Ƴɛ̀r-dɩrbɛ 15:18 - A SƐB-SÕW

¹⁸ Kʋ̃ɔ-nyúur na tɩ faar na kʋ ʋ a, a Samsɔ̃ tɩ bʋɔl'ɩ a Sore yel à ŋá: «Naaŋmɩn i, fʋ̃ʋ n'ʋ ɩ ɩ̃ zɛb tʋ̃ɔ́ a nɩbɛ bɛ ŋa sɛw à à ŋá. Ƴɛrɛŋa a, ɩ̃ na kpi n kʋ̃ɔ-nyúur, ɛ́ lo a yɔ-ɓile bɛ ŋa nuru pʋɔ bɩɩ?»

Ƴɛ̀r-dɩrbɛ 15:18 ပူးပေါင်းရင်းမြစ်များ

Yele-za-pɛr-tib 20:11

A Abraham tɩ sɔw na: «Ɩ̃ tɩɛr'ɩ ɩ̃ pʋɔ k'aa ka dem bɛ zɔrɛ Naaŋmɩn zaa pʋrɩ ɛ, kɛ́ bɛ na kʋ m'ɩ a ɩ̃ pɔw ƴãw.

Yele-za-pɛr-tib 32:31

A Zakɔb tɩ por'ɩ a zie nɛ yúor kɛ́ Penɩɛl, a pɛr lɛ kɛ́ “Naaŋmɩn Niwn”. Bʋ̃ʋ n'ʋ vɛ̃, ʋ tɩ yel'a: «Ɩ̃ càar'a nyɛ̃ a Naaŋmɩn ɛ́ cãà vʋʋrɛ.»

2 Samɩɛl 1:20

Nyɩ ta mʋɔlɩ a yel ŋa a Gatɩ tẽw pʋɔ ɩ, nyɩ ta ɩ ʋ yi a Asɩkalon tẽw sɛ́ɛ pʋɔ ɩ. A Filisɩtɛ̃ pɔwbɛ taa cɩlɛ ɩ, a yɔ-ɓile dem bɛ ŋa pɔwyaar taa cɩlɛ ƴawr'ɩ ɛ.

Zã 19:28

Al pùorí, a Yeezu na tɩ bãw kɛ́ a yele za nʋɔr kʋ na a, ʋ yel'ɩ à ŋá, k'aa Sɛb-sõw tʋ̃ɔ́ tu tɩ ɓɩɩlɩ: «Kʋ̃ɔ-nyúur kpɩɛr mɛ̃ na.»

Ebre 11:32

Bʋ̃ʋ n'ʋ ɩ̃ na lɛb yel? Vuo bɛ ka be ɩ̃ na ƴɛ̀r a Zedeɔ̃, Barakɩ, Samsɔ̃, Zɛfɩte, Daviir, Samɩɛl nɩ a naaŋmɩn-ƴɛ̀r-manbɛ ƴɛ̀rʋ ɛ.

Ƴɛ̀r-dɩrbɛ 14:3

A ʋ dɔwrbɛ tɩ yel ʋ na: «Pɔw bɛ ka be a fʋ dɔwlʋ pʋɔ, nɩ a tɩ nɩ-bʋʋrɛ pʋɔ bɩɩ, fʋ na cen tɩ de pɔw a Filisɩtɛ̃ mɩnɛ zie, a yɔ-ɓile bɛ ŋa zie e?» Ɛcɛ a Samsɔ̃ tɩ yel'ɩ a ʋ sãà: «Bɔ ʋ kʋ̀ m, ʋlɛ n'ʋ pɛlɩ a ɩ̃ pʋɔ.»

Ƴɛ̀r-dɩrbɛ 15:17

Ʋ na wa ƴɛ̀r baar'a, ʋ gbanɩ nɩ a kokam kɔbr bɛr. Lɛ so bɛ bʋɔlɛ a zie ŋa kɛ́ Aramatɩ-Lehi, a pɛr lɛ kɛ́ “Kokam tãw.”

Ƴɛ̀r-dɩrbɛ 16:28

Lɛ n'a a Samsɔ̃ tɩ puori a Sore à ŋá: «Sore Naaŋmɩn i, ɩ̃ zɛlɛ fʋ na, lɛb tɩɛrɩ a ɩ̃ yele, lɛb kʋ̀ m a fãw a ƴɛrɛŋa yõ ƴãw, Naaŋmɩn i, ɩ̃ tʋ̃ɔ́ yáa a ɩ̃ mimie ayi san daƴen daadaa, a Filisɩtɛ̃ mɩnɛ zie.»

Ƴɛ̀r-dɩrbɛ 8:4

A Zedeɔ̃ nɩ a nɩbɛ kɔbr ata (300) tɩ ta n a Zurdɛ̃ kpɛ gãw. Bɛ na saa tɩ bàl bàl a, bɛ tɩ cãà na diwr a bɛ dɔ̃ dem.

1 Samɩɛl 17:26

A Daviir tɩ sowr'ɩ a nɩbɛ na tɩ àr pɩɛl'ʋ a: «A sob nɛ na na zɛb tʋ̃ɔ́ a Filisɩtɛ̃ dɔɔ ŋa, ɩ a Ɩsɩrayɛl vĩ baarɩ a, bʋ̃ʋ n'ʋ ʋ na páw? Ãa nɩ̃ɛ n'ɩ a Filisɩtɛ̃ yɔ-ɓil sob ŋa na sàw tʋʋr a Naaŋmɩn na vʋʋrɛ a zɛbr-nɩbɛ a?»

1 Samɩɛl 17:36

A fʋ tõ-tõ-bie kʋ n gben ɛ́ kʋ ursɩrɩ. A Filisɩtɛ̃, yɔ-ɓil sob ŋa, na ɩ na mɛ̃ a dʋn á ŋá kãw a, bʋ̃ʋ n'ʋ vɛ̃, ʋ tʋ n a Naaŋmɩn na vʋʋrɛ a zɛbr-nɩbɛ.

1 Samɩɛl 27:1

A Daviir tɩ tɩɛr'ɩ ʋ pʋɔ yel à ŋá: «Bibir kãw, a Sawul na ɩrɛ na cãà wa kʋ m, alɛ sa k'ɩ̃ɩ zɔ cen a Filisɩtɛ̃ mɩnɛ tẽw. Lɛ n'a a Sawul na bɛr a ɩ̃ diwfʋ a Ɩsɩrayɛl tẽw za pʋɔ, lɛ n'a ɩ̃ na cɩ̃ɛ ʋ bɛ páw mɛ̃ ɩ.»