Ƴɛ̀r-dɩrbɛ 13:23 - A SƐB-SÕW

²³ Ɛcɛ a ʋ pɔw tɩ yel ʋ na: «A Sore tɩ bɔbr k'ʋʋ ɩ tɩ kpi a, ʋ kʋ̃ʋ tɩ sàw de a tɩ nyɩw-a-za-bàwr, nɩ a tɩ de-kʋ̀b bom ɛ. Ʋ kʋ̃ʋ tɩ ɩ tɩ nyɛ̃ a yele á ŋá za tɩ na nyɛ̃ a ɩ, ʋʋ kʋ̃ʋ tɩ yel a yele á ŋá za tɩ na wõ a ƴɛrɛŋa a kʋ̀ tɩ ɛ.»

Ƴɛ̀r-dɩrbɛ 13:23 ပူးပေါင်းရင်းမြစ်များ

Sɛb-sõw yielu 20:4

Ʋ taa yiire a fʋ de-kʋ̀b-bʋ̃-been bɛrɛ ɩ, ʋ sàw de a fʋ nyɩw-a-za-bagɛ za! Tɛw-àrʋ

Sɛb-sõw yielu 25:14

A Sore mɩ́ yel'ɩ a ʋ yel-sɔwla kʋ̀ a bɛlɩ dem na ƴãwnɛ ʋ a, ʋ mɩ́ ɩ na bɛ bãw a ʋ wõ-taa yel-fɛrɩ.

Sɛb-sõw yielu 27:13

Bʋnʋ bɛ ka be ɩ, ɩ̃ na nyɛ̃ nɩ a Sore nɔ̃wfʋ a nɩ-vʋʋrɩ tẽw pʋɔ.

Sɛb-sõw yielu 86:17

Wul mɛ̃ a fʋ nɔ̃wfʋ bãwfʋ kãw. Lɛ n'a a ɩ̃ bɛ-nɔnbɛ na nyɛ̃ vĩ. Bɛ na nyɛ̃ na k'aa fʋ̃ʋ a, Sore e, fʋ sõwne mɛ̃ na ɛ́ mɔwlɛ mɛ̃.

Zʋkpaɩ 3:32

Bʋ̃ʋ n'ʋ vɛ̃, a Sore bɛ nɔnɛ a nɩ-faa ɩ, ɛcɛ ʋ ɩ n a nɩ-dẽdẽ mɩnɛ bá.

Zã 14:20

A ʋlɩ bibir nɛ a, nyɩ na bãw na k'ɩ̃ɩ lãw nɩ nɩ a ɩ̃ Sãà, kɛ́ nyɩ lãw nɩ mɛ̃ na, ɩ̃ɩ mɩ̀ lãw nɩ nyɩ.

Zã 14:23

A Yeezu tɩ sɔw ʋ na: «Nɩr wa nɔnɛ mɛ̃ a, ʋ na tɛr'ɩ a ɩ̃ ƴɛ̀rʋ vla, a ɩ̃ Sãà na nɔnɛ ʋ na, ɛ́ tɩ na wa na wa kpɩɛr a ʋ sob zie.

Zã 15:15

Ɩ̃ bɛ cãà bʋɔlɛ nyɩ tõ-tõ-biir ɛ, a tõ-tõ-bie na bɛ bãw ʋlɩ bom nɛ a ʋ nɩ-kpɛ̃ɛ na ɩrɛ a ƴãw. Ɩ̃ bʋɔlɛ nyɩ nɩ bárɩ, ɩ̃ na ɩ nyɩ bãw a yele al za a ɩ̃ Sãà na wul mɛ̃ a.

1 Korɛ̃tɩ 12:21

A mimir kʋ̃ tʋ̃ɔ́ yel a nũu: «Ɩ̃ bɛ tɛr fʋ yel-ɩra ɩ», ɛ́ a zu mɩ̀ kʋ̃ tʋ̃ɔ́ yel a gbɛ́ɛ: «Ɩ̃ bɛ tɛr nyɩ yel-ɩra ɩ.»

Ƴɛ̀r-dɩrbɛ 13:24

A pɔw tɩ dɔw nɩ dɛble, por a yúor kɛ́ Samsɔ̃. A dɛble tɩ baa na, ɛ́ a Sore maal'ʋ.