Ƴɛ̀r-dɩrbɛ 13:6 - A SƐB-SÕW

⁶ A pɔw tɩ kul'a tɩ yel a ʋ sɩr: «Naaŋmɩn nɩr kãw wa n a ɩ̃ zie. Ʋ tɩ ŋmɛ̃ na mɛ̃ Naaŋmɩn malkɩ a, ʋ na tɩ ɩrɛ dɛ̃bɩ̃ɛ a ƴãw. Ɩ̃ bɛ sowr'ʋ a ʋ yib zie ɩ, ʋʋ bɛ yel a ʋ yúor kʋ̀ m ɛ.

Ƴɛ̀r-dɩrbɛ 13:6 ပူးပေါင်းရင်းမြစ်များ

Yele-za-pɛr-tib 18:2

Ʋ wa dʋɔ nɩ zu nyɛ̃ nɩbɛ ata bɛ àr a ʋ nidaa. Ʋ na wa nyɛrɛ bɛ wa báarɛ a, ʋ yi n a pɛn-sɛw dɩ̃dɔrɩ́ zɔ tuori bɛ, tɩ gũu tɩ tɔ tẽw,

Yele-za-pɛr-tib 32:29

A sob nɛ lɛb yel: «Bɛ kʋ̃ cãà bʋɔlɛ fʋ Zakɔb ɛ, bɛ na bʋɔlɛ fʋ nɩ Ɩsɩrayɛl, bʋ̃ʋ n'ʋ vɛ̃, fʋ mɔ̃ nɩ nɩ a Naaŋmɩn nɩ a nɩsaalbɛ, ɛ́ tʋ̃ɔ́.»

1 Na-mɩnɛ 17:18

A ʋ mã tɩ yel'ɩ a Eli à ŋá: «Mãa nɩ fʋ̃ʋ mɩ̀ bʋnʋ, Naaŋmɩn nɩr i? Fʋ wa n a ɩ̃ zie, kɛ́ fʋ wa lɛb sɩ̃w a ɩ̃ sãwna tɩɛrʋ a Naaŋmɩn zie, ɛ́ ɩ a ɩ̃ bidɛb ʋ kpi bɩɩ?»

1 Na-mɩnɛ 17:24

A pɔw tɩ yel ʋ na: «Ƴɛrɛŋa a, ɩ̃ bãw na kɛ́ fʋ ɩ n Naaŋmɩn nɩr. A Sore ƴɛ̀rʋ sɩrɩ na be a fʋ nʋɔrɩ́.»

2 Na-mɩnɛ 4:16

A Elize tɩ yel ʋ na: «Vɩɛr, à à ŋá tɔ-won, fʋ na ƴãw nɩ dɛble nũú.» Ɛcɛ a pɔw tɩ yel'a: «A kʋ̃ tʋ̃ɔ́ ɩ! Ta bɛlɛ mɛ̃ ɩ, Naaŋmɩn nɩr i.»

2 Na-mɩnɛ 4:9

A pɔw ŋa tɩ yel'ɩ a ʋ sɩr: «Ɩ̃ bãw na k'aa nɩr ŋa, na mɩ́ wa a tɩ zie a kʋralɛ a, sɩrɩ na ɩ Naaŋmɩn nɩr.

Eziptɩ tẽw yib 3:2

A Sore malkɩ tɩ ɩ na a Moyiir nyɛ̃ ʋ a be, vũu-zɛl pʋɔ, tuwle sɔwlɩsɔw. A Moyiir tɩ nyɛ̃ nɩ a tuwle na nyɔw vũu dɩrɛ, ɛ́ bɛ dɩrɛ kabr a.

Eziptɩ tẽw yib 3:6

Mãa n'ɩ a fʋ sãàkʋm-kore Naaŋmɩn, a Abraham Naaŋmɩn, a Ɩzaakɩ Naaŋmɩn, a Zakɔb Naaŋmɩn.» A Moyiir tɩ pàw nɩ a ʋ niwn, dɛ̃bɩ̃ɛ na tɩ ɩrɛ ʋ a Naaŋmɩn jɩ́rʋ ƴãw a zũú.

Luka 1:19

A malkɩ tɩ sɔw ʋ na: «Mãa n'ɩ a Gabɩyɛl na mɩ́ be a Naaŋmɩn niŋé a. Ʋ tõ m'a k'ɩ̃ɩ wa ƴɛ̀r sɔw fʋ, ɛ́ yel a yel-nʋ̃ɔ̀ ŋa kʋ̀ b.

Luka 9:29

Ʋ na tɩ puore a, a ʋ niwn tɩ lɩɛb'a, bɛ cãà ŋmɛ̃ ʋ ŋmɛ̃a a ɩ, ɛ́ a ʋ kparɩ pɛlɩ nyɩwrɛ bɛ dɩ vuo ɩ.

Nɩ-toni 6:15

A bɛlɩ dem za na tɩ zɩ̃ a ƴɛ̀rʋ-dɩb zie a tɩ jɩ́rɛ nɩ a Ɩtɩɛn gbẽgbẽ, ɛ́ bɛ tɩ nyɛ̃ nɩ a ʋ niwn ʋ ŋmɛ̃ mɛ̃ malkɩ niwn a.

