Yel-wula 7:17 - A SƐB-SÕW

¹⁷ Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»

Yel-wula 7:17 ပူးပေါင်းရင်းမြစ်များ

Sɛb-sõw yielu 22:26

Sore e, a fʋ̃ʋ zũú n'a ɩ̃ na tʋ̃ɔ́ danɛ fʋ a lãw-kpɛ̃ɛ nɩbɛ pʋɔ. A nɛ́ɛ ɩ̃ na kõ kʋ̀ b a, ɩ̃ na ír a nɩ a bɛlɩ dem na ƴãwnɛ fʋ a niŋé.

Sɛb-sõw yielu 23:5

Fʋ mɩ́ cɔbr'ɩ dɩb bin mɛ̃ a ɩ̃ dɔ̃dɔmɛ niŋé. Fʋ mɩ́ cir'ɩ kãa-nyũu ƴãw a ɩ̃ zũú, ɛ́ a ɩ̃ koli-nyúura paalɩ zelele.

Sɛb-sõw yielu 28:9

Sore e, faa a fʋ nɩbɛ, maalɩ a fʋ nɩ-sori, ɩ a bɛ cɩ̃ɩnɛ, ɛ́ kaarɛ a bɛ zie kʋralɛ!

Ɩzayi 12:3

Nyɩ na 'wɔ̃w nɩ kʋ̃ɔ nɩ nʋ̃ɔ̀ a faafʋ bul-nɛ́ɛ ƴãw.

Ɩzayi 25:6

A Sore, a kpɛnʋ-za-sob, cɔbrɛ nɩ cuw dɩb a nɩ-bʋʋrɛ za ƴãw a Sɩyɔ̃ tãw zu, nɛn-kãánɩ nɩ divɛ̃-kore cuw dɩb, — nɛn-kãánɩ nɩ nɛn-buge, divɛ̃-kore na bɩ tɔ a —.

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Ɩzayi 30:19

Nyɩɩm, Sɩyɔ̃ tẽw nɩbɛ ɛ, nyɩɩm na kpɩɛr a Zerizalɛm a, nyɩ kʋ̃ lɛb kõ ɩ. Nyɩmɛ wa kone cɔwr a Sore a, ʋ na wul nyɩ nɩ a ʋ nɔ̃wfʋ. Ʋlɛ wa dɛ wõ a nyɩ kon a, ʋ na sɔw nyɩ na.

Ɩzayi 30:25

A ʋlɩ bibir bɛ nãà wa kʋ a nɩbɛ za a, a zɛbr yir-cõcowli wa lo a lɛn daar a, bàrʋ kʋ̃ɔ na zɔrɛ nɩ a tã-bɛrɛ nɩ a tãli zu.

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Ɩzayi 49:9

Ɩ̃ yere nɩ a gaso pʋɔ dem, a bɛlɩ dem na be a lige pʋɔ a: “Nyɩ yi wa a cãà pʋɔ!” Bɛ na nyɛrɛ nɩ dɩb a sɔ́r zu, bɛ na tʋ̃ɔ́ na dɩrɛ a tãli za zu.

Ɩzayi 51:11

A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

Ɩzayi 60:20

A fʋ mʋ̃tɔ̃w bɛ lɛb kpɩɛr ɛ, a fʋ cuw bɛ lɛb kpiir ɛ, bʋ̃ʋ n'ʋ vɛ̃, a mãa, a Sore a, ɩ̃ na caalɛ fʋ nɩ kʋralɛ. A fʋ wahala bibie na baar'a.

Ɩzayi 65:19

Ɩ̃ na cɩlɛ nɩ a Zerizalɛm ƴãw, nʋ̃ɔ̀ na paalɩ mɛ̃ na laarɩ a ɩ̃ nɩ-bʋʋrɛ ƴãw. Bɛ kʋ̃ cãà wone kon nɩ cɛlsɩ a bɛ pʋɔ ɩ.

