Ƴɛ̀r-dɩrbɛ 10:6 - A SƐB-SÕW

⁶ A Ɩsɩrayɛl nɩbɛ tɩ lɛb'a maal tĩ ɩrɛ a bɛ pɛlɛ a Sore pʋɔ ɩ: bɛ tɩ puor'ɩ a Báàl mɩnɛ nɩ a Asɩtarte mɩnɛ, lãwnɩ a Siiri tẽw dem, nɩ a Sɩdɔ̃ tẽw dem, nɩ Mowab tẽw dem, nɩ a Amɔ̃ tẽw dem, nɩ a Filisɩtɛ̃ mɩnɛ ŋmɩmɛ. Bɛ tɩ zawr'ɩ a Sore bɛr, bɛ cãà puore ʋ ɛ.

Ƴɛ̀r-dɩrbɛ 10:6 ပူးပေါင်းရင်းမြစ်များ

1 Na-mɩnɛ 11:33

Ɩ̃ na ɩ n à à ŋá, a Ɩsɩrayɛl nɩbɛ na zawrɩ mɛ̃ bɛr a ƴãw. Bʋ̃ʋ n'ʋ vɛ̃, bɛ puor'ɩ a Sɩdɔ̃ tẽw dem ŋmɩn-pɔw Asɩtarte, a Mowab tẽw dem ŋmɩn Kemɔsɩ, nɩ a Amɔ̃ tẽw dem ŋmɩn Mɩlkɔm. Bɛ bɛ tu a sɔ́r ɩ̃ na wul bɛ a ɩ, bɛ bɛ ɩ a lɛ na vɩɛl a ɩ̃ zie a ɩ. Bʋ̃ʋ n'ʋ vɛ̃, bɛ bɛ tu a wulu nɩ a tub ɩ̃ na kʋ̀ bɛ a, mɛ̃ a lɛ a Salomɔ̃ sãà Daviir na tɩ tu a ɩ.

1 Na-mɩnɛ 11:5

Ʋ tɩ puor'ɩ a Sɩdɔ̃ tẽw dem ŋmɩn-pɔw Asɩtarte, nɩ a Mɩlkɔm, a Amɔ̃ tẽw dem ŋmɩn-faa na bɛ tɛr yúor póru a.

1 Na-mɩnɛ 11:7

A lɛn daar a, a Salomɔ̃ tɩ cɔbrɩ maalʋ-zie, a tãw na àr tori a Zerizalɛm a zu, a Mowab tẽw dem ŋmɩn-faa faa Kemɔsɩ ƴãw. Ʋ mɩ̀ tɩ ƴãw na bɛ cɔbrɩ a kãw, a Amɔ̃ tẽw dem ŋmɩn-faa faa Mɩlkɔm ƴãw.

1 Na-mɩnɛ 16:31

Ʋ cɔwr'ɩ a Nevatɩ bidɛb Zerobowam yel-bebe, a bɛ saal'ʋ ɛ, ʋ kul Zezabɛl, Sɩdɔ̃ tẽw dem nãà, Ɛtɩbaal, pɔwyaa, ɛ́ puori a ŋmɩn Báàl, gbĩ dume a ʋ niŋé.

2 Na-mɩnɛ 17:16

Bɛ zawr'ɩ a Sore bɛ Naaŋmɩn nɛ-ƴãwnɩ za bɛr, bɛ nyɩl'ɩ kure maal'ɩ náli ayi, bɛ bà n dà-bara, bɛ puor'ɩ a salom zu bʋ̃-nyɩwrɩ za, ɛ́ maalɩ a Báàl.

2 Na-mɩnɛ 23:13

Ʋ tɩ sãw nɩ a maalʋ-ziir, a nãà Salomɔ̃ na tɩ mɛ a Olivʋ tɩɩr tãw saa-pɛrɩ́-dʋrʋ-lowr a, bɛr, a tãw ʋl na àr tori a Zerizalɛm a. A maalʋ-ziir á ŋá tɩ mɛ n a Sɩdɔ̃ tẽw dem ŋmɩn-pɔw-faa faa, Asɩtarte, ƴãwfʋ ƴãw, Mowab tẽw dem ŋmɩn-faa faa, Kemɔsɩ, nɩ a Amɔ̃ tẽw dem ŋmɩn-faa na bɛ tɛr yúor póru a, Mɩlkɔm, ƴãwfʋ ƴãw.

