Yel-wula 6:9 - A SƐB-SÕW

⁹ A Pele na wa 'law a sɩ-suur anũu sob a, a bɛlɩ dem bɛ na kʋ a Naaŋmɩn ƴɛ̀rʋ ƴãw nɩ a dãsɩɛ bɛ na dɩ a ƴãw a, ɩ̃ nyɛ̃ nɩ a bɛ sɩ́ɩr a bàwr-maal-kuur pile.

Yel-wula 6:9 ပူးပေါင်းရင်းမြစ်များ

Yele-za-pɛr-tib 4:10

A Sore tɩ sɔw na: «Bʋ̃ʋ n'ɩ à à ŋá fʋ na ɩ a? A fʋ yɛb zɩ̃ɩ ɩ na mɛ̃ nɩr na cɩɩrɛ a yire a tẽsɔw tarɛ mɛ̃ a.

Eziptɩ tẽw yib 29:12

Fʋ na de nɩ a zɩ̃ɩ tɩ ɩ n nobir ƴãw a bàwr-maal-kuur ɩ́lɛ́ ƴãw. Al pùorí, fʋ na cir'ɩ a zɩ̃ɩ na cɛ a ƴãw a bàwr-maal-kuur sɩɛ ƴãw.

Levitɩ mɩnɛ 4:7

Al pùorí, a bàwr-maal-kara na ɩ n a zɩ̃ɩ ƴãw a bàwr-maal-kuur na be a tuor-taa pɛn-sɛw pʋɔ a ɩ́lɛ́ ƴãw, a ʋl zu bɛ na mɩ́ nyɩw a parfɛ̃ a. Al pùorí ʋ yi n a zɩ̃ɩ na cɛ a, tɩ cir a za ƴãw a nyɩw-a-za-bàwr bàwr-maal-kuur na be a tuor-taa pɛn-sɛw dɩ̃dɔrɩ́ a sɩɛ ƴãw.

Zã 16:2

Bɛ na diw nyɩ na bɛr a Zifʋ mɩnɛ puoru-dirú. Mɔ̃ mɩ̀, bio waar'a na vɩɛ, bɛ na mɩ́ nyɔw nyɩ kʋ ɛ́ tɩɛrɛ kɛ́ bàwr'ʋ bɛ maalɩ kʋ̀ a Naaŋmɩn.

2 Korɛ̃tɩ 5:8

Bʋnʋ kãw za bɛ ka a tɩ zie ɩ, ɛ́ tɩ nyɛ̃ a sa kɛ́ tɩ yi ɛ́ bɛr a ƴã-gan ŋa, ɛ́ cen tɩ be a Sore zie.

Filib 1:23

Ziir ayi n'a ɩ̃ àr'ɩ dɛ bɛ bãw ɛ: ɩ̃ bɔbr'a k'ɩ̃ɩ nãá kpi cen tɩ lãw nɩ a Kɩrɩta, lɛ n'a nãá vɩɛl tɩ zuo.

Filib 2:17

Ɛ́ alɛ mɩ̀ saa na fɛr a ɩ̃ zɩ̃ɩ cir mɛ̃ de-kʋ̀b-bom, ƴãw pʋɔ a bàwr a nyɩ naaŋmɩn-sàw-deb na maalɛ kʋ̀rɛ a Naaŋmɩn a ƴãw a, ɩ̃ cɩlɛ na, ɛ́ cɩlɛ lãwnɩ a nyɩ za.

2 Timote 1:8

Lɛ so, ta zɔrɛ vĩ a tɩ Sore dãsɩɛ dɩb ƴãw ɛ. A mãa mɩ̀ na be a gaso pʋɔ a ʋ yúor ƴãw a, a ta ɩrɛ fʋ vĩ ɛ. Nɩ̃ɛ vɛ̃ kɛ́ sàw lãw nɩ mɛ̃ wone a tuo nɩ Naaŋmɩn fãw, a Yel-nʋ̃ɔ̀ ƴãw.

2 Timote 4:6

Mãa a, bɛ maal'ɩ mɛ̃ nɩ a bàwr baarɩ, a ɩ̃ kulu daar ta na.

