Ƴɛ̀r-dɩrbɛ 1:27 - A SƐB-SÕW

²⁷ A Manase nɩbɛ bɛ tɩ tʋ̃ɔ́ diw a tẽ-bɛrɛ á ŋá nɩ a tẽ-kpɔwlɩ nɩbɛ ɩ: Bɛtɩ-Sean, Taanakɩ, Door, Yivileam nɩ Megido. A Kanãa tẽw dem tɩ cãà na kpɩɛr a vuo ŋa.

Ƴɛ̀r-dɩrbɛ 1:27 ပူးပေါင်းရင်းမြစ်များ

1 Na-mɩnɛ 9:21

Bɛ tɩ cãà nɩ be, a Ɩsɩrayɛl nɩbɛ na bɛ tɩ tʋ̃ɔ́ kʋ bɛ pàw pɛr a ƴãw. Bɛlɛ nɛbɛ a Salomɔ̃ tɩ ír ƴãw a pɔ̃tɔrɩ tome pʋɔ, bɛ cãà be nɩ dɩ̃a.

2 Na-mɩnɛ 23:29

A ʋ naalʋ-dɩb daar'a a Faarawɔ̃ Neko, a Eziptɩ nãà, tɩ cere a Efaratɩ man lowr k'ʋʋ tɩ sõw a Asiiri tẽw nãà. A nãà Zozɩasɩ tɩ cen na k'ʋʋ tɩ ŋmãa ʋ a sɔ́r. Ɛcɛ a Eziptɩ tẽw nãà na dɛ tɩ nyɛrɛ ʋ wa báarɛ a, ʋ kʋ ʋ nɩ a Megido.

2 Na-mɩnɛ 9:27

A Zuda tẽw nãà na tɩ nyɛ̃ a lɛ a, ʋ zɔ na tu Bɛtɩ-Gan lowr. A Yehu tɩ ta na tu ʋ, ɛ́ yel a bɛlɩ dem na tɩ be a ʋ zie a, kɛ́ bɛ mɩ̀ kʋ a Akazɩasɩ. Bɛ tɩ tɛ ʋ na ƴãw bàalʋ, a ʋ zɛbr-torko zu, a sɔ́r na dúor a Guur a zu, Yivileam tẽw ƴãw. Ɛcɛ ʋ tɩ cãà na zɔ tɩ ta Megido, kpi a be.

Eziptɩ tẽw yib 23:32

Nyɩ kʋ̃ maal'ɩ bɛ wõ-taa kãw za ɩ, ɛ́ mɩ̀ kʋ̃ maal'ɩ a bɛ ŋmɩmɛ ɩ.

Zeremi 48:10

Ŋmɛ-ƴãw, a páw sob nɛ na tone a Sore tome salalala, ɛ́ bɛ sàw a Sore na sãw a Mowab tẽw bɛr a!

Wulu-ayi-sob 7:2

A Sore nyɩ Naaŋmɩn na ƴãw bɛ nɩ a nyɩ nuru pʋɔ, nyɩ na zɛb'a tʋ̃ɔ́ bɛ, ɛ́ a ʋl zũú nyɩ kʋ bɛ pàw pɛr. Nyɩ taa maalɛ nɩ bɛ wõ-taa kãw za ɩ, ɛ́ taa zɔrɛ bɛ nɩbaalʋ ɛ.

Zozue 21:25

A Manase dɔwlʋ ŋmãa zie pʋɔ a, bɛ tɩ páw nɩ tẽ-bɛrɛ ayi: Taanakɩ nɩ a ʋ dʋn mʋ̃ɔ 'wɔbrʋ ziir, nɩ Yivileam nɩ a ʋ dʋn mʋ̃ɔ 'wɔbrʋ ziir.

Ƴɛ̀r-dɩrbɛ 1:1

A Zozue kũu pùorí, a Ɩsɩrayɛl nɩbɛ tɩ sowr'ɩ a Sore à ŋá: «A tɩ pʋɔ a, dɔwlʋ buor sob'ʋ na de niwn do tɩ zɛb'ɩ a Kanãa tẽw dem?»

Ƴɛ̀r-dɩrbɛ 1:21

A Bɛ̃zamɛ dɔwlʋ bʋʋrɛ bɛ tɩ tʋ̃ɔ́ diw a Zebizitɩ mɩnɛ na kpɩɛr a Zerizalɛm a ɩ, bɛ tɩ lãwnɩ nɩ a Bɛ̃zamɛ dɔwlʋ bʋʋrɛ kpɛ a Zerizalɛm wa tɔ a dɩ̃a.

Ƴɛ̀r-dɩrbɛ 1:26

A nɩr nɛ tɩ cen nɩ Hititɩ mɩnɛ tẽw tɩ ŋmãa tẽ-kpɛ̃ɛ a be, por a yúor kɛ́ Luuzɩ. A tẽw nɛ yúor cãà n'ɩ a lɛ a dɩ̃a.

Ƴɛ̀r-dɩrbɛ 1:28

A Ɩsɩrayɛl nɩbɛ na saa wa kpɛmɛ a, bɛ bɛ tɩ tʋ̃ɔ́ diw bɛ ɩ, gbãgba-tome n'a bɛ tɩ ƴãw bɛ tone.

Ƴɛ̀r-dɩrbɛ 5:19

A na-mɩnɛ na ɩ dɔ̃ dem a, a Kanãa tẽw na-mɩnɛ ìr'a ŋmãa nɩ a Taanakɩ zɛbr, a Megido bàrʋ nʋɔr, ɛcɛ bɛ bɛ páw zɛbr bom za ɩ, bɛ bɛ páw libir ɛ!

1 Samɩɛl 15:9

Ɛcɛ a Sawul nɩ a ʋ sojarɩ tɩ bɛr'ɩ a Agagɩ nɩ a dʋn pʋɔ dʋ̃-vɩɛlɩ vɩɛlɩ, a nĩi nɩ a píir, a dʋ̃-kpɛn nɩ a péli, nɩ a bʋ̃-vɩɛlɩ za, bɛ bɛ tɩ sàw sãw a bɛr ɛ. Ɛcɛ a al za na bɛ tɩ tɛr pɛr a, bɛ tɩ sãw a na bɛr pẽlẽpẽlẽ.

1 Samɩɛl 31:10

Al pùorí bɛ tɩ ƴãw nɩ a Sawul zɛbr bome a Asɩtarte mɩnɛ yir pʋɔ, ɛ́ kpa a Sawul kũu yawlɩ a Bɛtɩ-Sean dacin zu.