Yel-wula 8:5 - A SƐB-SÕW

⁵ Lɛ n'a a malkɩ tɩ de a tɩ-suur-zɔ̃-na-nyùur-vla-vla-a bʋ̃-nyɩ̀wrá mʋ̃ɔ a vũu a bàwr-maal-kuur zu paalɩ ɛ́ lɔb bɛr a tẽw zu. A tɩ ɩ n saa tanʋ, kɔkɛɛ gɔmɛ, saa-nyɩwrʋ nɩ tẽsɔw kɔbr damnʋ.

Yel-wula 8:5 ပူးပေါင်းရင်းမြစ်များ

1 Na-mɩnɛ 19:11

A Sore yel ʋ: «Yi àr a tãw zu, a ɩ̃ niŋé, ɩ̃ na tɔl'a.» Daadaalɛ, sɛsɛb-kpɛ̃ɛ tɩ fu n nɩ fãw, a tan ɓárɛ́ ɛ́ a pìe pure a Sore niŋé, ɛcɛ a Sore bɛ tɩ be a sɛsɛb pʋɔ ɩ. A sɛsɛb pùorí a, a tẽsɔw-kɔbr tɩ dam'a, ɛcɛ a Sore bɛ tɩ be a tẽsɔw-kɔbr damnʋ pʋɔ ɩ.

Sɛb-sõw yielu 18:13

Cãà tɩ de ʋ nɩ niwn ɛ́ a zũzuge zɔrɛ tɔlɛ, sa-bi-kube nɩ vũu-bi-cõcole.

Eziptɩ tẽw yib 19:16

A deyere daarɩ́ biɓaara a, a saa tɩ tanɛ na, ɛ́ nyɩwrɛ, ɛ́ zʋ̀ʋr-sɛbla tɩ pàw a tãw. Ɩɩl mɩ̀ tɩ pɛblɛ nɩ kpɛ̃w kpɛ̃w za. Dɛ̃bɩ̃ɛ tɩ nyɔw nɩ a nɩbɛ a pɛnɛ-sɛwr pʋɔ, bɛ màwr.

Ɩzayi 29:6

a Sore, a kpɛnʋ-za-sob wa a fʋ maalʋ ƴãw, saa tanʋ, tẽsɔw damnʋ, gɔmɛ na pàw kpɛ̃w kpɛ̃w za a, sɛsɛb-pɩl-kpɛ̃ɛ, saa nɩ sɛsɛb, nɩ vũu-zɛlɛ na dɩrɛ a pʋɔ.

Ɩzayi 30:30

A Sore na ɩ na bɛ wõ a ʋ kɔkɔ-kpɛ̃w, ɛ́ bɛ na nyɛ̃ nɩ a ʋ kpãkpãw na siwr a ŋmɛb ƴãw a. Ʋ na wul'ɩ a ʋ suur na bɛ dɩ̃ɛnɛ a, vũu-zɛlɛ na dɩrɛ a pʋɔ, lãwnɩ saa na waar'ɩ sɛsɛb nɩ sa-bi-kube saa a.

Ɩzayi 66:6

Nyɩ wone a gɔmɛ na yire a tẽ-kpɛ̃ɛ pʋɔ a, a gɔmɛ na yire a Ŋmɩn-yir-kpɛ̃ɛ pʋɔ a. A Sore n'ʋ yarɛ a dɔ̃ dem a lɛ a na sɛwnɩ bɛ a.

Zeremi 51:11

A Sore tɛr'ɩ tɩɛrʋ k'ʋʋ sãw a Babɩlɔn tẽw. Ʋ sɩ̃wnɛ nɩ a Mɛdɩ mɩnɛ na-mɩnɛ tɩɛrʋ a al ƴãw. A Sore san-yaafʋ n'a, ʋ yáarɛ nɩ a ʋ yir-sõw san. Nyɩ kàr a nyɩ pime, nyɩ ƴãw a paalɩ a nyɩ lɔwr.

Levitɩ mɩnɛ 16:12

ʋ na mʋ̃ɔ nɩ vũu bie a bàwr-maal-kuur na be a zi-sõw pʋɔ a zu, paalɩ a parfɛ̃ nyɩwfʋ-kole. Ʋ na 'wɔ̃w nɩ parfɛ̃-zɔ̃ nũ-kue ayi, ɛ́ kpɛ n a za a zi-sõw-za-zi-sõw pʋɔ, a pɛn-yawla na bʋ́r a diru a pùorí.

