Yel-wula 9:17 - A SƐB-SÕW

¹⁷ A ɩ̃ yel-nyɛra pʋɔ a, à ŋá n'a a wie nɩ a zɔmnbɛ tɩ sãá: bɛ tɩ su n kure nyãa-kpali na mʋ̃ɔ mɛ̃ vũu a, a mɩnɛ ɩ sɛblɛ mɛ̃ kʋsɛ-bi-nyɩla kãw bɛ na bʋɔlɛ safɩɩr a, ɛ́ a mɩnɛ ɩ dʋɔr mɛ̃ cirbi a. A wie zuru tɩ ɩ na mɛ̃ gben zuru a, ɛ́ a nɛ́ɛ owr vũu, zʋ̀ʋ́r nɩ cirbi.

Yel-wula 9:17 ပူးပေါင်းရင်းမြစ်များ

Yele-za-pɛr-tib 19:24

A lɛ n'a a Sore tɩ ɩ cirbi nɩ vũu yi a salom zu siw a Sodɔm nɩ a Gomɔɔr zu mɛ̃ saa a.

1 Bibie za yel-manɩ 12:8

nɩ Gedɔɔr tẽw Yeroham bidɛbr Yowela nɩ Zevadɩa.

Sɛb-sõw yielu 11:6

Ʋ ɩ yel-faa saa ʋ pɔb a nɩ-faar: cirbi vũu nɩ saa-sɛsɛb, alɛ n'a gùre bɛ.

Ɩzayi 30:33

Bɛ cɔbr'ɩ vũu bɛr koro za. A nãà ƴãw mɩ̀ n'a. Bɔw na yɛlmɛ ɛ́ zulme a pɛrɩ́ n'a bɛ ƴãw dàar yaga viiri koli a vũu ƴãw. A Sore nʋɔr pɩɛlʋ na ɩ mɛ̃ cirbi vũu-kpɛ̃ɛ a na ƴãw nɩ a vũu.

Ezekɩɛl 33:22

A zaanʋɔra, ʋ na bɛ tɩ ta sɛr a, a Sore tɩ ɩ na k'ɩ̃ lɛb ƴɛ̀rɛ, ʋʋ wul mɛ̃ a ʋ kpɛnʋ. A nɩr ŋa na tɩ ta a bio daarɩ́ biɓaara a, ɩ̃ bɛ tɩ cãà ɩ a nɩ-gbili ɛ, ɩ̃ tɩ tʋɔr'a ƴɛ̀rɛ.

Yel-wula 11:5

Nɩr wa bɔbr k'ʋʋ mal bɛ a, vũu mɩ́ yi n a bɛ nʋɔrɩ́ dɩ a bɛ dɔ̃ dem. À ŋá n'a nɩr za na bɔbr k'ʋʋ mal bɛ a na kpi.

Yel-wula 14:10

ʋ mɩ̀ na nyũ n a Naaŋmɩn suur divɛ̃, divɛ̃ bɛ na bɛ pili ɛ́ cir ƴãw a ʋ suur koli-nyúura pʋɔ a, ɛ́ a nɩbɛ bɛ ŋa taabɛ na wone nɩ tuo a vũu nɩ a cirbi pʋɔ, a malkɩ son nɩ a Pele niŋé.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.

Yel-wula 21:20

onisɩ a anũu sob ƴãw, sardʋan a ayʋɔb sob ƴãw, kirizolitɩ a ayopõi sob ƴãw, beril a ani sob ƴãw, topaazʋ a piwaɩ sob ƴãw, kirizopʋrazɩ a pie sob ƴãw, tɩrkʋazɩ a pie nɩ been sob ƴãw, ametisɩ a pie nɩ ayi sob ƴãw.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

Yel-wula 9:18

A bʋ̃-faar á ŋá ata: a vũu, a zʋ̀ʋ́r nɩ a cirbi, na tɩ yire a wie nɛ́ɛ pʋɔ a tɩ kʋ n a nɩsaalbɛ na põ ziir ata a zi-been dem.

Yel-wula 9:9

A mɩ́ tɩ ɩ na mɛ̃ kure kparʋ n'ʋ a su pàw a nyãa a, ɛ́ a pɩgɛ gɔmɛ mɩ́ tɩ ɩ mɛ̃ wi-yaga zɛbr-torkori gɔmɛ a na tawr zɔrɛ nɩ zɛbr zie a.