Yel-wula 6:12 - A SƐB-SÕW

¹² Al pùorí, ɩ̃ tɩ nyɛ̃ nɩ a Pele ʋ 'law a sɩ-suur ayʋɔb sob. Lɛ n'a a tẽsɔw-kɔbr tɩ dam kpɛ̃w kpɛ̃w za! A mʋ̃tɔ̃w tɩ lɩɛb'a sɔb mɛ̃ pɛn-sɛbla kpirkpir a, ɛ́ a cuw lɩɛbɩ ʋ za, mʋ̃ɔ mɛ̃ zɩ̃ɩ a.

Yel-wula 6:12 ပူးပေါင်းရင်းမြစ်များ

Ɩzayi 24:23

Vĩ na ɩrɛ nɩ a cuw, a mʋ̃tɔ̃w na nyɛ̃ nɩ vĩ. Bʋ̃ʋ n'ʋ vɛ̃, a Sore, a kpɛnʋ-za-sob, na dɩrɛ nɩ naalʋ a Zerizalɛm nɩ a Sɩyɔ̃ tãw zu. A ʋ yúor-vɩɛlʋ-danʋ na nyɩwrɛ nɩ a nɩ-kore niŋé.

Ɩzayi 29:6

a Sore, a kpɛnʋ-za-sob wa a fʋ maalʋ ƴãw, saa tanʋ, tẽsɔw damnʋ, gɔmɛ na pàw kpɛ̃w kpɛ̃w za a, sɛsɛb-pɩl-kpɛ̃ɛ, saa nɩ sɛsɛb, nɩ vũu-zɛlɛ na dɩrɛ a pʋɔ.

Ɩzayi 34:4

A ŋmar-bi-yaga yaga ŋmarɛ na lore a za. A salom pìle na mɛ̃ sɛbɛ a. A salom zu bʋ̃-nyɩwrɩ za lore na mɛ̃ divɛ̃ tɩɛ bɩɩ kãkã-tɩɛ va-ŋmamɛ a.

Ɩzayi 50:3

Lɛb waar, ɩ̃ mɩ́ pàw nɩ a salom nɩ bʋ̃-sɛbla, ɛ́ su vʋɔra kparʋ pàw ʋ.»

Zowɛl 2:10

Alɛ wa tarɛ a, a tẽsɔw mɩ́ dam'a, ɛ́ a salom ɩ mɛ̃ ʋ lore na a, a mʋ̃tɔ̃w nɩ a cuw bɛ mɩ́ cãà caalɛ ɩ, ɛ́ a ŋmar-bie bɛ cãà nyɩwrɛ ɩ.

Amɔsɩ 1:1

A Amɔsɩ na tɩ ɩ Tekowa tẽw guo-guole kãw a ƴɛ̀r-bie n'a be a sɛbɛ ŋa pʋɔ. A na tɩ cɛ yome ayi a tẽsɔw-kɔbr na na dam a, a Sore tɩ ɩ na a Amɔsɩ nyɛ̃ bom a Ɩsɩrayɛl tẽw ƴãw. A tɩ ɩ n a Zuda tẽw nãà Ozɩasɩ daar, nɩ a Ɩsɩrayɛl tẽw nãà Zerobowam na ɩ Zowasɩ bidɛb a daar.

Amɔsɩ 8:9

À ŋá n'a a Sore ɩ̃ Naaŋmɩn yere: a ʋlɩ bibir a, mʋ̃tɔ̃-tuo n'a ɩ̃ na ɩ a mʋ̃tɔ̃w kpɛ, mʋ̃tɔ̃-tuo, ɩ̃ na ɩ na a tẽw be lige pʋɔ.

Zakari 14:5

Nyɩ na tu n a fʋɔla ŋa na be a tan cara pʋɔ a zɔ. Bʋ̃ʋ n'ʋ vɛ̃, a fʋɔla na cen na tɩ ta a Asal tẽw. Nyɩ na zɔ na mɛ̃ a nyɩ sãàkʋm-kore na tɩ zɔ, a Zuda tẽw nãà Ozɩasɩ daar, a tẽsɔw-kɔbr damnʋ bibir a. Lɛ n'a a Sore ɩ̃ Naaŋmɩn na ta, ʋlɛ nɩ a malkɩ mɩnɛ na tone a ʋ tome a.

Matie 11:21

«We ãɩ, Korazin i! We ãɩ, Bɛtɩsayida a! A nɔ-ɓãa-yele na sɩrɩ maalɩ a nyɩ zie a, alɛ tɩ maalɩ Tɩ́ɩ̀r nɩ Sɩdɔ̃ a, koro za n'a a bɛ nɩbɛ nãá lɩɛbɩ a bɛ ɩb, su vʋɔrɩ kparɩ ŋmɛ n tãpɛlʋ.

