Yel-wula 7:9 - A SƐB-SÕW

⁹ À á ŋá pùorí, ɩ̃ tɩ jɩ́r'a nyɛ̃ zu-sɛbla nɩr na kʋ̃ tʋ̃ɔ́ sɔ́r bãw bɛ nʋɔr a. Ten za, dɔwlʋ za, nɩ-bʋʋrɛ za nɩ ƴɛ̀r-pɛ-bʋʋrɛ za nɩbɛ tɩ nɛbɛ. Bɛ tɩ àr'ɩ a naalʋ-dà-kɔw nɩ a Pele niŋé, su kpar-wowr pɛlɛ ɛ́ tɛr kpãkparmɛ wuli a nuru pʋɔ.

Yel-wula 7:9 ပူးပေါင်းရင်းမြစ်များ

Yele-za-pɛr-tib 13:16

Ɩ̃ na ɩ n a fʋ bʋʋrɛ bɛ yɛ̀r bɛ tɩ tɛr sɔ́rʋ nɩr za zie ɩ, mɛ̃ a lɛ nɩr na kʋ̃ tʋ̃ɔ́ sɔ́r a tẽsɔw tanɛ a.

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

Sɛb-sõw yielu 2:8

Zɛlɩ mɛ̃, ɩ̃ɩ na kʋ̀ b'ɩ a nɩ-bʋʋr-yoru fʋ só bɛ, fʋ na só nɩ a tẽw za.

Sɛb-sõw yielu 22:27

A bãbàalbɛ na dɩ na tɩw. Bɛlɩ dem na bɔbr a Sore a, bɛ danɛ ʋ ɛ́ tɛr nyɔ-vʋʋr-wogo!

Sɛb-sõw yielu 76:4

Be n'a ʋ kár a zɛbr bome bɛr: a pime, a zɛbr-kur-pãgalɩ nɩ a kafine. Tɛw-àrʋ

Sɛb-sõw yielu 77:2

A Naaŋmɩn n'ʋ ɩ̃ bʋɔlɛ, ɩ̃ lɔbr'ɩ cɛlsɩ cɔwr ʋ, a Naaŋmɩn n'ʋ ɩ̃ bʋɔlɛ, ʋ na bɛr'a wõ m.

Sɛb-sõw yielu 98:3

Ʋ bɛ yiiri a ʋ nɔ̃wfʋ nɩ a ʋ na ŋmɛ̃ ʋ ŋmɛ̃a a a Ɩsɩrayɛl nɩ-bʋʋrɛ ƴãw ɛ. A nɩbɛ nyɛ̃ na tɩ tɔ a tẽw baarʋ zie k'aa Naaŋmɩn faa tɩ na.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zeremi 3:17

A lɛn daar a, bɛ na bʋɔlɛ nɩ a Zerizalɛm kɛ́ “Sore naalʋ-dà-kɔw”. A nɩ-bʋʋr-yoru na zɔ na ɓã taa a ɩ̃ zie, a Sore yúor na kʋ̀ a Zerizalɛm a zũú, ɛ́ bɛ na zawr'ɩ a bɛ tɩɛr-faar bɛr.

Ezekɩɛl 47:5

Ʋ tɩ baa na manɩ mɛtɩr kɔbr anũu (500): ʋ tɩ ɩ n bàa ɩ̃ na kʋ̃ tʋ̃ɔ́ kpɛ gãw a, a kʋ̃ɔ na tɩ yãwmɛ a ƴãw: kʋ̃ɔ a na fɛr kɛ́ fʋ duwri a, bàa na bɛ tɛr gãwfʋ a tɩ n'ʋ.

Levitɩ mɩnɛ 23:40

A bibi-dãw-niwn sob a, nyɩ na de nɩ tɩ-wɔ̃-vɩɛlɩ, kpãkparmɛ váar, tɩɩr na tɛr váar yaga a wuli bɩɩ bàa pʋɔ tɩɩr váar. Nyɩ na ɩ n a nyɩ nʋ̃ɔ̀ ʋ sãá a mãa Sore nyɩ Naaŋmɩn niŋé bibie ayopõi.

Zakari 10:8

Ɩ̃ na bʋɔl'ɩ a ɩ̃ nɩ-bʋʋrɛ lɛb ɓã bɛ taa, bʋ̃ʋ n'ʋ vɛ̃, ɩ̃ faa bɛ na. Bɛ na yãwmɛ na mɛ̃ a dãwdãw a.

Zakari 2:11

Alɛ! Zerizalɛm nɩbɛ bɛ na diw cen nɩ a Babɩlɔn a, nyɩ paw fɔ̃w zɔ cɩ̃ɛ.»

