Ƴɛ̀r-dɩrbɛ 1:19 - A SƐB-SÕW

¹⁹ A Sore tɔr za tɩ be n a bɛ zie bɛ zɛb de a tan vuo. Ɛcɛ bɛ bɛ tɩ tʋ̃ɔ́ diw a zi-tɩ̃talɛ pʋɔ nɩbɛ ɩ, bʋ̃ʋ n'ʋ vɛ̃, a nɩbɛ bɛ ŋa tɩ tɛr'ɩ kure zɛbr-torkori.

Ƴɛ̀r-dɩrbɛ 1:19 ပူးပေါင်းရင်းမြစ်များ

Yele-za-pɛr-tib 39:2

A Sore tɩ be n a Zuzɛb zie, bom za tuur ʋ. A Zuzɛb tɩ kpɩɛr'ɩ a ʋ nɩ-kpɛ̃ɛ na ɩ a Eziptɩ tẽw nɩr a yir.

Yele-za-pɛr-tib 39:21

Ɛcɛ a be mɩ̀ a, a Sore tɩ be n a ʋ zie, ɛ́ wul ʋ a ʋ nɔ̃wfʋ. Ʋ tɩ ɩ na a gaso-gùrbɛ nɩ-kpɛ̃ɛ nɔ̃w a ʋ yele.

2 Samɩɛl 5:10

À ŋá n'a a Daviir tɩ tɛrɛ fãw dɔwlɛ, a Sore, a Kpɛnʋ-za-sob na tɩ be a ʋ zie a ƴãw.

2 Na-mɩnɛ 18:7

A Sore tɩ be n a Ezekɩasɩ zie, kɛ̀ bom za ʋ na ɩrɛ a tuur ʋ. A Ezekɩasɩ bɛ tɩ cãà sàw a Asiiri tẽw nãà nɩ-kpɛ̃ɛnʋ a ʋ zu ɛ, bɛ cãà sàw ʋ so ʋ ɛ.

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

Sɛb-sõw yielu 46:7

Nɩ-bʋʋrɛ ɩrɛ nɩ gɔmɛ, naalʋ-ten lore, ɛcɛ Naaŋmɩn ƴɛ̀r'a, a kɔkɔr yi, a tẽw nyɩl.

Sɛb-sõw yielu 46:9

Nyɩ wa bɛl a Sore tome ʋ na tõ a kaa, a pʋl-vʋ̃ɔ yele ʋ na maalɩ a tẽw zu a:

Sɛb-sõw yielu 60:12

a bɛ ɩ a fʋ̃ʋ, Naaŋmɩn! Ɛcɛ fʋ jɛ tɩ na bɛr, fʋ bɛ cãà bɩɛlɛ a tɩ zɛbr-nɩbɛ ɩ.

Ekilezɩasɩ 9:11

Ɩ̃ lɛb'a nyɛ̃ yele a mɩnɛ a tẽw zu ka. A bɛlɩ dem na tʋ̃ɔ́ a zɔba a bɛ nɛbɛ mɩ́ zɔ páw kʋralɛ ɩ. A gãdaar bɛ nɛbɛ mɩ́ zɛb tʋ̃ɔ́ kʋralɛ ɩ. Kʋralɛ bɛ n'a a yã-bãwnbɛ mɩ́ páw a bɛ dɩb mɔlɛ lɛ ɩ. Kʋralɛ bɛ n'a a yã sob mɩ́ kpɛ a naalʋ ɛ. Kʋralɛ bɛ n'a a bãw-bãwnbɛ mɩ́ páw a ƴãwfʋ ɛ. Bʋ̃ʋ n'ʋ vɛ̃, a zu-nʋ̃ɔ̀ nɩ a zu-bio mɩ́ ta n bɛ za.

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Ɩzayi 8:10

Nyɩmɛ nɔ̃w nyɩ tɩɛrɩ yele bin, a na wɛl'a yaarɩ. Nyɩ ŋmɛ a nɔkpɛn bin a lɛ nyɩ na na ɩ a ƴãw, a kʋ̃ nyɔw ɛ. Bʋ̃ʋ n'ʋ vɛ̃, a Naaŋmɩn be n tɩ zie.

