Yel-wula 4:1 - A SƐB-SÕW

¹ À á ŋá pùorí, ɩ̃ tɩ nyɛ̃ nɩ bʋ̃-yũo: ɩ̃ nyɛ̃ nɩ pan na yuo a tẽ-vla pʋɔ a. A kɔkɔr ʋl ɩ̃ na tɩ dãw wõ ʋ yire mɛ̃ a wɩ́ɛ a tɩ yel mɛ̃ na: «Do wa a ka, ɩ̃ɩ na wul fʋ nɩ a ʋlɩ bom nɛ na na wa a pùorí a.»

Yel-wula 4:1 ပူးပေါင်းရင်းမြစ်များ

Eziptɩ tẽw yib 1:1

A Zakɔb bɛ mɩ̀ na bʋɔlɛ Ɩsɩrayɛl a bibiir na wa a Eziptɩ tẽw nɩ a bɛ sãà a yée n'ɩ á ŋá:

Eziptɩ tẽw yib 19:24

A Sore tɩ yel ʋ na: «Lɛb siw, al pùorí fʋ̃ʋ nɩ a Aarɔ̃ do wa. Ɛcɛ a bàwr-maalbɛ nɩ a nɩbɛ a, bɛ taa wa zɔrɛ birbir dúor waar a ɩ̃ zie, ɩ̃ wa mab nyɛ̃ nɩ bɛ suur ɛ.»

Eziptɩ tẽw yib 24:12

A Sore tɩ yel'ɩ a Moyiir: «Do wa a ɩ̃ zie a tãw zu, wa be be. Ɩ̃ bɔbr'a k'ɩ̃ɩ kʋ̀ b a kʋsɛ-pamɛ al zu a Wulu nɛ-ƴãwnɩ na sɛb a, fʋ tɩ wul a a Ɩsɩrayɛl nɩbɛ bɛ bãw a.»

Zʋkpaɩ 25:7

Bɛlɛ wa yel fʋ: «Do wa a ka!», alɛ sa bɛ nãà wa siwri fʋ nɩ-kpɛ̃ɛ niŋé a.

Ezekɩɛl 1:1

A ɩ̃ yome lɩzɛr'ɩ pie sob, a cuwr anaar sob, a bibie anũu sob, a mãa Ezekɩɛl na ɩ a bàwr-maalɛ Buuzɩ bidɛb a, ɩ̃ tɩ pʋɔ nɩ a Zifʋ mɩnɛ bɛl bɛ na tɩ diw cen nɩ a pʋɔ, a Kebaar man nʋɔr. Ɩ̃ tɩ nyɛ̃ nɩ a salom ʋ yuo, ɛ́ a Naaŋmɩn tɩ tɩr bʋ̃-nyɛrɩ kʋ̀ m ɩ̃ nyɛ̃.

Matie 3:16

A Yeezu na tɩ de a suob wa baarɩ a, ʋ yi n a kʋ̃ɔmɩ́. A ʋlɩ pɛr nɛ pʋɔ, a salom tɩ yuo na, ʋʋ nyɛ̃ a Naaŋmɩn Vʋʋrʋ ʋ siwr waar a ʋ zu mɛ̃ naŋmam a,

Markɩ 1:10

Ʋ na tɩ yire a kʋ̃ɔ pʋɔ daadaalɛ a, ʋ tɩ nyɛ̃ nɩ a salom ʋ tawr yuore, ɛ́ a Vʋʋrʋ Sõw siwr a ʋ zu mɛ̃ naŋmam a,

Luka 3:21

A nɩbɛ za na tɩ de a suob baarɩ, a Yeezu mɩ̀ de baarɩ ɛ́ puore a, a salom tɩ yuo na,

Zã 16:13

A yel-mɩŋa Vʋʋrʋ wa wa a, ʋ na wul nyɩ nɩ a yel-mɩŋa za. Ʋlɛ bɛ n'ʋ na nyɛ̃ ʋ tʋɔra ƴɛ̀rɛ ɩ, alɩ bom nɛ za ʋ na na wõ a, alɛ n'a ʋ na yel, ʋʋ na yel'ɩ nɩdaar yele kʋ̀ nyɩ.

