Ƴɛ̀r-dɩrbɛ 1:15 - A SƐB-SÕW

¹⁵ Ʋ sɔw: «Sàw maalɩ yel-vla kʋ̀ m! Kʋ̀ m kʋ̃ɔnɩ ziir, bʋ̃ʋ n'ʋ vɛ̃, a vuo fʋ na kʋ̀ m a saa-pɛrɩ́-dʋrʋ-lowr a ɩ n zi-kõw.» A Kalɛb tɩ kʋ̀ ʋ nɩ a bul-nɛ́ɛ na be a tẽw saa-zu nɩ a pɛrɩ́ a.

Ƴɛ̀r-dɩrbɛ 1:15 ပူးပေါင်းရင်းမြစ်များ

Yele-za-pɛr-tib 33:11

A lɛ pʋɔ a, sàw de a bom ɩ̃ na tõ kɛ́ bɛ wa kʋ̀ b a, bʋ̃ʋ n'ʋ vɛ̃, Naaŋmɩn maalɩ mɛ̃ na, ɩ̃ɩ tɛr'ɩ bom za a man mɛ̃.» A Zakɔb tɩ fɛr ʋ na ʋ wa tɩ sàw de,

2 Korɛ̃tɩ 9:5

Alɛ so ɩ̃ nyɛ̃ k'aa fɛr'a, k'ɩ̃ɩ zɛlɩ yɛbr bɛ de tɩ niwn a nyɩ zie wa cɔbrɩ a nyɩ sõwfʋ bʋ̃-tɩrɩ, nyɩ na yel kɛ́ nyɩ na tɩr a a. Mãa wa ta a, a na cɔbr'a baarɩ, lɛ n'a a na wul kɛ́ nyɩ tɩrɛ na nɩ pʋ-pla, kɛ́ nyɩ bɛ kpɛ mimir a tɩrʋ ƴãw ɛ.

Ebre 6:7

Tẽsɔw saa na waar ƴãwn kʋralɛ, ʋʋ búle bʋ̃-buli na tɛr yel-ɩra a bɛlɩ dem na ƴãw bɛ kʋɔr ʋ a zie a, Naaŋmɩn mɩ́ maalɛ ʋ na.

Zozue 15:19

Ʋ sɔw: «Sàw maalɩ yel-vla kʋ̀ m! Kʋ̀ m kʋ̃ɔnɩ-ziir, bʋ̃ʋ n'ʋ vɛ̃, a vuo fʋ na kʋ̀ m a saa-pɛrɩ́-dʋrʋ-lowr a ɩ n zi-kõw.» A Kalɛb tɩ kʋ̀ ʋ nɩ bul-nɛ́ɛ na be a tẽw saa-zu nɩ a pɛrɩ́ a.

1 Pɩɛr 3:9

Nyɩ ta mɩ́ yáa a yel-faa san ɛ, bɩɩ yáa a zʋm san ɛ. Nyɩ nɩ̃ɛ mɩ́ ƴɛ̀r nɔ-vla, bʋ̃ʋ n'ʋ vɛ̃, maalʋ n'ʋ a Naaŋmɩn yel k'ʋʋ na kʋ̀ nyɩ na, a lɛn daar ʋ na bʋɔlɩ nyɩ a.

Ƴɛ̀r-dɩrbɛ 1:14

A Akɩsa na tɩ tarɛ a Otɩnɩɛl zie wa báarɛ a, ʋ yel ʋ na k'ʋʋ zɛlɩ púo a ʋ sãà zie. Al pùorí ʋ siw a ʋ bõw zu, a Kalɛb sowr'ʋ: «Bʋ̃ʋ n'ʋ fʋ bɔbr?»

Ƴɛ̀r-dɩrbɛ 1:16

A Kenitɩ mɩnɛ na ɩ a Moyiir dɩɛm nɩbɛ a tɩ yi n a Kpãkparmɛ tɩɩr tẽw, ɛ́ páw a Zuda dɔwlʋ nɩbɛ cen a Zuda wɛja-kpalɛ pʋɔ na be a Aradɩ tẽw saa-pɛrɩ́-dʋrʋ-lowr a. Bɛ tɩ cen na tɩ kpɩɛr a Amalesitɩ mɩnɛ pʋɔ.

1 Samɩɛl 25:18

Lɛ n'a a Avigayil tɩ ìr fɔ̃wlɛ, de dipɛ̃ kɔbr ayi (200), divɛ̃ nɩ wɔ-gban ayi, kʋ píir anũu maalɩ, de nɩ bʋ̃-bie na sɛ̃ a peli nɛ́ɛ anũu, nɩ divɛ̃ tɩ-wɔ̃-kon cãacule kʋba (100), nɩ kãkamɛ gatori kɔbr ayi (200), de a za tuo bòn,

1 Samɩɛl 25:27

Sàw de a ƴãwfʋ bome á ŋá ɩ̃ na kʋ̀rɛ fʋ kɛ́ fʋ de kʋ̀ a pɔ́lɛ́ na bɩɛlɛ fʋ a.