Yel-wula 5:13 - A SƐB-SÕW

¹³ Ɩ̃ mɩ̀ tɩ wõ n a bʋ̃-íri za a salom zu, a tẽw zu, a tẽw pile nɩ a kʋ̃ɔ-kpɛ̃ɛ pʋɔ, a tẽ-daa bʋ̃-íri za a yere: «A sob nɛ na zɩ̃ a naalʋ-dà-kɔw zu a, nɩ a Pele, bɛlɛ so danʋ, ƴãwfʋ, yúor-zɛwfʋ nɩ kpɛnʋ a yome yome za!»

Yel-wula 5:13 ပူးပေါင်းရင်းမြစ်များ

1 Bibie za yel-manɩ 29:11

Sore e, fʋ̃ʋ na ɩ kpɛ̃ɛ bɛ tɛr tɔ a, fʋ̃ʋ so a fãw nɩ a kpɛnʋ, a ƴãwfʋ nɩ a yúor-vɩɛlʋ-danʋ. Fʋ̃ʋ so bom za a salom zu nɩ a tẽw zu. Fʋ̃ʋ n'ɩ a nãà, fʋ̃ʋ so a bome za.

Ɩzayi 24:14

A bɛlɩ dem na cɩ̃ɛ a cɩɛr'ɩ yielu, bɛ cáarɛ na yere nɩ a Sore na ɩ kpɛ̃ɛ a. Bɛ lɔbr'ɩ nʋ̃ɔ̀ cɛlsɩ à ŋá yi n a mʋ̃tɔ̃w-kpɛb-lowr ten pʋɔ waar'ɩ:

Ɩzayi 42:10

Nyɩ yieli yiel-paala a Sore ƴãw. Nyɩ danɛ ʋ a tẽw baarʋ zie, nyɩɩm na duwre a kʋ̃ɔ-kpɛ̃ɛ zu a, nɩ bom za na paalɩ ʋ a, nɩ nyɩɩm, nɩ-bʋʋrɛ na zãá a.

Matie 6:13

Ta sàw a bɛlʋ ta tɩ ɛ, ɛ́ faa tɩ a Faalʋ sob nuru pʋɔ. [Fʋ̃ʋ sɩrɩ so naalʋ nɩ kpɛnʋ nɩ danʋ, a yome yome za. Amɛn.]”

Luka 2:14

“Naaŋmɩn so danʋ a saa-zu za, ɛ́ a ʋ nɩ-nɔnɩ so ƴã-ɓaarʋ a tẽw zu ka”.»

Zã 1:29

A dãw-bio daarɩ́, a Zã tɩ nyɛ̃ nɩ a Yeezu na waar a ʋ zie a, ɛ́ tɩ yel: «Nyɩ nyɛ̃ a Naaŋmɩn pele na íre a tẽ-daa yel-bier bɛrɛ a.

Ʋrɔm 11:36

Bʋ̃ʋ n'ʋ vɛ̃, ʋl zie n'a bom za yi, ʋlɛ n'ʋ so bom za be, ʋl ƴãw n'a bom za be. Ʋlɛ so yúor-vɩɛlʋ-danʋ a yome yome za! Amɛn.

Ʋrɔm 16:27

A Naaŋmɩn yõ na ɩ yã-bãwnɛ a, ʋlɛ so yúor-vɩɛlʋ-danʋ a Yeezu Kɩrɩta ƴãw, a yome yome za! Amɛn.

Ʋrɔm 9:5

Bɛ ɩ n a sãàkʋm-kore bʋʋrɛ, ɛ́ a bɛ bʋʋrɛ pʋɔ n'a a Kɩrɩta yi ɩ nɩsaal, ʋl na zuo bom za, ɩ Naaŋmɩn na tɛr danʋ kʋralɛ a. Amɛn.

Efɛɛzɩ 3:21

ʋlɛ so yúor-vɩɛlʋ-danʋ a Lãw-yir pʋɔ a Yeezu Kɩrɩta yúor ƴãw, kʋralɛ nɩ yome yome za. Amɛn.

