Yel-wula 4:2 - A SƐB-SÕW

² A Naaŋmɩn Vʋʋrʋ tɩ siw mɛ̃ nɩ daadaalɛ. Ɛ́ naalʋ-dà-kɔw n'ɩ ŋan tɩ be a tẽ-vla pʋɔ be. Nɩr kãw tɩ zɩ̃ n a naalʋ-dà-kɔw zu.

Yel-wula 4:2 ပူးပေါင်းရင်းမြစ်များ

1 Na-mɩnɛ 22:19

Ɛcɛ a Mise tɩ lɛb'a yel: «Bɛrɛ wone a lɛ a Sore na yere a. Bʋ̃ʋ n'ʋ vɛ̃, ɩ̃ nyɛ̃ nɩ a Sore ʋ zɩ̃ a ʋ naalʋ-dà-kɔw zu, ɛ́ a ʋ tõ-tõ-biir za, a salom zu, àr a ʋ dʋrʋ lowr nɩ a ʋ gʋba lowr.

Sɛb-sõw yielu 11:4

— A Sore be n a ʋ Yir-kpɛ̃ɛ sõw pʋɔ. A Sore naalʋ-dà-kɔw be n a salom zu. Ʋ jɩ́rɛ nɩ a nɩsaalbɛ, ʋ mɩ́ jɩ́r'ɩ daadaa bãw bɛ ŋmɛ̃a.

Ɩzayi 6:1

A nãà Ozɩasɩ kũu yũon, ɩ̃ tɩ nyɛ̃ nɩ a Sore ʋ zɩ̃ naalʋ-dà-kɔw na kɛrɩ yaga za a zu. A ʋ kpar-kpɛ̃ɛ pɛr na mɩ́ vure a tẽw a pùorí a tɩ paal'ɩ a Ŋmɩn-yir-kpɛ̃ɛ.

Zeremi 17:12

Naalʋ-dà-kɔw-yúor be n a saa-zu a pɛr-tib daar za: a tɩ zi-sõw beba zie n'a.

Ezekɩɛl 1:26

A bɩwra na tɩ be a zu-sɔw a saa-zu a pʋɔ a, bɛ tɩ nyɛ̃ nɩ safɩɩr kʋsɩɛr na ŋmɛ̃ taa nɩ naalʋ-dà-kɔw a. A naalʋ-dà-kɔw ŋmɛ̃-ta-tɔ ŋa zu, a saa-zu za a, ŋmɛ̃a na ŋmɛ̃ mɛ̃ nɩr a tɩ àr'a.

Ezekɩɛl 1:28

A cãà na viiri koli ʋ a ŋmɛ̃ na taa nɩ sa-gõguo na nyɩwrɛ zũzuwe pʋɔ saa bibir a. A Sore yúor-vɩɛlʋ-danʋ bãwfʋ tɩ n'ʋ. Ɩ̃ tɩ nyɛ̃ nɩ à á ŋá za, ɩ̃ tɩ lo na gbĩ dume gũu tɩ tɔ tẽw. Lɛ n'a ɩ̃ tɩ wõ nɩr ʋ ƴɛ̀rɛ a ɩ̃ zie.

Ezekɩɛl 10:1

Ɩ̃ tɩ jɩ́rɛ na: a bɩwra na tɩ be a seribɛ̃ zu zu-sɔw a, kʋsɛ-nyɩla na ɩ mɛ̃ safɩɩr kʋsɩɛr a tɩ sãá na. Ʋ tɩ ŋmɛ̃ na taa nɩ naalʋ-dà-kɔw.

Matie 22:43

A Yeezu tɩ yel bɛ na: «Ɛ́ ŋmɩŋmɩn za n'a a Vʋʋrʋ Sõw na tɩ ƴãw a Daviir ʋ ƴɛ̀r a, tɩ bʋɔlɛ a Naaŋmɩn Nɩ-kabra: Sore? Ɛ́ tɩ yel a ƴɛ̀r-bie á ŋá:

Ebre 8:1

A ƴɛ̀rʋ tɩ na ƴɛ̀rɛ a ƴɛ̀r-zu-kpɛ̃ɛ sɩrɩ n'ɩ à ŋà: a bàwr-maal-kara ŋa tɔ n'ʋ tɩ tɛr, ʋl na zɩ̃ a Naaŋmɩn na ɩ kpɛ̃ɛ kpɛ̃ɛ za a naalʋ-dà-kɔw dʋrʋ lowr a saa-zu a.

Yel-wula 1:10

A Naaŋmɩn Vʋʋrʋ tɩ siw mɛ̃ nɩ a Sore bibir, ɩ̃ɩ tɩ wõ kɔkɔr na yire kpɛ̃w kpɛ̃w za a ɩ̃ pùorí mɛ̃ wɩ́ɛ na pɛblɛ a.

Yel-wula 12:5

A pɔw tɩ dɔw nɩ bidɛble na na kaarɛ a ten za zie nɩ gãdaalʋ a. Bɛ tɩ zaa nɩ a ʋ bie cen nɩ a Naaŋmɩn zie, a ʋ naalʋ-dà-kɔw pɛr.

