Yel-wula 7:3 - A SƐB-SÕW

³ «Nyɩ taa sãwnɛ a tẽw, a kʋ̃ɔ-kpɛ̃ɛ nɩ a tɩɩr ɛ, ɛ́ gù tɩ wa tɩ ƴãw a bãwfʋ a tɩ Naaŋmɩn tõ-tõ-biir gbẽé baarɩ.»

Yel-wula 7:3 ပူးပေါင်းရင်းမြစ်များ

Eziptɩ tẽw yib 12:13

Ɛcɛ a zɩ̃ɩ na be a yie nyɩ na kpɩɛr a zu a na ɩ n bãwfʋ gù nyɩ. Ɩ̃ na mɩ́ nyɛ̃ a na ɛ́ tɔl gãw nyɩ bɛr. À ŋá n'a, mãa wa dɔwrɛ a Eziptɩ a lɛn daar a, a bʋ̃-faa na kʋrɛ a kʋ̃ páw nyɩ ɛ.»

Eziptɩ tẽw yib 12:23

A Sore na tɔl'ɩ a Eziptɩ dɔwrɩ a ʋ nɩbɛ. Ɛcɛ ʋlɛ wa nyɛ̃ a zɩ̃ɩ a dɩ̃dɔr dàar ayi zu nɩ a dɩ̃dɔr zu-sɔw dàa zu a, ʋ na tɔl'a ɛ́ bɛ sàw a Kʋ-pàw-pɛr kpɛ a nyɩ yie pʋɔ kʋ ɛ.

Ɩzayi 27:8

Ʋ̃ʋ 'hʋ̃, ɛcɛ ʋ ƴãw bɛ nɩ dɔwrʋ, diw bɛ, ír bɛ a bɛ tẽw pʋɔ. Ʋ pɛbl'ɩ a ʋ pɩɛlʋ kpɛ̃w kpɛ̃w za diw bɛ mɛ̃ saa-pɛrɩ́ sɛsɛb na fu n fãw a.

Ɩzayi 54:17

Zɛbr bom kãw za bɛ na maalɩ a fʋ ƴãw a, kʋ̃ tʋ̃ɔ́ ɩ b faa ɩ. Nɩr za nãà wa yere a fʋ sãwna a ƴɛ̀rʋ-dɩb zie a, fʋ na tʋ̃ɔ́ na ƴɛ̀r wul k'ʋʋ sãw na. A bom ɩ̃ na bin gùre nɩ a ɩ̃ tõ-tõ-biir a n'ɩ à ŋà, à ŋá n'a ɩ̃ wule a bɛ mɩnʋ, a Sore n'ʋ yere.»

Ɩzayi 6:13

Ɛ́ a nɩbɛ ziir pie sob wa cãà cɛ be a tẽw pʋɔ a, vũu na dɩ bɛ na mɛ̃ a lɛ bɛ na mɩ́ nyɩw sɛn tɩɛ nɩ terebɛ̃tɩ tɩɛ bɛ na cɛ lɔb a. A tɩ-pɛ-kpur'ʋ na cɛ́. Ɛcɛ a tɩ-pɛ-kpur ŋa ɩ n bʋ̃-bʋʋr-sõw.

Ɩzayi 65:8

À ŋá n'a a Sore yere: Bɛlɛ wa nyɛ̃ divɛ̃ tɩ-wɔ̃-cãacul na mʋ̃ɔ̀ vla vla a, a nɩbɛ mɩ́ yere na: «Nyɩ ta sãw ʋ bɛr ɛ, ʋ nãà wa tɩr'ɩ divɛ̃-nʋ̃ɔ̀ nʋ̃ɔ̀.» «À à ŋá mɩ̀ n'a ɩ̃ na ɩ a bɛlɩ dem na tone a ɩ̃ tome a zũú. Ɩ̃ bɛ sãwnɛ a za bɛrɛ ɩ.