Zakari 14:5

Nyɩ na tu n a fʋɔla ŋa na be a tan cara pʋɔ a zɔ. Bʋ̃ʋ n'ʋ vɛ̃, a fʋɔla na cen na tɩ ta a Asal tẽw. Nyɩ na zɔ na mɛ̃ a nyɩ sãàkʋm-kore na tɩ zɔ, a Zuda tẽw nãà Ozɩasɩ daar, a tẽsɔw-kɔbr damnʋ bibir a. Lɛ n'a a Sore ɩ̃ Naaŋmɩn na ta, ʋlɛ nɩ a malkɩ mɩnɛ na tone a ʋ tome a.

Matie 24:7

Tẽw ŋa na mɩ́ ŋmãa nɩ nɩ tẽw ŋa zɛbr, nãà ŋa na mɩ́ ír'a taw tuori nãà ŋa. Kɔ̃ nɩ tẽsɔw kɔbr damnʋ na be n ziir a mɩnɛ.

Luka 12:49

«Vũu n'a ɩ̃ wa n wa ƴãw a tẽ-daa zu, ɛ́ bʋ̃ʋ n'ʋ ɩ̃ bɔbr, a bɛ ɩ kɛ́ a dɩrɛ?

Nɩ-toni 16:26

Bɛ wa bere na a tẽsɔw kɔbr dam kpɛ̃w kpɛ̃w za, dam a gaso yir pɛr. A gaso yir pamɛ za tɩ yuori nɩ a pɛr nɛ pʋɔ, ɛ́ a nɩ-pàwrɩ za bamɛ kpa lo.

Nɩ-toni 4:31

Bɛ na tɩ puori baar'a, a dĩó nɛ pʋɔ bɛ na tɩ ɓã taa a, tɩ dam'a: a Vʋʋrʋ Sõw tɩ paal'ɩ bɛ za, bɛ ɓãá ƴãw hiere a Naaŋmɩn ƴɛ̀rʋ.

Yel-wula 11:13

A ʋlɩ pɛr nɛ pʋɔ, a tẽsɔw-kɔbr tɩ dam'ɩ faa faa. A tẽ-kpɛ̃ɛ na põ ziir pie a zi-been tɩ lo na, nɩbɛ túr ayopõi (7 000) kpi a tẽsɔw-kɔbr damnʋ ŋa pʋɔ. Pʋl-vʋ̃ɔ tɩ tɛr'ɩ a bɛl na cɛ a, bɛ danɛ a Naaŋmɩn a be salom zu a.

Yel-wula 11:19

Lɛ n'a a Ŋmɩn-yir na be a salom zu a tɩ yuo, ɛ́ a Wõ-taa daga sãá a ʋ pʋɔ. A tɩ ɩ n saa-nyɩwrʋ, kɔkɛɛ gɔmɛ, saa tanʋ, tẽsɔw-kɔbr damnʋ nɩ sa-bi-kube na lo yaga za a.

Yel-wula 4:5

Saa-nyɩwrʋ, nɩ kɔkɛɛ, nɩ saa tanʋ tɩ yire nɩ a naalʋ-dà-kɔw ƴãw. Lãpa vũuni ayopõi tɩ 'lere nɩ a naalʋ-dà-kɔw niŋé: a Naaŋmɩn Vʋʋrʋ ayopõi n'a.

Yel-wula 6:12

Al pùorí, ɩ̃ tɩ nyɛ̃ nɩ a Pele ʋ 'law a sɩ-suur ayʋɔb sob. Lɛ n'a a tẽsɔw-kɔbr tɩ dam kpɛ̃w kpɛ̃w za! A mʋ̃tɔ̃w tɩ lɩɛb'a sɔb mɛ̃ pɛn-sɛbla kpirkpir a, ɛ́ a cuw lɩɛbɩ ʋ za, mʋ̃ɔ mɛ̃ zɩ̃ɩ a.

Yel-wula 8:3

Malkɩ ƴen sob tɩ wa na wa àr a bàwr-maal-kuur pɛr. Ʋ tɩ tɛr'ɩ tɩ-suur-zɔ̃-na-nyùur-vla-vla-a nyɩwfʋ-kole na ɩ salm-zɩɛ a. Bɛ tɩ kʋ̀ ʋ nɩ tɩ-suur-zɔ̃-na-nyùur-vla-vla-a bɛ dɩ vuo ɩ, k'ʋʋ de a lãwnɩ a Naaŋmɩn nɩ-bʋʋrɛ puoru tɩr a salm-zɩɛ bàwr-maal-kuur na be a naalʋ-dà-kɔw niŋé a zu.