Yel-wula 5:11 - A SƐB-SÕW

¹¹ Ɩ̃ tɩ nyɛ̃ na ɛ́ wõ malkɩ yaga kɔkɔr, malkɩ yaga yaga na viiri koli a naalʋ-dà-kɔw, a bʋ̃-vʋʋrɩ nɩ a nɩ-kore a. Bɛ tɩ ɩ n tu-tu-túre túre túre.

Yel-wula 5:11 ပူးပေါင်းရင်းမြစ်များ

1 Na-mɩnɛ 22:19

Ɛcɛ a Mise tɩ lɛb'a yel: «Bɛrɛ wone a lɛ a Sore na yere a. Bʋ̃ʋ n'ʋ vɛ̃, ɩ̃ nyɛ̃ nɩ a Sore ʋ zɩ̃ a ʋ naalʋ-dà-kɔw zu, ɛ́ a ʋ tõ-tõ-biir za, a salom zu, àr a ʋ dʋrʋ lowr nɩ a ʋ gʋba lowr.

Sɛb-sõw yielu 103:20

Nyɩ danɛ a Sore, nyɩɩm ʋ malkɩ mɩnɛ ɛ, nyɩɩm na mɩ́ ƴãw fãw ɩrɛ a lɛ ʋ na yel a, ʋʋ mɩ́ ƴɛ̀rɛ wa báarɛ nyɩ sàw a ʋ nʋɔr a.

Sɛb-sõw yielu 148:2

Nyɩɩm ʋ malkɩ mɩnɛ za, nyɩ danɛ ʋ, nyɩɩm ʋ zɛbr-nɩbɛ za, nyɩ danɛ ʋ.

Sɛb-sõw yielu 68:17

Tã-cowe e, bʋnʋ ƴãw n'a nyɩ nyuur'ɩ a tãw a Naaŋmɩn na kaa ír kpɩɛr a? Yel-mɩŋa za, be n'a a Sore na kpɩɛr kʋralɛ.

Wulu-ayi-sob 33:2

«A Sore yi n a Sinayi tãw zu wa. Ʋ pur'ɩ a Seyiir tẽw, mɛ̃ mʋ̃tɔ̃w a, a ʋ nɩbɛ ƴãw. A ʋ cãà yi n a Paran tãw zu, ɛ́ caalɩ. Ʋ wa n a ʋ nɩbɛ zie, ʋlɛ n'ɩ malkɩ túre túre, ɛ́ tɛr a wulu a ʋ nũú, ʋ 'lere mɛ̃ vũu a.

Ebre 12:22

Sɩyɔ̃ tãw n'ʋ nyɩ taw pɩɛlɩ, nɩ a Naaŋmɩn na vʋʋrɛ a tẽ-kpɛ̃ɛ, a tẽ-vla pʋɔ Zerizalɛm nɩ a ʋ malkɩ tu-tu-túr.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:14

A bɛl ƴãw mɩ̀ n'a a Enɔkɩ, na ɩ a tɩ sãàkʋm-suwle ayopõi sob na tu a Adama zu a, tɩ ƴɛ̀r a naaŋmɩn-ƴɛ̀r-manɛ ƴɛ̀r-bie á ŋá: «A Sore n'ɩ ŋan waar, ʋlɛ nɩ a ʋ malkɩ-son tùr-piir piir,

Yel-wula 19:6

Ɩ̃ lɛb tɩ wõ na, a ɩ mɛ̃ nɩ-yaga yaga kɔkɛɛ na yire mɛ̃ kʋ̃ɔnɩ yaga na damnɛ a, mɛ̃ saa na tanɛ kpɛ̃w kpɛ̃w za a. A tɩ yere na: «Aleluya! Bʋ̃ʋ n'ʋ vɛ̃, a Sore, a tɩ Naaŋmɩn na ɩ kpɛnʋ-za-sob a, ʋ zɩɩl'ɩ a ʋ naalʋ.

Yel-wula 4:4

Naalʋ dà-kɔwr lɩzɛr'ɩ anaar tɩ viir'a koli a naalʋ-dà-kɔw, ɛ́ nɩ-kore lɩzɛr'ɩ anaar na su kpar-pɛlɛ ɛ́ vɔblɩ nãà-kpawʋʋr na ɩ salm-zɩɛ a tɩ zɩ̃ a dà-kɔwr al zu.

Yel-wula 4:6

Bom kãw tɩ be n a naalʋ-dà-kɔw niŋé ɩ mɛ̃ kʋ̃ɔ-kpɛ̃ɛ kʋ̃ɔ na ɩ walwal cuoli ŋmɛ̃ mɛ̃ kʋ̃ɔ-kuur a. A sɔwlɩsɔw a, bʋ̃-vʋʋrɩ anaar na ɩ mimie tɛwr a niŋé nɩ a pùorí a tɩ jil'a koli a naalʋ-dà-kɔw.

Yel-wula 5:14

A bʋ̃-vʋʋrɩ anaar mɩ́ tɩ sɔw na kɛ́: «Amɛn!» A nɩ-kore mɩ́ tɩ gbĩ n dume ɛ́ puori nɩ bɛ tʋɔra-siwru.

Yel-wula 5:6

Lɛ n'a ɩ̃ tɩ nyɛ̃ Pele ʋ àr a naalʋ-dà-kɔw sɔwlɩsɔw, ɩ mɛ̃ bom bɛ na ŋmaarɩ a kɔkɛɛ a, ɛ́ a bʋ̃-vʋʋrɩ anaar nɩ a nɩ-kore jil koli ʋ. Ʋ tɩ tɛr'ɩ ɩ́lɛ́ ayopõi nɩ mimie ayopõi na ɩ a Naaŋmɩn Vʋʋrʋ ayopõi ʋ na tõ a tẽw za zu a.

Yel-wula 5:8

A Pele na tɩ dier a sɛbɛ wa báarɛ a, a bʋ̃-vʋʋrɩ anaar nɩ a nɩ-kore lɩzɛr'ɩ anaar tɩ lo na gbĩ dume a ʋ niŋé. Ŋa za mɩ́ tɩ tɛr'ɩ korijom nɩ salm-zɩɛ koli-nyúuri, a paalɩ tɩ-suur-zɔ̃-na-nyùur-vla-vla-a ɛ́ ɩ a Naaŋmɩn nɩ-bʋʋrɛ puoru a.

Yel-wula 7:11

A malkɩ mɩnɛ za tɩ àr'a viiri koli a naalʋ-dà-kɔw, a nɩ-kore nɩ a bʋ̃-vʋʋrɩ anaar. Bɛ tɩ lo na vɔblɩ muru a naalʋ-dà-kɔw niŋé, ɛ́ puori a Naaŋmɩn nɩ bɛ tʋɔra-siwru,

Yel-wula 9:16

Ɩ̃ tɩ wõ n a zɛbr-nɩbɛ na zɔm a wie a nʋɔr: bɛ tɩ ɩ n tu-túr kɔbr ayi (200 000 000).