Ezekɩɛl 9:4

Ʋ tɩ yel ʋ na: «Cen a Zerizalɛm sɛ́ɛ zu. Fʋ na tɩ nyɛ̃ nɩ a bɛl a na wone bɛ kone, a ɩb na bɛ maal'ɩ wob a nɩbɛ na ɩrɛ a tẽ-kpɛ̃ɛ ŋa pʋɔ a ƴãw. Fʋ na tɩ ƴãw bɛ nɩ bãwfʋ a gbẽé.»

Ezekɩɛl 9:6

Nyɩ kʋ a dɛb-nyamɛ, a pɔlbili nɩ a pɔwsɩrali, a bibiir nɩ a pɔwbɛ! Nyɩ ɩ bɛ za bɔr! Ɛcɛ a bɛl za na tɛr bãwfʋ a gbẽé a, nyɩ taa tʋɔr bɛ ɩ! Nyɩ tĩ a ka, a ɩ̃ zi-sõw ƴãw.» Lɛ n'a bɛ tɩ tĩ kʋrɛ a nɩ-kore na be a Ŋmɩn-yir-kpɛ̃ɛ niŋé a.

Sofoni 2:3

Nyɩ bɔbr a Sore, nyɩɩm tẽw bãbàalbɛ za a, nyɩɩm na sàwr a ʋ nɛ-ƴãwnɩ a. Nyɩ bɔbr a mɩnʋ, nyɩ bɔbr a tʋɔra-siwru. Kapaw, nyɩ nãà cɩ̃ɛ nɩ a Sore suur ìru bibir.

Malasɩ 3:18

Lɛ n'a nyɩ na lɛb nyɛ̃ a nɩ-mɩn nɩ a nɩ-faar na bɛ ɩ been a, a bɛlɩ dem na tone a Naaŋmɩn tome nɩ a bɛlɩ dem na bɛ tone a ʋ tome a.

Matie 24:22

A Naaŋmɩn bɛ tɩ ŋmãa a bibie a mɩnɛ bɛr a, nɩr kʋ̃ʋ tɩ cɛ ɩ. Ɛcɛ ʋ ŋmãa nɩ a bibie a mɩnɛ bɛr a ʋ nɩ-kaa-íri zũú.

Matie 24:31

Ʋ na tõ n a ʋ malkɩ mɩnɛ nɩ a wɩ-kpɛ̃ɛ a tẽ-daa lõbowe anaar za, bɛ tɩ bʋɔlɩ a ʋ nɩ-kaa-íri a tẽ-daa zu ziir za ɓã taa.»

Zã 12:26

Nɩr wa bɔbr k'ʋʋ tone a ɩ̃ tome a, ʋ tuur mɛ̃, ɛ́ zie nɛ za ɩ̃ na be a, be n'a a ɩ̃ tõ-tone mɩ̀ na be. Nɩr wa tone a ɩ̃ tome a, a ɩ̃ Sãà na ƴãwnɛ ʋ na.»

Zã 3:33

Nɩr na sàw de a ʋ dãsɩɛ a, wul'a kɛ́ Naaŋmɩn ɩ n yel-mɩŋa sob.

Ʋrɔm 6:22

Ɛcɛ ƴɛrɛŋa a, bɛ faa nyɩ nɩ a yel-bier nuru pʋɔ, nyɩ lɩɛbɩ Naaŋmɩn gbãgbaar tɛr ɩ-ɩrɩ na tɩrɛ sonu a, ɛ́ a baarʋ daar a waar'ɩ nyɔ-vʋʋrʋ na be kʋralɛ a.

Yel-wula 13:16

A dʋ̃w tɩ fɛr'ɩ a nɩbɛ za, a pʋrmɛ nɩ a bɛrɛ, a na-mɩnɛ nɩ a nan dem, a gbãgbaar nɩ a nɩbɛ na so bɛ tʋɔra a, ʋ tɩ fɛr'ɩ bɛ za bɛ ɩ bɛ ƴãw bɛ bãwfʋ a dʋrʋ nũú bɩɩ a gbẽé.