Wulu-ayi-sob 33:1

A nɔ-vla a Naaŋmɩn nɩr Moyiir na ƴɛ̀r ƴãw a Ɩsɩrayɛl nɩbɛ ɛ́ bãw kpi a n'ɩ ŋa:

1 Timote 6:11

Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

Zozue 14:6

Bibir kãw, Zuda dɔwlʋ nɩbɛ kãw tɩ wa na wa páw a Zozue a Gilgal. Kenaazɩ dɔwlʋ, Yefune bidɛb, Kalɛb, tɩ yel'ɩ a Zozue: «Fʋ mɩŋa za bãw nɩ a lɛ a Sore na yel kʋ̀ a Naaŋmɩn nɩr Moyiir, a ɩ̃ ƴãw nɩ a fʋ ƴãw a Kadɛsɩ-Barneya a.

Yel-wula 1:17

Ɩ̃ na tɩ nyɛ̃ ʋ a, ɩ̃ lo na gã a ʋ gbɛ́ɛ ƴãw mɛ̃ ɩ̃ kpi na a. Ɛcɛ, ʋ tɩ dɔwl'ɩ a ʋ dʋrʋ nũu a ɩ̃ zu ɛ́ yel: «Ta zɔrɛ dɛ̃bɩ̃ɛ ɩ: mãa n'ɩ a niw-diere nɩ a po-pàwrɛ,

Ƴɛ̀r-dɩrbɛ 13:10

Daadaalɛ, a pɔw tɩ zɔ na cen tɩ yel kʋ̀ a ʋ sɩr: «Nyɛ̃, a nɩr ʋl na daar wa páw mɛ̃ a lɛb'a ɩ k'ɩ̃ nyɛ̃ ʋ.»

Ƴɛ̀r-dɩrbɛ 13:22

A Manoa tɩ yel'ɩ a ʋ pɔw: «A bɛ tɛr à ŋá ɩ, tɩ na kpi na, tɩ na nyɛ̃ a Naaŋmɩn a ƴãw.»

Ƴɛ̀r-dɩrbɛ 13:3

Bibir kãw, a Sore malkɩ tɩ sãá nɩ a pɔw ŋa zie yel ʋ à ŋá: «Ɩ̃ bãwnɩ a na fʋ na ɩ pɔw-ãan, ɛ́ bɛ dɔw bie a, ɛcɛ fʋ na tɛr'ɩ pʋɔ dɔw bidɛb.

Ƴɛ̀r-dɩrbɛ 13:7

Ɛcɛ ʋ yel mɛ̃ na: “Fʋ na tɛr'ɩ pʋɔ dɔw bidɛb. Dɩ̃a na ta a, gù fʋ tʋɔra vla, taa lɛb nyuur divɛ̃ nɩ dã-bɩ̃ɩ kãw za ɩ, ɛ́ taa dɩrɛ bʋ̃-dɩ-dɛwr kãw za ɩ, bʋ̃ʋ n'ʋ vɛ̃, a dɛble na ɩ n Naaŋmɩn sób, a ʋ mã púorí daar za tɩ ta a ʋ kũu daar”.»

Ƴɛ̀r-dɩrbɛ 13:8

Lɛ n'a a Manoa tɩ puori a Sore à ŋá: «Yãayãa Sore e, ɩ a Naaŋmɩn nɩr fʋ na tɩ tõ a, ʋ lɛb wa a tɩ zie, wa wul tɩ a lɛ tɩ na na ɩrɛ a dɛble ŋa ƴãw ʋlɛ wa dɔw a.»

Ƴɛ̀r-dɩrbɛ 6:11

A Sore malkɩ tɩ wa na wa zɩ̃ a Yowasɩ terebɛ̃tɩ tɩɛ pile, a Ofɩra tẽw. A Yowasɩ tɩ ɩ n Aviezɛɛr dɔwlʋ nɩr. A ʋ bidɛb Zedeɔ̃ tɩ vàrɛ nɩ a ble a tɩ-wɔmɛ nɛbrʋ zie, k'aa Madian tẽw dem ta nyɛ̃ ʋ ɛ.

1 Samɩɛl 2:27

Naaŋmɩn nɩr kãw tɩ wa na wa páw a Eli yel ʋ à ŋá: «À ŋá n'a a Sore yere: Ɩ̃ wul'ɩ ɩ̃ tʋɔra a fʋ sãàkʋm-kore, a lɛn daar bɛ na tɩ be a Faarawɔ̃ nuru pʋɔ a Eziptɩ a:

1 Samɩɛl 9:6

A tõ-tõ-bie tɩ yel ʋ na: «Naaŋmɩn nɩr kãw be n a tẽw ŋa na be a tɩ nidaa a pʋɔ, a ʋ yúor yi n yaga: ʋlɛ wa yel kɛ́ bom na ɩ na a, a bom ʋl mɩ́ ɩ na. Lɛ so, ɩ tɩ cen tɩ nyɛ̃ ʋ, a mɩnɛ kãw, ʋ na wul tɩ nɩ zie nɛ tɩ na na cãà tu bɔbr a tɩ bome a.»