Ƴɛ̀r-dɩrbɛ 1:2 - A SƐB-SÕW

² A Sore sɔw: «Zuda dɔwlʋ n'ʋ, ɩ̃ de nɩ a tẽw ƴãw a ʋ nuru pʋɔ.»

Ƴɛ̀r-dɩrbɛ 1:2 ပူးပေါင်းရင်းမြစ်များ

Sɔr-nɛ́ɛ 2:3

A saa-pɛrɩ́ a, a na ɩ n a zɛbr-nɩbɛ nɩ-pɛ́ɛ na ɓã taa jil koli a Zuda dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Zuda dɔwlʋ nɩ-kpɛ̃ɛ: Aminadab bidɛb, Nason.

Sɔr-nɛ́ɛ 7:12

Bɛ tɩ wa na tu taa à ŋá: Bibi-dãw-niwn sob: Aminadab bidɛb, Nason, na yi Zuda dɔwlʋ pʋɔ a. Bibie ayi sob: Suwaar bidɛb, Netanɛl, na yi Ɩsakaar dɔwlʋ pʋɔ a. Bibie ata sob: Helon bidɛb, Eliyaavʋ, na yi Zabulɔ̃ dɔwlʋ pʋɔ a. Bibie anaar sob: Sedewuur bidɛb, Elisuur, na yi Urubɛn dɔwlʋ pʋɔ a. Bibie anũu sob: Suurisadaɩ bidɛb, Selumiyɛl, na yi Sɩmɩ̃ɔ dɔwlʋ pʋɔ a. Bibie ayʋɔb sob: Dewuyɛl bidɛb, Eliyasafʋ, na yi Gadɩ dɔwlʋ pʋɔ a. Bibie ayopõi sob: Amihudɩ bidɛb, Elisama, na yi Efarayim dɔwlʋ pʋɔ a. Bibie ani sob: Pedasuur bidɛb, Gamaliyɛl, na yi Manase dɔwlʋ pʋɔ a. Bibie piwaɩ sob: Gideoni bidɛb, Avidan, na yi Bɛ̃zamɛ dɔwlʋ pʋɔ a. Bibie pie sob: Amisadaɩ bidɛb, Ahiezɛɛr, na yi Dan dɔwlʋ pʋɔ a. Bibie pie nɩ been sob: Okiran bidɛb, Pagiyel, na yi Asɛɛr dɔwlʋ pʋɔ a. Bibie pie nɩ ayi sob: Einan bidɛb, Ahira, na yi Nɛfɩtali dɔwlʋ pʋɔ a. Bʋ̃-kʋ̀rɩ á ŋá n'a ŋa za mɩ́ tɩ wa n: — salm-pla tasa na tɩbrɛ man gɩram túr dɔwlɩ kɔbr ata (1 300) a, nɩ salm-pla kole na tɩbrɛ man gɩram kɔbr ayopõi (700) a, a zɩ̃ɩ ƴãwfʋ ƴãw, ɛ́ a gɩram á ŋá tu a tɩbrʋ bʋ̃-mána mã bɛ na tɛr manɛ nɩ a zi-sõw pʋɔ a. A bome ayi á ŋá tɩ paal'ɩ zɔ̃ bɛ na naw nɩ a kãá a kukur bome de-kʋ̀b ƴãw a. — Salm-zɩɛ koli-nyúura na tɩbrɛ man gɩram kʋba (100) a, ɛ́ paalɩ parfɛ̃ a nyɩwfʋ ƴãw. — Nadɛr, pʋ́ra nɩ yũon-been pele nyɩw-a-za-bagɛ maalʋ ƴãw. Bʋra, yel-bier ír-bɛrʋ bàwr maalʋ ƴãw. — Nĩi ayi, pʋ́rɩ anũu, bʋrɩ anũu nɩ yũon-been peli anũu, lãw-taa bagɛ maalʋ ƴãw.

Ebre 7:14

Nɩbɛ za bãwnɩ a na ʋ na ɩ Zuda dɔwlʋ nɩr a, a dɔwlʋ ŋa ƴãw Moyiir na bɛ yel yel za, a lɛ ʋ na tɩ ƴɛ̀rɛ a bàwr-maalbɛ ƴɛ̀rʋ a.

Zozue 2:24

Bɛ tɩ yel ʋ na: «Sɩza n'a, a Sore de nɩ a tẽw za ƴãw a tɩ nuru pʋɔ. A tẽw nɩbɛ za màwr'ɩ a tɩ niŋé.»

Yel-wula 5:5

Lɛ n'a a nɩ-kore ƴen sob tɩ yel mɛ̃: «Ta kone ɩ. Nyɛ̃, a Zuda dɔwlʋ gbẽw, a nãà Daviir bie zɛb'a tʋ̃ɔ́, ʋ na 'lawr'ɩ a sɩ-suur ayopõi ɛ́ yuo a sɛbɛ.»

Ƴɛ̀r-dɩrbɛ 1:3

A Zuda yɛb tɩ n'ɩ a Sɩmɩ̃ɔ. Lɛ n'a a Zuda dɔwlʋ nɩbɛ tɩ yel a Sɩmɩ̃ɔ dɔwlʋ nɩbɛ: «Nyɩ wa tɩ cen tɩ zɛb de a zie bɛ na ŋmɛ a gbãw ír kʋ̀ tɩ a, nyɩ wa tɩ lãw taa zɛb'ɩ a Kanãa tẽw dem! Ɛ́ a pùorí tɩ mɩ̀ páw nyɩ cen tɩ zɛb de a nyɩ zie.» A Sɩmɩ̃ɔ dɔwlʋ nɩbɛ tɩ páw nɩ a Zuda dɔwlʋ nɩbɛ

Ƴɛ̀r-dɩrbɛ 20:18

A Ɩsɩrayɛl nɩbɛ tɩ cen nɩ a Betɛl tɩ sowri a Naaŋmɩn à ŋá: «Dɔwlʋ buor sob'ʋ na de niwn cen tɩ zɛb'ɩ a Bɛ̃zamɛ dɔwlʋ nɩbɛ?» A Sore sɔw: «Zuda dɔwlʋ n'ʋ na de niwn cen.»