Yel-wula 8:7 - A SƐB-SÕW

⁷ A dãw-niwn sob tɩ pɛbl'ɩ a ʋ wɩ́ɛ. Sa-bi-kube nɩ vũu na jɛr zɩ̃ɩ a tɩ lo n a tẽw zu. A tẽw na põ ziir ata a zi-been tɩ dɩ n vũu. A tɩɩr na põ ziir ata a zi-been mɩ̀ tɩ dɩ n vũu, lãwnɩ a mɔ̃-ɓaar za.

Yel-wula 8:7 ပူးပေါင်းရင်းမြစ်များ

Sɛb-sõw yielu 105:32

Sa-bi-kube n'a ʋ ƴãw a lɩɛrɩ a saa lo, saa vũu n'a ʋ ƴãw a nyɔw a tẽw za.

Eziptɩ tẽw yib 9:33

A Moyiir tɩ yi n a Faarawɔ̃ zie, ɛ́ cen yi a tẽw pʋɔ. Ʋ tɩ tùr'ɩ a nuru cɔw a Sore, zɛlɩ ʋ. Lɛ n'a a saa bɛ tɩ cãà tanɛ ɩ, ɛ́ a sa-bi-kube nɩ a saa bɛ cãà lore ɩ.

Ɩzayi 28:2

A Sore nɩr kãw n'ɩ ŋan na kpɛmɛ ɛ́ tʋ̃ɔ́ bom za a. Ʋ ŋmɛ̃ na taa nɩ sa-bi-kube saa, ʋ ŋmɛ̃ na taa nɩ saa nɩ sɛsɛb na sãwnɛ bom za a, ʋ ŋmɛ̃ na taa nɩ saa na waar gbʋrʋgbʋrʋ a kʋ̃ɔnɩ paalɩ pàw bom za a. Ʋ na gaal'ɩ bom za tẽw nɩ fãw.

Ɩzayi 29:6

a Sore, a kpɛnʋ-za-sob wa a fʋ maalʋ ƴãw, saa tanʋ, tẽsɔw damnʋ, gɔmɛ na pàw kpɛ̃w kpɛ̃w za a, sɛsɛb-pɩl-kpɛ̃ɛ, saa nɩ sɛsɛb, nɩ vũu-zɛlɛ na dɩrɛ a pʋɔ.

Ɩzayi 30:30

A Sore na ɩ na bɛ wõ a ʋ kɔkɔ-kpɛ̃w, ɛ́ bɛ na nyɛ̃ nɩ a ʋ kpãkpãw na siwr a ŋmɛb ƴãw a. Ʋ na wul'ɩ a ʋ suur na bɛ dɩ̃ɛnɛ a, vũu-zɛlɛ na dɩrɛ a pʋɔ, lãwnɩ saa na waar'ɩ sɛsɛb nɩ sa-bi-kube saa a.

Ɩzayi 32:19

Sa-bi-kube na lo n a tuw zu, ɛ́ a tẽ-kpɛ̃ɛ lo.

Ezekɩɛl 38:22

Ɩ̃ na dɔwrɩ fʋ na nɩ jɛ̀lmɛ̃ bàalʋ na nyɔwr nɩbɛ lʋɔrɛ a, ɛ́ bɛr fʋ fʋ kpi zɛbr zie. Ɩ̃ na ɩ na sa-zʋba mĩ, sa-bi-kube lo, cirbi na nyɔw vũu a siw a fʋ zu, a fʋ zɛbr-nɩbɛ zu nɩ a nɩ-bʋʋr-yaga na lãwnɩ fʋ a zu.

Zakɩ 1:11

A mʋ̃tɔ̃w pur'a, a tʋlʋ dɩ a mʋ̃ɔ a ko, a puuru kpa lo ɛ́ a mʋ̃ɔ vɩɛlʋ baarɩ. À ŋá n'a a tɛra sob yele mɩ̀ na baarɩ a ʋ tõ-toni za pʋɔ.

Zozue 10:11

A Amoritɩ mɩnɛ na tɩ zɔrɛ a Ɩsɩrayɛl nɩbɛ niŋé, wa yi a Bɛtɩ-Horon siwr a, a Sore tɩ ɩ na sa-bi-ku-bɛrɛ yi a salom zu lɔb lɔb bɛ, tɩ ta n a Azeka. A bɛl a sa-bi-ku-bɛrɛ na tɩ kʋ a tɩ zuo nɩ a bɛl a Ɩsɩrayɛl nɩbɛ na tɩ kʋ n a zɛbr-sɔ-kpɛ̃ɛ a.

