Yel-wula 5:12 - A SƐB-SÕW

¹² Bɛ tɩ yere na nɩ kɔkɔr-kpɛ̃w: «A Pele bɛ na ŋmaarɩ a kɔkɛɛ a, ʋ sɛwnɩ nɩ kpɛnʋ, naalʋ, yã-bãwfʋ, fãw, ƴãwfʋ, yúor-zɛwfʋ nɩ danʋ!»

Yel-wula 5:12 ပူးပေါင်းရင်းမြစ်များ

Zakari 13:7

À ŋá n'a a Sore, a Kpɛnʋ-za-sob, yere: «Zɛbr-sɔ-kpɛ̃ɛ ɛ, ìr a pi-cɩ̃ɩnɛ ƴãw, a ɩ̃ bá na kpɛ socir a ƴãw, kʋ a pi-cɩ̃ɩnɛ, ɛ́ a píir zɔ yaarɩ a ziir za, ɩ̃ɩ na lɩɛb'ɩ a péli ƴãw.»

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Zã 1:29

A dãw-bio daarɩ́, a Zã tɩ nyɛ̃ nɩ a Yeezu na waar a ʋ zie a, ɛ́ tɩ yel: «Nyɩ nyɛ̃ a Naaŋmɩn pele na íre a tẽ-daa yel-bier bɛrɛ a.

Zã 17:2

Lɛ n'a ʋ na kʋ̀ a nyɔ-vʋʋrʋ na be kʋralɛ a a bɛlɩ dem za fʋ na de kʋ̀ ʋ a, a fãw fʋ na kʋ̀ ʋ bʋ̃-vʋʋra za zu a ƴãw.

2 Korɛ̃tɩ 8:9

Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

1 Timote 1:17

A yome za Nãà, a Naaŋmɩn-been yõ tẽtẽ na bɛ tɛr kũu daar, ɛ́ nɩr kʋ̃ tʋ̃ɔ́ nyɛ̃ nɩ mimir a, ʋlɛ so ƴãwfʋ nɩ yúor-vɩɛlʋ-danʋ, a yome yome za. Amɛn.

Yel-wula 1:6

Ʋ ɩ na tɩ ɩ na-mɩnɛ nɩ-bʋʋrɛ, bàwr-maalbɛ a Naaŋmɩn ʋ Sãà ƴãw. Ʋlɛ so yúor-vɩɛlʋ-danʋ nɩ kpɛnʋ a yome yome za. Amɛn.

Yel-wula 13:8

A tẽw zu nɩbɛ za na gbĩ n dume puor'ʋ, bɛlɩ dem za a yée na bɛ sɛb ƴãw a Pele bɛ na kʋ a nyɔ-vʋʋrʋ sɛbɛ pʋɔ a tẽ-daa íru daar za a.

Yel-wula 15:3

Bɛ tɩ yiele nɩ a Naaŋmɩn tõ-tõ-bie Moyiir yielu, nɩ a Pele yielu à ŋá: «Sore Naaŋmɩn kpɛnʋ-za-sob i, a fʋ tome ɩ n tõ-bɛrɛ ɛ́ ɩ nɔ-ɓãa-tome. Ten za Nãà a, a fʋ ɩb tu n mɩnʋ nɩ yel-mɩŋa.

Yel-wula 19:1

Al pùorí, ɩ̃ tɩ wõ n kɔkɔ-kpɛ̃w na ɩ mɛ̃ zu-sɛbla na bɛ dɩ vuo a kɔkɔr a, a salom zu. Ʋ tɩ yere na: «Aleluya! A tɩ Naaŋmɩn so a faafʋ, a danʋ nɩ a kpɛnʋ.

Yel-wula 4:11

«Sore tɩ Naaŋmɩn i, fʋ sɛw na na nyɛ̃ danʋ, ƴãwfʋ nɩ kpɛnʋ. Bʋ̃ʋ n'ʋ vɛ̃, fʋ̃ʋ n'ʋ ír a bome za, fʋ sàw na k'aa be, ɛ́ ír a.»

Yel-wula 5:13

Ɩ̃ mɩ̀ tɩ wõ n a bʋ̃-íri za a salom zu, a tẽw zu, a tẽw pile nɩ a kʋ̃ɔ-kpɛ̃ɛ pʋɔ, a tẽ-daa bʋ̃-íri za a yere: «A sob nɛ na zɩ̃ a naalʋ-dà-kɔw zu a, nɩ a Pele, bɛlɛ so danʋ, ƴãwfʋ, yúor-zɛwfʋ nɩ kpɛnʋ a yome yome za!»

Yel-wula 5:6

Lɛ n'a ɩ̃ tɩ nyɛ̃ Pele ʋ àr a naalʋ-dà-kɔw sɔwlɩsɔw, ɩ mɛ̃ bom bɛ na ŋmaarɩ a kɔkɛɛ a, ɛ́ a bʋ̃-vʋʋrɩ anaar nɩ a nɩ-kore jil koli ʋ. Ʋ tɩ tɛr'ɩ ɩ́lɛ́ ayopõi nɩ mimie ayopõi na ɩ a Naaŋmɩn Vʋʋrʋ ayopõi ʋ na tõ a tẽw za zu a.

Yel-wula 5:8

A Pele na tɩ dier a sɛbɛ wa báarɛ a, a bʋ̃-vʋʋrɩ anaar nɩ a nɩ-kore lɩzɛr'ɩ anaar tɩ lo na gbĩ dume a ʋ niŋé. Ŋa za mɩ́ tɩ tɛr'ɩ korijom nɩ salm-zɩɛ koli-nyúuri, a paalɩ tɩ-suur-zɔ̃-na-nyùur-vla-vla-a ɛ́ ɩ a Naaŋmɩn nɩ-bʋʋrɛ puoru a.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.

Yel-wula 6:1

Al pùorí, ɩ̃ tɩ nyɛ̃ nɩ a Pele na 'law a sɩ-suur ayopõi dãw-niwn sob a, ɩ̃ɩ tɩ wõ a bʋ̃-vʋʋrɩ anaar ƴen sob ʋ tanɩ mɛ̃ saa a: «Wa!»

Yel-wula 7:12

yere: «Amɛn! Sɩza n'a, a tɩ Naaŋmɩn so a yúor-vɩɛlʋ-danʋ, a yúor-zɛwfʋ, a yã-bãwfʋ, a barka puoru, a ƴãwfʋ, a kpɛnʋ, a fãw, yome yome za! Amɛn!»