ tõ-ƴãwfʋ zie.