Zeremi 2:13

A ɩ̃ nɩbɛ sãw nɩ gb'a ayi: bɛ zawrɩ mɛ̃ na bɛr, a mãa na ɩ a nyɔ-vʋʋrʋ kʋ̃ɔ bul-nʋɔr a, ɛ́ tuw sa-bie-kʋ̃ɔ-bɔwrɩ, bɔw-wɛrɩ na bɛ ganɛ kʋ̃ɔ a.»

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Ezekɩɛl 34:23

Ɩ̃ na ƴãw nɩ pi-cɩ̃ɩn-been na na kaarɛ a ɩ̃ dʋn zie a, ʋ be a ɩ̃ dʋn niŋé. Ʋ na ɩ n nãà mɛ̃ a ɩ̃ tõ-tõ-bie Daviir a. Ʋl a, ʋ na kaarɛ nɩ a dʋn zie, ɛ́ ɩ pi-cɩ̃ɩn-vla a dʋn zie.

Mise 5:4

Ʋlɛ n'ʋ na wa n a ƴã-ɓaarʋ. A Asiiri tẽw dem wa kpɛ paalɩ a tɩ tẽw ɛ́ kpɩɛr a tɩ yir-vɩɛlɩ vɩɛlɩ pʋɔ a, tɩ na ƴãw na na-mɩnɛ yaga yaga yi a bɛ ƴãw.

Mise 7:14

Sore e, cɩ̃ɩnɛ a nɩbɛ fʋ na so a, nɩ a fʋ na-cɩ̃ɩn-da-kʋra. Bɛ àr'ɩ bɛ yõ zie wɛ-kar pʋɔ tɩ-wɔnɩ zaadɛ̃ na jil koli a. Cɩ̃ɩnɩ bɛ mɛ̃ a dãwdãw a, cen nɩ a Basan tẽw nɩ a Galaadɩ tẽw dʋn mʋ̃ɔ 'wɔbrʋ zie.

Matie 2:6

“Fʋ̃ʋ Bɛtɩlɛm na be a Zude tẽw pʋɔ a, fʋ̃ʋ bɛ n'ɩ a pʋrɩ za a Zuda tẽw loge za pʋɔ ɩ. A fʋ pʋɔ sɩrɩ n'a a nãà na yi, a ʋl na na cɩ̃ɩnɛ a ɩ̃ nɩ-bʋʋrɛ Ɩsɩrayɛl a.”»

Matie 5:4

Zu-nʋ̃ɔ̀ dem'ɩ a bɛlɩ dem na kone a, bɛ na nyɛ̃ nɩ a Naaŋmɩn mɔwlʋ.

Zã 10:11

Mãa n'ɩ a pi-cɩ̃ɩn-vla. A pi-cɩ̃ɩn-vla mɩ́ de nɩ a ʋ nyɔ-vʋʋrʋ tɩr a ʋ píir ƴãw.

Zã 10:14

Mãa n'ɩ a pi-cɩ̃ɩn-vla. Ɩ̃ bãw nɩ a ɩ̃ píir ɛ́ a ɩ̃ píir bãw mɛ̃,

Zã 4:10

A Yeezu tɩ sɔw ʋ na yel: «Fʋ̃ʋ tɩ ɩ mɛ̃ fʋ bãw nɩ a Naaŋmɩn bʋ̃-kʋ̀ra a, nɩ ãa n'ɩ a sob ŋa na yere a fʋ zie: “Kʋ̀ m kʋ̃ɔ ɩ̃ nyũ” a, fʋ̃ʋ n'ʋ nãá nɩ̃ɛ zɛlɩ ʋ, ʋʋ nãá kʋ̀ b'ɩ kʋ̃ɔ na bùle yire a.»