1 Pɩɛr 1:24

Bʋ̃ʋ n'ʋ vɛ̃, bɛ sɛb'a: «Nɩsaal za ŋmɛ̃ na mɛ̃ mʋ̃ɔ a, ɛ́ a ʋ yúor na yi a ŋmɛ̃ mɛ̃ mɔ̃-puuru a: a mʋ̃ɔ mɩ́ ko na, ɛ́ a puuru kpa lo,

Yel-wula 12:4

A salom zu ŋmar-bie na põ ziir ata a, ʋ tɩ pɩɩr'ɩ a zi-been dem lɔb a tẽw zu nɩ a ʋ zʋʋr. Ʋ tɩ àr'ɩ a pɔw na dɔwr a niŋé, kɛ́ ʋlɛ wa dɔwr a ʋ bie wa báarɛ a, ʋ̃ʋ nyɔw vɔl.

Yel-wula 16:2

A malkɩ dãw-niwn sob tɩ cen na tɩ cir a ʋ dem ƴãw a tẽw zu. Natɩ-faar na 'wɔbr a tɩ tɛ n a nɩbɛ bɛl na tɛr a dʋ̃w bãwfʋ ɛ́ gbine dume puore a ʋ dasule a.

Yel-wula 16:21

Sa-bi-ku-bɛrɛ na tɩbrɛ bɛ dɩ vuo a tɩ yi n a salom zu ɛ́ lore a nɩsaalbɛ zu. A nɩsaalbɛ tɩ tʋʋr'ɩ a Naaŋmɩn a sa-bi-kube dɔwrʋ ƴãw, bʋ̃ʋ n'ʋ vɛ̃, a dɔwrʋ ŋa tɩ sɩrɩ na kpɛ kpɛ̃ɛ bɛ dɩ vuo ɩ.

Yel-wula 6:8

Ɩ̃ tɩ jɩ́r'a nyɛ̃ wur na sɔb mɛ̃ va-sɛbla a. A ʋ zɔmnɛ dɩ na kɛ́ Kũu, ɛ́ a kpɩmɛ tẽw tɩ tuur ʋ. Bɛ tɩ kʋ̀ a nɩ fãw a tẽw ziir anaar sob zu, k'aa kʋrɛ a nɩbɛ nɩ a zɛbr-sɔ-kpɛ̃ɛ, nɩ a kɔ̃, nɩ a bàal-faar nɩ a tẽw zu wɛ-dʋ̃-faar.

Yel-wula 7:1

À á ŋá pùorí, ɩ̃ tɩ nyɛ̃ nɩ malkɩ anaar bɛ àr a tẽw gõgone anaar ƴãw. Bɛ tɩ nyɔw nɩ a tẽw sɛsɛbr anaar tɛr, kɛ́ sɛsɛb za taa fure a tẽw zu, a kʋ̃ɔ-kpɛ̃ɛ zu nɩ tɩɛ kãw za zu ɛ.

Yel-wula 9:15

Bɛ tɩ cɛ̀r'ɩ a malkɩ mɩnɛ anaar bɛr na tɩ cɔbrɩ gù a tɛm, a bibir, a cuw nɩ a yũon bɛ na na kʋ a nɩsaalbɛ na põ ziir ata a zi-been dem a.

Yel-wula 9:18

A bʋ̃-faar á ŋá ata: a vũu, a zʋ̀ʋ́r nɩ a cirbi, na tɩ yire a wie nɛ́ɛ pʋɔ a tɩ kʋ n a nɩsaalbɛ na põ ziir ata a zi-been dem.

Yel-wula 9:4

Bɛ tɩ yel a na k'aa taa wa ɩrɛ mʋ̃ɔ kãw za, nɩ váar kãw za, nɩ tɩɛ kãw za bom ɛ, ɛcɛ, a ɩrɛ a kpɩɛr a nɩsaalbɛ bɛl na bɛ tɛr a Naaŋmɩn bãwfʋ a bɛ gbẽé a.