Matie 24:29

«Daadaalɛ, a kpɩɛrʋ á ŋá pùorí, a mʋ̃tɔ̃w na liw na, a cuw kʋ̃ lɛb pɛlɩ ɛ, a ŋmar-bie na yi n a salom zu pɔrɛ lore, ɛ́ a saa-zu kpɛnʋ bʋʋrɛ za na dam'a.

Matie 24:7

Tẽw ŋa na mɩ́ ŋmãa nɩ nɩ tẽw ŋa zɛbr, nãà ŋa na mɩ́ ír'a taw tuori nãà ŋa. Kɔ̃ nɩ tẽsɔw kɔbr damnʋ na be n ziir a mɩnɛ.

Matie 27:45

A mʋ̃tɔ̃w na wa do põ-zɛ̃-taa a, lige pàw nɩ a tẽ-daa za tɩ ta n a mʋ̃tɔ̃w gɔ̃wfʋ daar.

Matie 27:54

A sojarɩ kʋba nɩ-kpɛ̃ɛ nɩ a sojarɩ bɛl na tɩ gù a Yeezu a na wa nyɛ̃ a tẽsɔw kɔbr damnʋ nɩ a yele á ŋá a, dɛ̃bɩ̃ɛ tɛr bɛ nɩ yaga ɛ̀ bɛ yere: «Sɩza n'a, a sob ŋa tɩ ɩ n Naaŋmɩn Bie.»

Matie 28:2

Bɛ wa bere na a tẽsɔw kɔbr dam yaga za. Sore malkɩ tɩ yi n salom zu siw bili a kʋsɩɛr bɛr ɛ́ do zɩ̃ a ʋ zu.

Markɩ 15:33

A mʋ̃tɔ̃w na wa do põ-zɛ̃-taa a, lige tɩ pàw nɩ a tẽ-daa za tɩ ta a zaanʋɔra gbele ata daar.

Yel-wula 11:13

A ʋlɩ pɛr nɛ pʋɔ, a tẽsɔw-kɔbr tɩ dam'ɩ faa faa. A tẽ-kpɛ̃ɛ na põ ziir pie a zi-been tɩ lo na, nɩbɛ túr ayopõi (7 000) kpi a tẽsɔw-kɔbr damnʋ ŋa pʋɔ. Pʋl-vʋ̃ɔ tɩ tɛr'ɩ a bɛl na cɛ a, bɛ danɛ a Naaŋmɩn a be salom zu a.

Yel-wula 16:18

Lɛ n'a a tɩ ɩ saa-nyɩwrʋ, kɔkɛɛ gɔmɛ nɩ a tẽsɔw-kɔbr na dam'ɩ fãw mɛ̃ bɛ na bɛ dãw nyɛ̃ ʋ dam'ɩ a fãw ŋa tɔ, a nɩsaal na tĩ kɛ́ be a tẽw zu a.

Yel-wula 16:8

A malkɩ anaar sob tɩ cir'ɩ a ʋ dem ƴãw a mʋ̃tɔ̃w zu, ɛ́ bɛ kʋ̀ a mʋ̃tɔ̃w sɔ́r k'ʋʋ dɩrɛ a nɩsaalbɛ nɩ a ʋ vũu.

Yel-wula 8:12

A malkɩ anaar sob tɩ pɛbl'ɩ a ʋ wɩ́ɛ. Bɛ tɩ ŋmɛ n a mʋ̃tɔ̃w na põ ziir ata a zi-been, nɩ a cuw na põ ziir ata a zi-been, lãwnɩ a ŋmar-bie na põ ziir atarɩ a zi-be-ƴeni, a ɩ lɛ a põ ziir-atarɩ á ŋá zi-be-ƴeni tɩ liw. A bibir cãà na põ ziir ata a, a zi-been cãà bɛ tɩ cãà caalɛ ɩ, ɛ́ lɛ n'a a mɩ̀ tɩ ŋmɛ̃ a tɩ̃ɩsɔw ƴãw.

Yel-wula 8:5

Lɛ n'a a malkɩ tɩ de a tɩ-suur-zɔ̃-na-nyùur-vla-vla-a bʋ̃-nyɩ̀wrá mʋ̃ɔ a vũu a bàwr-maal-kuur zu paalɩ ɛ́ lɔb bɛr a tẽw zu. A tɩ ɩ n saa tanʋ, kɔkɛɛ gɔmɛ, saa-nyɩwrʋ nɩ tẽsɔw kɔbr damnʋ.