Zã 4:11

A pɔw lɛb yel a Yeezu: «Sore e, fʋ bɛ tɛr bʋ̃-'wɔ̃wna ɩ, ɛ́ a bule zulme, nyɩnɛ n'a fʋ na páw a kʋ̃ɔ na bùle yire a?

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

1 Pɩɛr 5:2

nyɩ cɩ̃ɩnɛ a píir a Naaŋmɩn na kʋ̀ nyɩ a. Nyɩ kaarɛ a zie vla, ɛcɛ a ta ɩ mɛ̃ fɛrʋ n'a ɩ, ɛ́ ɩ nyɩ na nɔnɛ a, mɛ̃ a lɛ a Naaŋmɩn na bɔbr a. A mɩ̀ ta ɩ sã-ya nɔ̃wfʋ zũú ɛ, ɛ́ ɩ tome nyɩ na nɔnɛ a zũú.

Yel-wula 14:4

Bɛ bɛ tɔ pɔwbɛ dɛw bɛ tʋɔra ɩ, bɛ bɛ tɛr dɛwr kãw za ɩ. Bɛ tuur'ɩ a Pele zie nɛ za ʋ na cere a. Bɛ ya na de bɛ a nɩsaalbɛ pʋɔ, kɛ́ bɛ tʋ̃ɔ́ ɩ a dãw-niwn dem bɛ na na de kʋ̀ a Naaŋmɩn nɩ a Pele a.

Yel-wula 21:22

Ɩ̃ bɛ tɩ nyɛ̃ Ŋmɩn-yir a ʋ pʋɔ ɩ, bʋ̃ʋ n'ʋ vɛ̃, a Sore, a Naaŋmɩn kpɛnʋ-za-sob nɩ a Pele tɩ n'ɩ a ʋ Ŋmɩn-yir.

Yel-wula 21:23

A tẽw bɛ tɛr a mʋ̃tɔ̃w nɩ a cuw cãà yel-ɩra ɩ, a Naaŋmɩn yúor-vɩɛlʋ-danʋ na caalɛ ʋ a ƴãw, nɩ a Pele na ɩ a ʋ fɩ̃tɩlɛ a ƴãw.

Yel-wula 21:4

Ʋ na fɩɛl'ɩ mʋta-kʋ̃ɔ za bɛr a bɛ mimié. Kũu kʋ̃ lɛb cãà be ɩ, kuor nɩ cɛlsɩ nɩ kpɩɛrʋ kʋ̃ lɛb cãà be ɩ. Bʋ̃ʋ n'ʋ vɛ̃, a koro za zie tɔl'a.»

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Yel-wula 22:1

A malkɩ mɩ̀ tɩ wul mɛ̃ nɩ a nyɔ-vʋʋrʋ kʋ̃ɔ man na tɩ yire a Naaŋmɩn nɩ a Pele naalʋ-dà-kɔw ƴãw, ɛ́ tɩ nyɩwrɛ mɛ̃ kʋ̃ɔ-kuur a.

Yel-wula 4:11

«Sore tɩ Naaŋmɩn i, fʋ sɛw na na nyɛ̃ danʋ, ƴãwfʋ nɩ kpɛnʋ. Bʋ̃ʋ n'ʋ vɛ̃, fʋ̃ʋ n'ʋ ír a bome za, fʋ sàw na k'aa be, ɛ́ ír a.»

Yel-wula 5:6

Lɛ n'a ɩ̃ tɩ nyɛ̃ Pele ʋ àr a naalʋ-dà-kɔw sɔwlɩsɔw, ɩ mɛ̃ bom bɛ na ŋmaarɩ a kɔkɛɛ a, ɛ́ a bʋ̃-vʋʋrɩ anaar nɩ a nɩ-kore jil koli ʋ. Ʋ tɩ tɛr'ɩ ɩ́lɛ́ ayopõi nɩ mimie ayopõi na ɩ a Naaŋmɩn Vʋʋrʋ ayopõi ʋ na tõ a tẽw za zu a.