Yel-wula 7:10 - A SƐB-SÕW

¹⁰ Bɛ tɩ cɩɩrɛ nɩ kpɛ̃w za yere: «A faafʋ yi n a tɩ Naaŋmɩn na zɩ̃ a naalʋ-dà-kɔw zu a zie, nɩ a Pele zie!»

Yel-wula 7:10 ပူးပေါင်းရင်းမြစ်များ

Sɛb-sõw yielu 115:1

Sore e, tɩmɛ bɛ nɛbɛ fʋ na kʋ̀ a yúor-vɩɛlʋ-danʋ ɛ, tɩmɛ bɛ nɛbɛ ɩ, a fʋ̃ʋ n'ʋ, a fʋ nɔ̃wfʋ nɩ a fʋ yel-mɩŋa zũú.

Sɛb-sõw yielu 3:8

Sore e, ìr! Ɩ̃ Naaŋmɩn i, faa mɛ̃! Fʋ̃ʋ na mɩ́ ɓa ɓa a ɩ̃ dɔ̃ dem a kɔrɩ́, ɛ́ kár a nɩ-faar nyɩmɛ bɛr a.

Sɛb-sõw yielu 37:39

A Sore zie n'a a nɩ-mɩn faafʋ yire, ʋlɛ n'ɩ a bɛ zɛbr-yir-kpɛ̃w a kpɩɛrʋ daar.

Ɩzayi 43:11

A Sore a, mãa n'ʋ, mãa yõ. Mãa bɛ wa n'ʋ a, faarɛ bɛ ka be ɩ.

Ɩzayi 45:15

Ɩsɩrayɛl Naaŋmɩn i, fʋ̃ʋ na faarɛ a, fʋ sɩrɩ na ɩ Naaŋmɩn na sɔwlɩ a!

Ɩzayi 45:21

Nyɩ ƴɛ̀r, nyɩ manɩ a nyɩ yel-mɩŋa. Nyɩ lãw ƴɛ̀r. Ãa n'ʋ de niwn ɩ bɛ bãw a yel na ɩrɛ a ƴɛrɛŋa a? Ãa n'ʋ yel ʋ a koro kãw za? A mãa Sore bɛ n'ʋ ɛ? Naaŋmɩn bɛ lɛb ka be mãa bɛ wa n'ʋ a ɩ. Naaŋmɩn na tɛr yel-mɩŋa a, Naaŋmɩn na faarɛ a, ʋ bɛ ka be a bɛ ɩ a mãa ɩ.

Zeremi 3:23

Yel-mɩŋa sɩza, a gɔmɛ á ŋá za na ɩrɛ a tan zu a, a maalʋ á ŋá za na maalɛ a tãli zu a, a bɛ̀lɛ nɩ a nɩbɛ. Yel-mɩŋa sɩza, a Sore tɩ Naaŋmɩn zie n'a a Ɩsɩrayɛl páwr a faafʋ.

A naaŋmɩn-ƴèr-manɛ Oze sɛbɛ 13:4

Ɛ́ a mãa a, a Eziptɩ tẽw yib daar za n'a ɩ̃ ɩ a Sore fʋ Naaŋmɩn, fʋ bɛ lɛb tɛr Naaŋmɩn a bɛ ɩ a mãa n'ʋ ɛ, faarɛ kãw za bɛ be be ƴãw pʋɔ a ɩ̃ ƴãw ɛ.

Zonasɩ 2:9

A bɛlɩ dem na zɔrɛ tuur a ŋmɩn-bɛlɛbɛlɛ a, bɛ mɩ́ zawrɛ nɩ a bɛ faafʋ bɛrɛ.

Zakari 4:7

Ʋ tɩ yel'a ƴãw pʋɔ: «A tã-kpɛ̃ɛ ŋa ɩ n bɩwra bɩɩ? Zorobabɛl na ɩ na ʋ lɩɛbɩ zi-tɩ̃tal. Ʋ na tuw ʋ na ír a kʋsɩɛr, a na fɛr k'ʋʋ ƴãw a Ŋmɩn-yir-kpɛ̃ɛ zu-sɔw a. Bɛ na cɩɩrɛ na: “Nyɛ̃ ʋ na vɩɛl a! Nyɛ̃ ʋ na vɩɛl a”!»

