Yel-wula 6:11 - A SƐB-SÕW

¹¹ Lɛ n'a bɛ tɩ kʋ̀ ŋa za kpar-pla wogo, ɛ́ yel bɛ kɛ́ bɛ cãà alɛ blã, ɛ́ gù a bɛ tõ-tõ-taabɛ nɩ a bɛ yɛbr a na fɛr kɛ́ bɛ kʋ mɛ̃ a bɛl a nʋɔr tɩ paalɩ.

Yel-wula 6:11 ပူးပေါင်းရင်းမြစ်များ

Matie 10:21

Yɛb na mɩ́ nyɔw nɩ a ʋ yɛb tɩr bɛ kʋ, sãà na mɩ́ nyɔw nɩ a ʋ bie tɩr, bibiir na mɩ́ ír'a àr a bɛ sãà mɩnɛ zu, ɛ́ ƴãw bɛ kʋ bɛ.

Luka 15:22

Ɛcɛ a sãà tɩ yel'ɩ a ʋ tõ-tõ-biir: “Nyɩ kpɛ fɔ̃w tɩ de a kpar-bal-bie wa su ʋ, nyɩ ƴãw ʋ nũ-tʋʋr a nobirí, ɛ́ ƴãw ʋ nafawr a gbɛ̃ɛ́.

Zã 16:2

Bɛ na diw nyɩ na bɛr a Zifʋ mɩnɛ puoru-dirú. Mɔ̃ mɩ̀, bio waar'a na vɩɛ, bɛ na mɩ́ nyɔw nyɩ kʋ ɛ́ tɩɛrɛ kɛ́ bàwr'ʋ bɛ maalɩ kʋ̀ a Naaŋmɩn.

Nɩ-toni 20:24

Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»

2 Tesalonikɩ 1:7

ɛ́ kʋ̀ pɩ̃ɛnʋ a nyɩɩm na wone a tuo lãwnɩ a tɩɩm a, a lɛn daar ʋ na na sãá a salom zu nɩ a ʋ kpɛnʋ malkɩ mɩnɛ a.

2 Timote 4:7

Ɩ̃ zɛb'ɩ a zɛb-vla, ɩ̃ zɔ na ta a dãw-taa zɔ-tab zie, ɩ̃ maal'a tɛr a naaŋmɩn-sàw-deb.

Ebre 11:40

Bʋ̃ʋ n'ʋ vɛ̃, a Naaŋmɩn tɩ de nɩ niwn bãwnɩ tɩ bom na vɩɛl zuo a, kɛ́ bɛ ta ta a vɩɛlʋ zie ɛ́ bɛr tɩ ɛ.

Ebre 12:23

Nyɩ taw na pɩɛlɩ cuw-dɩrbɛ lãw, a Naaŋmɩn bi-dãw-dɔwrɩ a yée na sɛb a tẽ-vla pʋɔ a. Nyɩ taw na pɩɛlɩ a Naaŋmɩn na ɩ a nɩbɛ za ƴɛ̀r-maalɛ a, ɛ́ taw pɩɛlɩ a nɩ-mɩn bɛl na nyɛ̃ a vɩɛlʋ baarɩ a sɩ́ɩr.

Ebre 4:10

Bʋ̃ʋ n'ʋ vɛ̃, sob nɛ na ta a Naaŋmɩn pɩ̃ɛnʋ zie a mɩ́ baar'ɩ a ʋ tome ɛ́ pɩ̃ɛnɩ, mɛ̃ a lɛ a Naaŋmɩn na baarɩ a ʋ dem ɛ́ pɩ̃ɛnɩ a.

Yel-wula 10:6

ɛ́ pɔ n a Naaŋmɩn na vʋʋrɛ kʋralɛ a, a Naaŋmɩn na ír a salom nɩ bom za na be a ʋ zu a, na ír a tẽw nɩ bom za na be a ʋ zu a, na ír a kʋ̃ɔ-kpɛ̃ɛ nɩ bom za na be a ʋ pʋɔ a. A malkɩ tɩ yel'a: «Alɛ sɛr kʋ̃ lɛb cãà be ɩ!

Yel-wula 13:15

Bɛ tɩ kʋ̀ n a dʋn ayi sob fãw, ʋ na tʋ̃ɔ́ ɩ a dʋ̃-dãw-niwn sob dasule ʋ vʋʋrɛ, k'aa dasule ŋa tʋɔr ƴɛ̀rɛ ɛ́ ƴãw bɛ kʋ a bɛlɩ dem za na bɛ gbine dume puore ʋ a.

Yel-wula 14:13

Al pùorí, ɩ̃ tɩ wõ n kɔkɔr a salom zu ʋ yere a ɩ̃ zie: «Sɛb yel: “Zu-nʋ̃ɔ̀ dem'ɩ a bɛl na tĩ kpiir a ƴɛrɛŋa ɛ́ lãw nɩ a Sore a!” A Naaŋmɩn Vʋʋrʋ yere na: “Sɩza n'a, bɛ na tʋ̃ɔ́ na pɩ̃ɛnɛ nɩ a bɛ bàlʋ bɛ na nyɛ̃ a, bʋ̃ʋ n'ʋ vɛ̃, a bɛ tome sã-ya tuur bɛ na.”»

Yel-wula 17:6

Ɩ̃ tɩ nyɛ̃ nɩ a pɔw ŋa ʋ nyũ a Naaŋmɩn nɩbɛ nɩ a Yeezu dãsɩɛ dɩrbɛ zɩ̃ɩ kuoli. Ɩ̃ na tɩ nyɛ̃ ʋ a, nʋɔr tɩ ɓãá mɛ̃ nɩ yaga.

Yel-wula 7:14

Ɩ̃ tɩ sɔw ʋ na: «Ɩ̃ Zu-sob i, fʋ̃ʋ n'ʋ bãw.» Lɛ n'a ʋ tɩ yel mɛ̃: «Bɛlɛ n'ɩ a bɛl na yi a kpɩɛrʋ kpɛ̃ɛ pʋɔ wa a. Bɛ pɛ́w nɩ a bɛ kpar-wowr ɛ́ ɩ a pɛlɩ a Pele zɩ̃ɩ pʋɔ.

Yel-wula 7:9

À á ŋá pùorí, ɩ̃ tɩ jɩ́r'a nyɛ̃ zu-sɛbla nɩr na kʋ̃ tʋ̃ɔ́ sɔ́r bãw bɛ nʋɔr a. Ten za, dɔwlʋ za, nɩ-bʋʋrɛ za nɩ ƴɛ̀r-pɛ-bʋʋrɛ za nɩbɛ tɩ nɛbɛ. Bɛ tɩ àr'ɩ a naalʋ-dà-kɔw nɩ a Pele niŋé, su kpar-wowr pɛlɛ ɛ́ tɛr kpãkparmɛ wuli a nuru pʋɔ.