Yel-wula 17:3

Lɛ n'a a vʋʋrʋ tɩ siw mɛ̃, ɛ́ a malkɩ ɓáw mɛ̃ kpɛ n wɛja-kpalɛ pʋɔ. Ɩ̃ tɩ nyɛ̃ nɩ pɔw a be, ʋ zɩ̃ dʋ̃-zɩɛ ɓõɓõ zu. Yée na tʋʋr Naaŋmɩn zʋmɛ a tɩ sɛb a pàw a wɛ-dʋ̃w ƴã-gan za, ʋʋ tɩ tɛr zuru ayopõi nɩ ɩ́lɛ́ pie.

Yel-wula 19:4

A nɩ-kore lɩzɛr'ɩ anaar nɩ a bʋ̃-vʋʋrɩ anaar tɩ gbĩ n dume puori a Naaŋmɩn na zɩ̃ a naalʋ-dà-kɔw zu a, nɩ bɛ tʋɔra-siwru ɛ́ yel: «Amɛn! Aleluya!»

Yel-wula 20:11

Ɩ̃ lɛb tɩ nyɛ̃ nɩ naalʋ-dà-kɔw-pla kpɛ̃ɛ nɩ a sob nɛ na zɩ̃ a ʋ zu a. A tẽsɔw nɩ a salom tɩ bɔr'ɩ a ʋ niŋé, bɛ bɛ lɛb nyɛ̃ a ɩ.

Yel-wula 21:10

A Naaŋmɩn Vʋʋrʋ tɩ siw mɛ̃ na, ɛ́ a malkɩ tɩ tɛr mɛ̃ do n tã-kpɛ̃ɛ na kɛrɩ a zu, tɩ wul mɛ̃ a tẽ-sõw-kpɛ̃ɛ, a Zerizalɛm, na tɩ yi a Naaŋmɩn zie a salom zu siwr a.

Yel-wula 21:5

Lɛ n'a a sob nɛ na zɩ̃ a naalʋ-dà-kɔw zu a tɩ yel: «Ƴɛrɛŋa a, ɩ̃ maalɛ nɩ a bome za a ɩ paalɛ.» Al pùorí ʋ yel mɛ̃: «Sɛb k'aa ƴɛ̀r-bie á ŋá ɩ n sɩza ɛ́ bɛ tɛr bʋnʋ towtow ɛ.»

Yel-wula 3:21

Sob nɛ na na zɛb tʋ̃ɔ́ a, ɩ̃ na ɩ na ʋ lãw nɩ mɛ̃ zɩ̃ a ɩ̃ naalʋ-dà-kɔw zu, mɛ̃ a lɛ a mãa mɩ̀ na zɛb tʋ̃ɔ́ ɛ́ cen tɩ lãw nɩ a ɩ̃ Sãà zɩ̃ a ʋ naalʋ-dà-kɔw zu a.

Yel-wula 4:10

a nɩ-kore lɩzɛr'ɩ anaar mɩ́ gbĩ n dume a sob nɛ na zɩ̃ a naalʋ-dà-kɔw zu a niŋé, bɛ mɩ́ puor'ɩ a sob nɛ na vʋʋrɛ kʋralɛ a, nɩ bɛ tʋɔra-siwru. Bɛ mɩ́ lɔb'ɩ a bɛ nãà-kpawʋʋr bin a naalʋ-dà-kɔw niŋé ɛ́ yere:

Yel-wula 4:5

Saa-nyɩwrʋ, nɩ kɔkɛɛ, nɩ saa tanʋ tɩ yire nɩ a naalʋ-dà-kɔw ƴãw. Lãpa vũuni ayopõi tɩ 'lere nɩ a naalʋ-dà-kɔw niŋé: a Naaŋmɩn Vʋʋrʋ ayopõi n'a.

Yel-wula 4:9

A bʋ̃-vʋʋrɩ anaar na mɩ́ wa yiele danɛ nɩ, ƴãwnɛ nɩ ɛ́ puore nɩ a sob nɛ na zɩ̃ a naalʋ-dà-kɔw zu a yãanɩ a, a sob nɛ na vʋʋrɛ kʋralɛ a,

Yel-wula 5:1

Ɩ̃ tɩ nyɛ̃ nɩ sɛbɛ na pili a, a sob nɛ na tɩ zɩ̃ a naalʋ-dà-kɔw zu a dʋrʋ nũú. Bɛ tɩ sɛb'a ƴãw a pʋ̃ɔmɩ nɩ a zikurí, ɛ́ mɛr a nʋɔr pàw ziir ayopõi nɩ sɩ-suur.

Yel-wula 5:13

Ɩ̃ mɩ̀ tɩ wõ n a bʋ̃-íri za a salom zu, a tẽw zu, a tẽw pile nɩ a kʋ̃ɔ-kpɛ̃ɛ pʋɔ, a tẽ-daa bʋ̃-íri za a yere: «A sob nɛ na zɩ̃ a naalʋ-dà-kɔw zu a, nɩ a Pele, bɛlɛ so danʋ, ƴãwfʋ, yúor-zɛwfʋ nɩ kpɛnʋ a yome yome za!»

Yel-wula 6:16

Bɛ tɩ yere nɩ a tan nɩ a pie: «Nyɩ lo gùri pàw tɩ, sɔwlɩ tɩ zãá nɩ a sob nɛ na zɩ̃ a naalʋ-dà-kɔw zu a niŋé, zãá nɩ a Pele suur.