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

Filib 4:13

Ɩ̃ mɩ́ tʋ̃ɔ́ nɩ bom za, a Kɩrɩta na kʋ̀rɛ mɛ̃ a fãw a zũú.

Zozue 1:5

A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»

Zozue 14:12

A na ɩ à ŋá a, kʋ̀ m a tãw vuo ŋa, a Sore na tɩ ƴɛ̀r a ƴɛ̀rʋ a ʋlɩ bibir nɛ a, bʋ̃ʋ n'ʋ vɛ̃, fʋ mɩŋa za tɩ wõ n a ʋlɩ bibir nɛ, kɛ́ Anakɩ bʋʋrɛ nɛbɛ be a be, kpɩɛr tẽ-bɛrɛ nɩ tẽ-kpɛn kpɛn pʋɔ. A mɩnɛ kãw, a Sore na be n a ɩ̃ zie, ɩ̃ɩ na zɛb'a de a, mɛ̃ a lɛ a Sore na tɩ yel kʋ̀ m a.»

Zozue 6:27

A Sore tɩ be n a Zozue zie, ɛ́ a Zozue yúor yi a tẽw za pʋɔ.

Zozue 7:12

A na ɩ à ŋá a, a Ɩsɩrayɛl nɩbɛ kʋ̃ lɛb tʋ̃ɔ́ bà gbɛ́r a bɛ dɔ̃ dem niŋé ɩ, bɛ na mɩ́ lɩɛb'a zɔ, bʋ̃ʋ n'ʋ vɛ̃, bɛ ɩ n nɩbɛ bɛ na na kʋ pàw pɛr a. Nyɩmɛ bɛ wa sãw a bome ɩ̃ na yel kɛ́ nyɩ taa dier a bɛr a nyɩ sɔgɔ a, ɩ̃ kʋ̃ cãà be a nyɩ zie ɩ.

Ƴɛ̀r-dɩrbɛ 1:2

A Sore sɔw: «Zuda dɔwlʋ n'ʋ, ɩ̃ de nɩ a tẽw ƴãw a ʋ nuru pʋɔ.»

Ƴɛ̀r-dɩrbɛ 4:13

Lɛ n'a a Sɩsera tɩ ɓã a ʋ kure zɛbr-torkori túr vʋ̃ɔ kʋba (900) taa, nɩ a ʋ nɩbɛ, yi n a Harɔsɛtɩ-Goyim, cen nɩ a Kison bà-fʋɔlá.

Ƴɛ̀r-dɩrbɛ 4:3

A Sɩsera tɩ tɛr'ɩ kure zɛbr-torkori túr vʋ̃ɔ kʋba (900), ɛ́ tɩ dɔwrɩ a Ɩsɩrayɛl nɩbɛ yaga yaga yome lɩzɛr. Lɛ n'a a Ɩsɩrayɛl nɩbɛ tɩ kõ bʋɔlɩ a Sore k'ʋʋ wa faa bɛ.

1 Samɩɛl 18:12

A Sawul tɩ zɔ n a Daviir dɛ̃bɩ̃ɛ, bʋ̃ʋ n'ʋ vɛ̃, ʋ tɩ nyɛ̃ na k'aa Sore bɛr ʋ na, ɛ́ be a Daviir zie.

1 Samɩɛl 18:14

ɛ́ kʋralɛ ʋ na mɩ́ tɩ yi a zɛbr a, ʋ mɩ́ zɛb'a tʋ̃ɔ́, bʋ̃ʋ n'ʋ vɛ̃, a Sore tɩ be n a ʋ zie.

1 Samɩɛl 18:5

Zie nɛ za a Sawul na mɩ́ tɩ tõ a Daviir a zɛbr a, ʋ mɩ́ tɩ zɛb'a tʋ̃ɔ́. Lɛ so a Sawul tɩ ƴãw ʋ ɩ a zɛbr-nɩbɛ nɩ-kpɛ̃ɛ. A sojarɩ za tɩ lãwnɩ a sojarɩ nɩ-bɛrɛ tɩ nɔnɛ ʋ na.