Luka 12:1

A lɛn daar, a zu-sɛbla tɩ ɓã n taa a Yeezu zie bɛ dɩ vuo ɩ, tɩ nɛbr taa. Ʋ tɩ tĩ na yel a ʋ po-tuurbɛ: «Nyɩ gù nyɩ tʋɔra a Faarizɩ̃ɛ mɩnɛ dãbɩl ƴãw, a pɛr lɛ kɛ́ a bɛ nɩsaal-libelibe ƴãw.

Luka 21:36

Nyɩ bɛr gʋ̃ɔ ɛ́ puore kʋralɛ: lɛ n'a bɛ na nyɛ̃ nyɩ bɛ sɛwnɩ a yel-tuor á ŋá za na waar a ɩ, ɛ́ nyɛ̃ nyɩ sɛwnɩ saaƴẽwn àrʋ a Nɩsaal Bie niŋé.»

Zã 12:13

Bɛ tɩ kár'ɩ kpãkparmɛ wuli yi tuore nɩ ʋ, cáarɛ nɩ yere nɩ: «Ozaana! A Naaŋmɩn, ʋ maalɩ a sob nɛ na waar a Sore yúor ƴãw a! A Naaŋmɩn, ʋ maalɩ a Ɩsɩrayɛl nãà!»

Ʋrɔm 11:25

Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

Efɛɛzɩ 6:13

Alɛ so, nyɩ de a Naaŋmɩn zɛbr bome, lɛ n'a a bibi-faa bibir nyɩ kʋ̃ sàw bɛ tʋ̃ɔ́ nyɩ ɛ, ɛ́ cãà tʋ̃ɔ́ àr saaƴẽwn à á ŋá za pùorí.

Ebre 11:12

À à ŋá n'a nɩ-been yõ na tɩ kpi ʋ za baar'a, tɩ dɔw nɩbɛ bɛ yãwmɛ mɛ̃ a salom zu ŋmar-bie a, bɛ bɛ tɛr nʋɔr ɛ, mɛ̃ a kʋ̃ɔ-kpɛ̃ɛ nʋɔr biire a.

Ebre 12:22

Sɩyɔ̃ tãw n'ʋ nyɩ taw pɩɛlɩ, nɩ a Naaŋmɩn na vʋʋrɛ a tẽ-kpɛ̃ɛ, a tẽ-vla pʋɔ Zerizalɛm nɩ a ʋ malkɩ tu-tu-túr.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

Yel-wula 22:3

Naaŋmɩn ŋmɛ-ƴãw kãw za kʋ̃ lɛb cãà a be ɩ. A Naaŋmɩn nɩ a Pele naalʋ-dà-kɔw na be n a tẽw pʋɔ, ɛ́ a Naaŋmɩn tõ-tõ-biir na puore ʋ na.

Yel-wula 3:18

Ɩ̃ wule fʋ nɩ yã a: dà salm-zɩɛ a ɩ̃ zie tʋ̃ɔ́ sɩrɩ kpɛ naalʋ, salm-zɩɛ bɛ na zuw ír a dɛwr bɛr a. Dà kpar-pɛlɛ su pàw fʋ tʋɔra, a fʋ ƴã-gan zawla na ɩrɛ vĩ a ta cãà sãá ɩ. Mɩ̀ dà mimie tɩ̃ɩ sanɩ nɩ a fʋ mimie kɛ́ fʋ tʋ̃ɔ́ nyɛrɛ.

Yel-wula 4:4

Naalʋ dà-kɔwr lɩzɛr'ɩ anaar tɩ viir'a koli a naalʋ-dà-kɔw, ɛ́ nɩ-kore lɩzɛr'ɩ anaar na su kpar-pɛlɛ ɛ́ vɔblɩ nãà-kpawʋʋr na ɩ salm-zɩɛ a tɩ zɩ̃ a dà-kɔwr al zu.

Yel-wula 5:11

Ɩ̃ tɩ nyɛ̃ na ɛ́ wõ malkɩ yaga kɔkɔr, malkɩ yaga yaga na viiri koli a naalʋ-dà-kɔw, a bʋ̃-vʋʋrɩ nɩ a nɩ-kore a. Bɛ tɩ ɩ n tu-tu-túre túre túre.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.

Yel-wula 6:11

Lɛ n'a bɛ tɩ kʋ̀ ŋa za kpar-pla wogo, ɛ́ yel bɛ kɛ́ bɛ cãà alɛ blã, ɛ́ gù a bɛ tõ-tõ-taabɛ nɩ a bɛ yɛbr a na fɛr kɛ́ bɛ kʋ mɛ̃ a bɛl a nʋɔr tɩ paalɩ.

Yel-wula 7:8

Zabulɔ̃ dɔwlʋ pʋɔ, tùr-pie nɩ ayi (12 000) Zuzɛb dɔwlʋ pʋɔ, tùr-pie nɩ ayi (12 000) Bɛ̃zamɛ dɔwlʋ pʋɔ tùr-pie nɩ ayi (12 000).