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Luka 3:6

ɛ́ bʋ̃-vʋʋra za na nyɛ̃ nɩ a Naaŋmɩn faafʋ.»

Zã 1:29

A dãw-bio daarɩ́, a Zã tɩ nyɛ̃ nɩ a Yeezu na waar a ʋ zie a, ɛ́ tɩ yel: «Nyɩ nyɛ̃ a Naaŋmɩn pele na íre a tẽ-daa yel-bier bɛrɛ a.

Zã 1:36

A Zã tɩ jɩ́rɛ nɩ a Yeezu na tɩ tɔlɛ a, ɛ́ yel: «Nyɛ̃ a Naaŋmɩn pele.»

Zã 4:22

A nyɩɩm n'a, nyɩ puore nɩ a Naaŋmɩn ɛ́ bɛ bãw ʋ ɛ, tɩɩm puore ʋ na ɛ́ bãw ʋ: Zifʋ mɩnɛ zie n'a a faafʋ yi.

Efɛɛzɩ 2:8

Sɩza, a Naaŋmɩn maalʋ ƴãw n'a nyɩ nyɛ̃ a faafʋ, nyɩ na sàw de ʋ a zũú. A faafʋ ŋa bɛ yi nyɩ zie ɩ, Naaŋmɩn maalʋ n'ʋ ʋ kʋ̀ nyɩ zawlalɛ.

Yel-wula 12:10

Al pùorí, ɩ̃ tɩ wõ n kɔkɔ-kpɛ̃w a salom zu ʋ yere: «Ƴɛrɛŋa a, a faafʋ pãa ta na, a tɩ Naaŋmɩn kpɛnʋ nɩ a ʋ naalʋ-dɩb, a ʋ Kɩrɩta na dɩ nɩ-kpɛ̃ɛnʋ a. Bʋ̃ʋ n'ʋ vɛ̃, a sob nɛ na mɩ́ mɩl a tɩ yɛbr a, bɛ cã ʋ na lɔb, a ʋl na mɩ́ tɩ mɩlɛ bɛ a Naaŋmɩn niŋé mʋ̃tɔ̃w nɩ tɩ̃ɩsɔw a.

Yel-wula 19:1

Al pùorí, ɩ̃ tɩ wõ n kɔkɔ-kpɛ̃w na ɩ mɛ̃ zu-sɛbla na bɛ dɩ vuo a kɔkɔr a, a salom zu. Ʋ tɩ yere na: «Aleluya! A tɩ Naaŋmɩn so a faafʋ, a danʋ nɩ a kpɛnʋ.

Yel-wula 21:5

Lɛ n'a a sob nɛ na zɩ̃ a naalʋ-dà-kɔw zu a tɩ yel: «Ƴɛrɛŋa a, ɩ̃ maalɛ nɩ a bome za a ɩ paalɛ.» Al pùorí ʋ yel mɛ̃: «Sɛb k'aa ƴɛ̀r-bie á ŋá ɩ n sɩza ɛ́ bɛ tɛr bʋnʋ towtow ɛ.»

Yel-wula 22:3

Naaŋmɩn ŋmɛ-ƴãw kãw za kʋ̃ lɛb cãà a be ɩ. A Naaŋmɩn nɩ a Pele naalʋ-dà-kɔw na be n a tẽw pʋɔ, ɛ́ a Naaŋmɩn tõ-tõ-biir na puore ʋ na.

Yel-wula 4:6

Bom kãw tɩ be n a naalʋ-dà-kɔw niŋé ɩ mɛ̃ kʋ̃ɔ-kpɛ̃ɛ kʋ̃ɔ na ɩ walwal cuoli ŋmɛ̃ mɛ̃ kʋ̃ɔ-kuur a. A sɔwlɩsɔw a, bʋ̃-vʋʋrɩ anaar na ɩ mimie tɛwr a niŋé nɩ a pùorí a tɩ jil'a koli a naalʋ-dà-kɔw.

Yel-wula 5:7

Ʋ tɩ taw na ta de a sɛbɛ a sob nɛ na zɩ̃ a naalʋ-dà-kɔw zu a dʋrʋ nũú.