Ƴɛ̀r-dɩrbɛ 13:25 - A SƐB-SÕW

²⁵ A Dan laɩ na be a Sorea nɩ a Ɛsɩtaɔl cara pʋɔ a n'a a Sore Vʋʋrʋ tɩ tĩ damnɛ a Samsɔ̃.

Ƴɛ̀r-dɩrbɛ 13:25 ပူးပေါင်းရင်းမြစ်များ

Matie 4:1

Al pùorí, a Naaŋmɩn Vʋʋrʋ tɩ tɛr'ɩ a Yeezu cen nɩ a wɛja-kpalɛ pʋɔ, k'aa Gɛgɛra tɩ bɛlɩ ʋ.

Zã 3:34

Bʋ̃ʋ n'ʋ vɛ̃, sob nɛ a Naaŋmɩn na tõ a yere nɩ a Naaŋmɩn ƴɛ̀r-bie, a Naaŋmɩn kʋ̀rɛ ʋ nɩ a ʋ Vʋʋrʋ bɛ tɛr manʋ ɛ.

Zozue 15:33

A tẽ-bɛrɛ al na be a Ba-Peyi a tɩ n'ɩ á ŋá: Ɛsɩtaɔl, Sorea, Asɩna,

Zozue 19:41

Tẽ-bɛrɛ á ŋá n'a tɩ pʋɔ a bɛ zie ŋa pʋɔ: Sorea, Ɛsɩtaɔl, Ɩɩr-Semɛsɩ,

Ƴɛ̀r-dɩrbɛ 11:29

A Sore Vʋʋrʋ tɩ siw nɩ a Zɛfɩte. Ʋ tɩ tu na tɔl a Galaadɩ tẽw vuo pʋɔ, nɩ a Manase tẽw pʋɔ. Al pùorí, ʋ cen a Galaadɩ tẽw Misɩpe, ɛ́ tɩ yi a be kpɛ a Amɔ̃ tẽw.

Ƴɛ̀r-dɩrbɛ 14:1

Bibir kãw, a Samsɔ̃ tɩ cen nɩ Tɩmɩna tɩ nyɛ̃ pɔw a be, a Filisɩtɛ̃ mɩnɛ powli pʋɔ.

Ƴɛ̀r-dɩrbɛ 14:19

Lɛ n'a a Sore Vʋʋrʋ tɩ siw a Samsɔ̃, ʋ cen Asɩkalon, tɩ kʋ a tẽw nɛ nɩbɛ lɩzɛr'ɩ pie, de a bɛ bʋ̃-suuri cen nɩ tɩ kʋ̀ a bɛlɩ dem na tɩ ír a zʋkpa-bir a, a ɩ a bɛ cuw kparɩ. Al pùorí, ʋ tɩ nyɛ̃ nɩ suur pi kɔkɛɛ lɛb kul'ɩ a ʋ sãà yir.

Ƴɛ̀r-dɩrbɛ 16:31

A ʋ yɛbr nɩ a ʋ yir dem za tɩ wa na wa ɓáw a ʋ kũu, cen nɩ tɩ ũù a ʋ sãà Manoa yaa pʋɔ, a Sorea nɩ a Ɛsɩtaɔl cará. Yome lɩzɛr'a a Samsɔ̃ tɩ ɩ a Ɩsɩrayɛl nɩbɛ ƴɛ̀r-dɩrɛ.

Ƴɛ̀r-dɩrbɛ 18:2

Lɛ n'a a Dan dɔwlʋ nɩbɛ tɩ be a Sorea nɩ a Ɛsɩtaɔl ɛ́ kaa ír dɛbr anũu a bɛ pʋɔ, zɛbr-nɩbɛ, tõ bɛ kɛ́ bɛ cen tɩ jɩ́r bãw a tẽw. Bɛ tɩ yel'a kʋ̀ bɛ: «Nyɩ cen tɩ jɩ́r bãw a tẽw.» A nɩbɛ anũu bɛl tɩ ta n a Efarayim tãw vuo pʋɔ, a Mɩka yir, gã vɩɛ a zie.

Ƴɛ̀r-dɩrbɛ 3:10

A Sore Vʋʋrʋ tɩ siw nɩ a ʋ zu, ʋ ɩ a Ɩsɩrayɛl nɩbɛ ƴɛ̀r-dɩrɛ. Ʋ tɩ yi n a zɛbr, a Sore ɩ ʋ zɛb tʋ̃ɔ́ a Mezopotami nãà Kusan-Iriseatayim.

Ƴɛ̀r-dɩrbɛ 6:34

A Sore Vʋʋrʋ tɩ paal'ɩ a Zedeɔ̃, ʋ pɛblɩ a wɩ́ɛ bʋɔl'ɩ a Aviezɛɛr dɔwlʋ nɩbɛ bɛ tu ʋ.

1 Samɩɛl 11:6

A Sawul na wa wõ a ƴɛ̀r-bie á ŋá a, a Naaŋmɩn Vʋʋrʋ tɩ siw nɩ a ʋ zu daadaalɛ, ɛ́ suur ír ʋ bɛ dɩ vuo ɩ.