Filib 2:10

kɛ́ a Yeezu yúor ƴãwfʋ ƴãw, bʋ̃-vʋʋrɩ za gbine dume a salom zu, a tẽw zu nɩ a tẽw pile,

Kɔlɔsɩ 1:23

Ɛcɛ a fɛr'a kɛ́ a nyɩ naaŋmɩn-sàwfʋ ɩ nyɩ kpɛmɛ, bà gbɛ́r àr, ta sàw bom za taw nyɩ zãá nɩ a nyɩ tɩɛrʋ ʋl nyɩ na tɛr a ɩ, a lɛn daar za nyɩ na tɩ wõ a Yel-nʋ̃ɔ̀ a. A Yel-nʋ̃ɔ̀ ŋa hier'a ta bʋ̃-íra za a tẽw zu, ɛ́ a mãa Pol, ɩ̃ lɩɛb'ɩ a Yel-nʋ̃ɔ̀ ŋa tõ-tone.

1 Timote 4:16

Gù fʋ tʋɔra vla ɛ́ mɩ̀ gù a fʋ wulu vla. Su zu a al ƴãw. Fʋ̃ʋ wa sɩrɩ ɩrɛ à à ŋá a, fʋ na faa nɩ fʋ mɩŋa lãwnɩ a bɛlɩ dem na bɛrɛ wone a fʋ wulu a.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

1 Pɩɛr 5:11

Ʋlɛ so kpɛnʋ yome yome za! Amɛn.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:25

a Naaŋmɩn-been yõ tɩ Faarɛ, ʋlɛ so yúor-vɩɛlʋ-danʋ, dɛpaalʋ, fãw nɩ kpɛnʋ a tɩ Sore Yeezu Kɩrɩta ƴãw, a dãwdãw za, a ƴɛrɛŋa nɩ kʋralɛ. Amɛn.

Yel-wula 1:6

Ʋ ɩ na tɩ ɩ na-mɩnɛ nɩ-bʋʋrɛ, bàwr-maalbɛ a Naaŋmɩn ʋ Sãà ƴãw. Ʋlɛ so yúor-vɩɛlʋ-danʋ nɩ kpɛnʋ a yome yome za. Amɛn.

Yel-wula 13:8

A tẽw zu nɩbɛ za na gbĩ n dume puor'ʋ, bɛlɩ dem za a yée na bɛ sɛb ƴãw a Pele bɛ na kʋ a nyɔ-vʋʋrʋ sɛbɛ pʋɔ a tẽ-daa íru daar za a.

Yel-wula 5:1

Ɩ̃ tɩ nyɛ̃ nɩ sɛbɛ na pili a, a sob nɛ na tɩ zɩ̃ a naalʋ-dà-kɔw zu a dʋrʋ nũú. Bɛ tɩ sɛb'a ƴãw a pʋ̃ɔmɩ nɩ a zikurí, ɛ́ mɛr a nʋɔr pàw ziir ayopõi nɩ sɩ-suur.

Yel-wula 5:12

Bɛ tɩ yere na nɩ kɔkɔr-kpɛ̃w: «A Pele bɛ na ŋmaarɩ a kɔkɛɛ a, ʋ sɛwnɩ nɩ kpɛnʋ, naalʋ, yã-bãwfʋ, fãw, ƴãwfʋ, yúor-zɛwfʋ nɩ danʋ!»

Yel-wula 5:3

Ɛcɛ, nɩr za bɛ tɩ ka be, a salom zu, a tẽw zu nɩ a tẽw pile, na tʋ̃ɔ́ yuo a sɛbɛ ɛ́ jɩ́r kaa a ʋ pʋɔ ɩ.

Yel-wula 5:6

Lɛ n'a ɩ̃ tɩ nyɛ̃ Pele ʋ àr a naalʋ-dà-kɔw sɔwlɩsɔw, ɩ mɛ̃ bom bɛ na ŋmaarɩ a kɔkɛɛ a, ɛ́ a bʋ̃-vʋʋrɩ anaar nɩ a nɩ-kore jil koli ʋ. Ʋ tɩ tɛr'ɩ ɩ́lɛ́ ayopõi nɩ mimie ayopõi na ɩ a Naaŋmɩn Vʋʋrʋ ayopõi ʋ na tõ a tẽw za zu a.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.

Yel-wula 6:16

Bɛ tɩ yere nɩ a tan nɩ a pie: «Nyɩ lo gùri pàw tɩ, sɔwlɩ tɩ zãá nɩ a sob nɛ na zɩ̃ a naalʋ-dà-kɔw zu a niŋé, zãá nɩ a Pele suur.