2 Bibie za yel-manɩ 28:23

ʋ tɩ maal'ɩ bagɛ kʋ̀ a Damasɩ tẽw ŋmɩmɛ na tɩ zɛb tʋ̃ɔ́ ʋ a, ɛ́ yel: «A Asiiri tẽw na-mɩnɛ ŋmɩmɛ n'a sõwne bɛ. A na ɩ lɛ a, ɩ̃ mɩ̀ na maal'ɩ bagɛ kʋ̀ a, k'aa tʋ̃ɔ́ mɩ̀ sõw mɛ̃.» Ɛcɛ a ŋmɩmɛ á ŋá n'a nɩ̃ɛ ɩ ʋlɛ nɩ a Ɩsɩrayɛl nɩbɛ za lo.

Sɛb-sõw yielu 106:36

bɛ tɩ maalɛ nɩ a bɛ tɩbɛ, a lɩɛbɩ bɛrɩ a bɛ zie.

Ɩzayi 23:4

Vĩ wɛ, Sɩdɔ̃ i, fʋ̃ʋ na ɩ a kʋ̃ɔ-kpɛ̃ɛ zɛbr-yir-kpɛ̃w a! Bʋ̃ʋ n'ʋ vɛ̃, a kʋ̃ɔ-kpɛ̃ɛ yere na: «Ɩ̃ bɛ wõ pʋ-dɔwra 'wɔbrʋ ɛ, ɩ̃ bɛ dɔw bibiir ɛ, ɩ̃ bɛ guoli pɔ́lɛ́ ɩ, ɩ̃ bɛ wul pɔwsɩrali ɛ.»

Zeremi 2:13

A ɩ̃ nɩbɛ sãw nɩ gb'a ayi: bɛ zawrɩ mɛ̃ na bɛr, a mãa na ɩ a nyɔ-vʋʋrʋ kʋ̃ɔ bul-nʋɔr a, ɛ́ tuw sa-bie-kʋ̃ɔ-bɔwrɩ, bɔw-wɛrɩ na bɛ ganɛ kʋ̃ɔ a.»

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 32:23

Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.

Ezekɩɛl 27:16

A Siiri tẽw dem dàar'ɩ bʋ̃-yaga a fʋ zie, ɛ́ mɩ̀ kʋ̀rɛ fʋ kʋsɛ-bi-nyɩlɩ, gàn-vɩɛlɩ zɩɩr, gàn-mawrɩ, lɛ̃ pɛnɛ, kʋsɛ-bʋʋrɛ kãw bɛ na bʋɔlɛ koraɩ nɩ iribi a.

Wulu-ayi-sob 13:6

A fɛr'a kɛ́ bɛ kʋ a naaŋmɩn-ƴɛ̀r-manɛ ŋa, bɩɩ a yel-nyɛrɛ ŋa, na ƴɛ̀r ƴãw nyɩ bɛr a Sore, a Naaŋmɩn na ɩ nyɩ yi a Eziptɩ, ɛ́ faa nyɩ a gbãgbaalʋ pʋɔ a. A nɩr ŋa tɩ bɔbr'a k'ʋʋ taw nyɩ zãá nɩ a sɔ́r a Sore nyɩ Naaŋmɩn na yel kɛ́ nyɩ tuur a. Nyɩ na ír'ɩ a faalʋ bɛr à à ŋá a nyɩ sɔgɔ.

Wulu-ayi-sob 13:8

A na ɩ n nɩ-bʋʋr-yoru ŋmɩmɛ, nɩ-bʋʋrɛ na pɩɛlɩ nyɩ bɩɩ zãá nyɩ a, ɛ́ jil koli nyɩ a tẽw tib zie tɩ tɔ a baarʋ zie a.

Wulu-ayi-sob 31:16

A Sore tɩ yel'ɩ a Moyiir à ŋá: «Fʋ kʋ̃ yaa kɛ́ kpi cen tɩ páw a fʋ sãà mɩnɛ ɩ. Al pùorí, a Ɩsɩrayɛl nɩbɛ na zɔ na tu ŋmɩn-yoru, a tẽw ʋl pʋɔ bɛ na na kpɛ a ŋmɩmɛ. Bɛ na zawrɩ mɛ̃ na bɛr, sãw a wõ-taa ɩ̃ na maal'ɩ bɛ a bɛr.