Ebre 12:23

Nyɩ taw na pɩɛlɩ cuw-dɩrbɛ lãw, a Naaŋmɩn bi-dãw-dɔwrɩ a yée na sɛb a tẽ-vla pʋɔ a. Nyɩ taw na pɩɛlɩ a Naaŋmɩn na ɩ a nɩbɛ za ƴɛ̀r-maalɛ a, ɛ́ taw pɩɛlɩ a nɩ-mɩn bɛl na nyɛ̃ a vɩɛlʋ baarɩ a sɩ́ɩr.

Yel-wula 1:2

A Zã dɩ n a dãsɩɛ k'aa al za ʋ na nyɛ̃ a ɩ n Naaŋmɩn ƴɛ̀rʋ nɩ yel-mɩŋa a Yeezu Kɩrɩta na wul a.

Yel-wula 1:9

Mãa n'ɩ a nyɩ yɛb Zã. Ɩ̃ na lãw nɩ a Yeezu mɛ̃ a nyɩɩm a, ɩ̃ ɩ n a nyɩ tɔ sob a kpɩɛrʋ pʋɔ, a naalʋ-dɩb pʋɔ nɩ a kanyir dɩb pʋɔ. Bɛ diw mɛ̃ na ɩ̃ tɩ be a kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ Patɩmɔsɩ a, a Naaŋmɩn ƴɛ̀rʋ ɩ̃ na tɩ hieri a ƴãw, nɩ a yel-mɩŋa a Yeezu na wul ɩ̃ sàw de a ƴãw.

Yel-wula 14:18

Malkɩ ƴen sob na ɩ a vũu nɩ-kpɛ̃ɛ a tɩ yi n a bàwr-maal-kuur pɛr wa. Ʋ tɩ cɩɩr'a nɩ kɔkɔ-kpɛ̃w yel a sob nɛ na tɛr a sɔ-nɔ-goraa na dɩrɛ a: «Lɔb a fʋ sɔ-nɔ-goraa na dɩrɛ a, ŋma a tẽw divɛ̃ tɩɩr púo wɔmɛ: a mʋ̃ɔ na.»

Yel-wula 16:7

Ɩ̃ tɩ lɛb'a wõ kɔkɔr ʋ ƴɛ̀rɛ yire a bàwr-maal-kuur lowr yere: «Ʋ̃ʋ, Sore Naaŋmɩn kpɛnʋ-za-sob i, a fʋ ƴɛ̀rʋ fʋ na maalɩ a ɩ n sɩza ɛ́ tɛr yel-mɩŋa.»

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

Yel-wula 2:13

ɩ̃ bãw nɩ a be fʋ na kpɩɛr a: a be a Sɩtaana naalʋ-dà-kɔw na be a n'a. Ɛcɛ, fʋ ƴãw nɩ fãw tu a ɩ̃ pùor. A bibie al pʋɔ bɛ mɩ̀ na saa tɩ kʋ a ɩ̃ dãsɩ-dɩrɛ Ãtɩpasɩ na bɛ lɛbr pùor a nyɩ zie be a, a be a Sɩtaana na kpɩɛr a, fʋ bɛ sàw de m ɛ́ lɛb wa zawrɩ bɛr ɛ.

Yel-wula 20:4

Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).

Yel-wula 8:3

Malkɩ ƴen sob tɩ wa na wa àr a bàwr-maal-kuur pɛr. Ʋ tɩ tɛr'ɩ tɩ-suur-zɔ̃-na-nyùur-vla-vla-a nyɩwfʋ-kole na ɩ salm-zɩɛ a. Bɛ tɩ kʋ̀ ʋ nɩ tɩ-suur-zɔ̃-na-nyùur-vla-vla-a bɛ dɩ vuo ɩ, k'ʋʋ de a lãwnɩ a Naaŋmɩn nɩ-bʋʋrɛ puoru tɩr a salm-zɩɛ bàwr-maal-kuur na be a naalʋ-dà-kɔw niŋé a zu.

Yel-wula 9:13

A malkɩ ayʋɔb sob tɩ pɛbl'ɩ a ʋ wɩ́ɛ. Ɩ̃ tɩ wõ n kɔkɔr ʋ ƴɛ̀rɛ yire a salm-zɩɛ bàwr-maal-kuur na be a Naaŋmɩn niŋé a gõgone anaar ƴãw.