Nɩ-toni 10:11

Ʋ tɩ nyɛ̃ nɩ a salom ʋ yuo, bom kãw nɩr na kʋ̃ tʋ̃ɔ́ bãw a, tɩ yi n a salom zu siwr a tẽw. Ʋ tɩ ɩ na mɛ̃ pɛn-kpɛ̃ɛ kpɛ̃ɛ bɛ na nyɔw a nɛ́ɛ anaar ƴãw, ɛ́ bɛr ʋ siwr a tẽw a.

Nɩ-toni 7:56

Ʋ tɩ yel'a: «Ɩ̃ nyɛ̃ nɩ a salom k'ʋ yuo, ɛ́ a Nɩsaal Bie àr a Naaŋmɩn dʋrʋ lowr.»

Yel-wula 1:10

A Naaŋmɩn Vʋʋrʋ tɩ siw mɛ̃ nɩ a Sore bibir, ɩ̃ɩ tɩ wõ kɔkɔr na yire kpɛ̃w kpɛ̃w za a ɩ̃ pùorí mɛ̃ wɩ́ɛ na pɛblɛ a.

Yel-wula 1:12

Ɩ̃ tɩ lɩɛb'a k'ɩ̃ɩ nyɛ̃ a sob nɛ na ƴɛ̀rɛ a ɩ̃ zie a. Ɩ̃ na tɩ lɩɛbɩ a, ɩ̃ nyɛ̃ nɩ salm-zɩɛ fɩ̃tɩlɩ ayopõi.

Yel-wula 1:19

A na ɩ à ŋá a, sɛb a yele fʋ na nyɛ̃ a, a al na ɩrɛ a ƴɛrɛŋa a, nɩ a al a na fɛr k'aa ɩ a pùorí a.

Yel-wula 11:12

Bɛ tɩ wõ n kɔkɔr-kpɛ̃w ʋ ƴɛ̀rɛ a salom zu a bɛ zie yere: «Nyɩ do wa ka!» Bɛ tɩ do n a salom zu zũzuwr pʋɔ, a bɛ dɔ̃ dem mimié.

Yel-wula 11:19

Lɛ n'a a Ŋmɩn-yir na be a salom zu a tɩ yuo, ɛ́ a Wõ-taa daga sãá a ʋ pʋɔ. A tɩ ɩ n saa-nyɩwrʋ, kɔkɛɛ gɔmɛ, saa tanʋ, tẽsɔw-kɔbr damnʋ nɩ sa-bi-kube na lo yaga za a.

Yel-wula 16:17

A malkɩ ayopõi sob tɩ cir'ɩ a ʋ dem ƴãw a pɩɛlʋ pʋɔ. Kɔkɔ-kpɛ̃w tɩ ƴɛ̀r'a yi a Ŋmɩn-yir-kpɛ̃ɛ pʋɔ, a naalʋ-dà-kɔw pɛr. Ʋ tɩ yere na: «A maal'a!»

Yel-wula 19:11

Al pùorí, ɩ̃ tɩ nyɛ̃ nɩ a salom ʋ yuo, ɛ́ wur-pla sãá. A ʋ zɔmnɛ dɩ na kɛ́ Pùor-bɛ-lɛbrɛ nɩ Mɩŋa sob. Ʋ maalɛ nɩ a ƴɛ̀rʋ ɛ́ zɛbr a zɛbr nɩ mɩnʋ.

Yel-wula 22:6

Al pùorí, a malkɩ tɩ yel mɛ̃ na: «A ƴɛ̀rʋ á ŋá ɩ n sɩza ɛ́ bɛ tɛr bʋnʋ ɛ. A Sore Naaŋmɩn na mɩ́ kʋ̀ a tɩɛrʋ a ʋ ƴɛ̀r-manbɛ a, ʋlɛ n'ʋ tõ a ʋ malkɩ ʋ wa wul a ʋ tõ-tõ-biir a yele na kʋ̃ yaa kɛ́ ta a.»