Yel-wula 13:17

Nɩr bɛ tɩ tɛr sɔ́r na da bom bɩɩ kʋɔrɩ bom, ʋlɛ bɛ wa tɛr a bãwfʋ ŋa a ɩ, a pɛr lɛ k'aa dʋ̃w yúor bɩɩ a ʋ yúor sɔr-nʋɔr.

Yel-wula 14:1

Ɩ̃ tɩ nyɛ̃ nɩ a Pele ʋ àr a Sɩyɔ̃ tãw zu, ʋlɛ nɩ a nɩbɛ tùr-lɩz'a ayopõi dɔwlɩ túr anaar (144 000), a ʋ yúor nɩ a ʋ Sãà yúor na tɩ sɛb a bɛ gbẽé a.

Yel-wula 14:9

Malkɩ ata sob tɩ tu bɛ na, ɛ́ yere nɩ kɔkɔ-kpɛ̃w: «Nɩr wa lore gbine dume puore a dʋ̃w nɩ a ʋ dasule a, ɛ́ wa ƴãwnɛ a dʋ̃w bãwfʋ a ʋ gbẽé bɩɩ a ʋ nũú a,

Yel-wula 19:2

A ƴɛ̀rʋ ʋ na maalɩ a ɩ n sɩza ɛ́ tu yel-mɩnʋ. Bʋ̃ʋ n'ʋ vɛ̃, a pɔw-yɛm-kpɛ̃ɛ ʋl na tɩ sãwnɛ a tẽw nɩ a ʋ pɩ̃ɔ ɩ-ɩrɩ a, ʋ ƴãw ʋ nɩ dɔwrʋ. A ʋ tõ-tõ-biir a pɔw ŋa na kʋ a, ʋ yáa nɩ a san a ʋ zu.»

Yel-wula 20:4

Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).

Yel-wula 22:4

Bɛ na nyɛ̃ nɩ a ʋ niwn, ɛ́ a ʋ yúor sɛb a bɛ gbẽé.

Yel-wula 6:6

Ɩ̃ tɩ wõ na mɛ̃ kɔkɔr na ƴɛ̀rɛ yire a bʋ̃-vʋʋrɩ anaar sɔgɔ a, ʋ tɩ yere na: «Ka-pla bʋ̃-mána nɔ-been bibi-been sã-ya libie ƴãw, ɛ́ ka-zɩɛ bʋ̃-mána nɛ́ɛ ata bibi-been sã-ya libie ƴãw. Ɛcɛ, a kãá nɩ a divɛ̃ a, taa sãwnɛ a bɛrɛ ɩ.»

Yel-wula 7:1

À á ŋá pùorí, ɩ̃ tɩ nyɛ̃ nɩ malkɩ anaar bɛ àr a tẽw gõgone anaar ƴãw. Bɛ tɩ nyɔw nɩ a tẽw sɛsɛbr anaar tɛr, kɛ́ sɛsɛb za taa fure a tẽw zu, a kʋ̃ɔ-kpɛ̃ɛ zu nɩ tɩɛ kãw za zu ɛ.

Yel-wula 7:2

Ɩ̃ɩ tɩ nyɛ̃ nɩ malkɩ yũo, ʋ yi a mʋ̃tɔ̃w puru zie dúor waar, ɛ́ tɛr a Naaŋmɩn na vʋʋrɛ a bãwfʋ bʋ̃-ƴãwna. Ʋ tɩ cɩɩr'ɩ kpɛ̃w za yel a malkɩ anaar bɛl bɛ na tɩ kʋ̀ fãw a tẽw nɩ a kʋ̃ɔ-kpɛ̃ɛ sãwfʋ ƴãw a:

Yel-wula 9:4

Bɛ tɩ yel a na k'aa taa wa ɩrɛ mʋ̃ɔ kãw za, nɩ váar kãw za, nɩ tɩɛ kãw za bom ɛ, ɛcɛ, a ɩrɛ a kpɩɛr a nɩsaalbɛ bɛl na bɛ tɛr a Naaŋmɩn bãwfʋ a bɛ gbẽé a.