Wulu-ayi-sob 31:17

Ɩ̃ na nyɛ̃ nɩ bɛ nɩ suur a al ƴãw, ɩ̃ na jɛ bɛ na bɛr, ɩ̃ na gùr'ɩ pùor cɔw bɛ. Lɛ n'a a nɩ-bʋʋr-yoru na vɔl bɛ. Kpɩɛrʋ nɩ wʋ̀ʋr na lo n bɛ zu. A lɛn daar'a a Ɩsɩrayɛl nɩbɛ na yel bɛ tʋɔra: “A kpɩɛrʋ á ŋá wa páw tɩ a, a tɩ Naaŋmɩn na bɛ cãà be a tɩ sɔgɔ a bɛ n'a so ɩ?”

Wulu-ayi-sob 32:15

A Yesurun na wa kpɛ bɛ́rʋ baar'a, ʋ gaarɩ na. Ʋ na wa kpɛ bɛ́rʋ a, ʋ na wa 'wɔr a, ʋ na wa tɩbrɛ baar'a, ʋ zawr'ɩ a Naaŋmɩn bɛr, a ʋ Íre, ʋ ƴãw nɩ a ʋ pì-kpɛ̃w vĩ, a ʋ faarɛ.

Zozue 13:31

A bɛ zie mɩ̀ cãà tɩ n'ɩ a Galaadɩ tẽw põ-zɛ̃-taa zie, a Asɩtarɔtɩ nɩ a Edɩrɛyɩ tẽ-bɛrɛ, na tɩ dãw ɩ a Basan nãà Ɔgɩ tẽ-bɛrɛ a. A zie ŋa za n'ʋ bɛ tɩ kʋ̀ a Manase bidɛb, Makɩɩr bʋʋrɛ yie põ-zɛ̃-taa zie.

Ƴɛ̀r-dɩrbɛ 10:5

A Yayiir tɩ kpi na, bɛ ũù ʋ Kamon.

Ƴɛ̀r-dɩrbɛ 11:24

Mɛ̃ fʋ taa so a tẽw a fʋ ŋmɩn Kemɔsɩ na kʋ̀ b a? Ɛ́ tɩɩm kʋ̃ so bom nɛ za a Sore tɩ Naaŋmɩn na ɩ tɩ zɛb de a ɩ?

Ƴɛ̀r-dɩrbɛ 13:1

A Ɩsɩrayɛl nɩbɛ tɩ lɛb'a maal tĩ ɩrɛ a bɛ pɛlɛ a Sore pʋɔ ɩ, a Sore de bɛ ƴãw a Filisɩtɛ̃ mɩnɛ nuru pʋɔ, yome lɩz'a ayi.

Ƴɛ̀r-dɩrbɛ 16:23

Bibir kãw, a Filisɩtɛ̃ mɩnɛ nɩ-bɛrɛ tɩ ɓã n taa kɛ́ bɛ maalɩ bàwr kʋ̀ a bɛ ŋmɩn Dagon, ɛ́ maalɩ cuw, bɛ na zɛb tʋ̃ɔ́ a ƴãw. Bɛ tɩ yiele na: «A tɩ ŋmɩn ƴãw nɩ a Samsɔ̃, a Filisɩtɛ̃ mɩnɛ dɔ̃ sob, a tɩ nuru pʋɔ.»

Ƴɛ̀r-dɩrbɛ 3:7

A Ɩsɩrayɛl nɩbɛ tɩ ɩ na a bɛ pɛlɩ a Sore pʋɔ ɩ: bɛ tɩ yiir'ɩ a Sore bɛ Naaŋmɩn bɛr, ɛ́ puore a Báàl mɩnɛ nɩ a Asera mɩnɛ.

Ƴɛ̀r-dɩrbɛ 4:1

A Ehudɩ kũu pùorí a, a Ɩsɩrayɛl nɩbɛ tɩ lɛb'a maal ɩrɛ a bɛ pɛlɛ a Sore pʋɔ ɩ.

Ƴɛ̀r-dɩrbɛ 6:1

A Ɩsɩrayɛl nɩbɛ tɩ lɛb'a maal ɩrɛ a bɛ pɛlɛ a Sore pʋɔ ɩ, a Sore de bɛ ƴãw a Madian tẽw dem nuru pʋɔ, yome ayopõi.

Ƴɛ̀r-dɩrbɛ 8:33

Ɛcɛ a Zedeɔ̃ kũu pùorí a, a Ɩsɩrayɛl nɩbɛ tɩ lɛb'a tĩ puore a Báàl mɩnɛ. Bɛ tɩ de nɩ Báàl-Beritɩ ʋ ɩ a bɛ ŋmɩn,

1 Samɩɛl 5:2

tɩ kpɛ n a bɛ ŋmɩn Dagon yir pʋɔ, bin ʋ kɔwlɩ a bɛ ŋmɩn Dagon.